ဂျာမနီနိုင်ငံမြောက်ပိုင်းတွင် ရထားတစ်စီးမတော်တဆမှုဖြစ်ပွား၊ အနည်းဆုံးလူအယောက် ၂၀ ထိခိုက်ဒဏ်ရာရှိ

ဘာလင်၊ မေ ၈ ရက် (ဆင်ဟွာ)

ဂျာမနီနိုင်ငံမြောက်ပိုင်း Rendsburg မြို့အနီးတွင် ရထားတစ်စီးမတော်တဆမှု ဖြစ်ပွားခဲ့ပြီး အနည်းဆုံးလူအယောက် ၂၀ ထိခိုက်ဒဏ်ရာရရှိခဲ့ကြောင်း Focus Online ဒေသခံသတင်းမီဒီယာက မေလ ၈ရက် တွင်ဖော်ပြခဲ့သည်။

နံနက်အစောပိုင်းတွင် အဆိုပါရထားသည် Alt Duvenstedt မြို့သို့ဖြတ်သွားစဉ် လော်ရီကား (semitrailer)တစ်စီးနှင့် တိုက်မိခဲ့ခြင်းဖြစ်ကြောင်း ရဲထုတ်ပြန်ချက်အရ သိရသည်။

အခင်းဖြစ်ပွားရာနေရာသို့ ကယ်ဆယ်ရေးအဖွဲ့မှ လူများ ရောက်ရှိလာပြီး ထိခိုက်ဒဏ်ရာရရှိသူများကို ရဟတ်ယာဉ်ဖြင့် သယ်ဆောင်ပေးခဲ့ကြောင်း သိရသည်။ (Xinhua)