ဗြိတိန်နိုင်ငံဝန်ကြီးချုပ် ဘိုးရစ်ဂျွန်ဆင် က သဘောတူညီချက်မရှိဘဲ ဥရောပသမဂ္ဂမှ နုတ်ထွက်ရေး ကိုရှောင်ရှားနိုင်ရန် အိုင်ယာလန်ဝန်ကြီးချုပ်နှင့်ဆွေးနွေးမည်

လန်ဒန်၊ အောက်တိုဘာလ ၉ ရက်(ဆင်ဟွာ)

ဗြိတိန်ဝန်ကြီးချုပ် ဘိုးရစ်ဂျွန်ဆင် က ဥရောပသမဂ္ဂ ၏သဘောတူညီချက်မရရှိဘဲ ဗြိတိန်နိုင်ငံ ဥရောပသမဂ္ဂ မှနုတ်ထွက်ရေးကို ရှောင်ရှားနိုင်ရန်အတွက်နောက်ဆုံးကြိုးပမ်းမှုတစ်ရပ်အဖြစ်ယခု ရက်သတ္တပတ်ကုန်ပိုင်းတွင် အိုင်ယာလန်ဝန်ကြီးချုပ် လီယို ဗာရတ်ကာ(Leo Varadkar) နှင့် တွေ့ဆုံဆွေးနွေးမှုပြုသွားမည်ဟု ဝန်ကြီးချုပ်ရုံးပြောရေးဆိုခွင့်ရှိသူက အောက်တိုဘာလ ၈ ရက် တွင်ပြောကြားခဲ့သည်။

ဝန်ကြီးချုပ်နှစ်ဦးက တယ်လီဖုန်းဖြင့် မိနစ် ၄၀ ကြာဆက်သွယ်စကားပြောခဲ့ကြသေးကြောင်းလည်းသိ ရသည်။

ပြောရေးဆိုခွင့်ရှိသူကနှစ်ဖက်စလုံးကပင် ဥရောပသမဂ္ဂ ၏သဘောတူညီချက်ဖြင့် ဗြိတိန်နိုင်ငံ ဥရောပ သမဂ္ဂ မှနုတ်ထွက်ရေး ရရှိစေရန်၎င်းတို့၏ လိုလားမှုများကို အခိုင်အမာထပ်မံပြောကြားခဲ့ကြကြောင်း၊ ၎င်းတို့အနေဖြင့် ယခု ရက်သတ္တပတ်ကုန်ပိုင်းတွင်တွေ့ဆုံဆွေးနွေးရန်မျှော်လင့်ထားကြကြောင်းဖြင့် ပြောကြားခဲ့သည်။

အောက်တိုဘာလ ၈ ရက်က ဥရောပပါလီမန် ဥက္ကဋ္ဌ ဒေးဗစ်ဆတ်ဆိုလီ(David Sassoli) က ဗြိတိန် ဝန်ကြီးချုပ် ဘိုးရစ်ဂျွန်ဆင် နှင့်တွေ့ဆုံဆွေးနွေးအပြီးတွင်တိုးတက်မှုတစ်စုံတစ်ရာမရှိကြောင်း မှတ် ချက်ပေးခဲ့သည်ဟုလည်း ပြောရေးဆိုခွင့်ရှိသူက ပြောခဲ့သည်။ ဒေးဗစ်ဆတ်ဆိုလီ ကဥရောပသမဂ္ဂ မှ ဗြိတိန်နိုင်ငံနုတ်ထွက်ရေးအတွက်ညှိနှိုင်းမှုကာလကို တိုးချဲ့ပေးရန်တောင်းဆိုခဲ့ခြင်းမရှိဟုလည်းပြော ခဲ့ ကြောင်းသိရသည်။

ဗြိတိန် ဝန်ကြီးချုပ် ဘိုးရစ်ဂျွန်ဆင် ကမူ ဗြိတိန်နိုင်ငံအနေဖြင့် ဥရောပသမဂ္ဂနှင့်သဘောတူညီချက် ရရှိ သည်ဖြစ်စေ၊မရရှိသည်ဖြစ်စေ အောက်တိုဘာလ ၃၁ ရက်တွင် နုတ်ထွက်မှုပြုမည်ဟု သန္နိဋ္ဌာန်ချပြောကြားထားသည်။(Xinhua)