ဘယ်လာရုစ် နိုင်ငံတွင် မိုးသည်းထန်စွာ ရွာသွန်းမှုကြောင့် လေယာဉ် နှစ်စီး တိုက်မိ

ဘယ်လာရုစ်၊ ဇူလိုင် ၁၄ ရက် (ဆင်ဟွာ)

ဘယ်လာရုစ်နိုင်ငံ ရှိ Minsk အမျိုးသား လေဆိပ်တွင် ဇူလိုင်လ ၁၃ ရက်က မိုးသည်းထန်စွာ ရွာသွန်းမှုကြောင့် ကုန်တင်လေယာဉ် တစ်စီးနှင့် ခရီးသည်တင် လေယာဉ်တစ်စီး တိုက်မိခဲ့ကြောင်းနှင့် ဒဏ်ရာ ရရှိသူမရှိကြောင်း အမျိုးသား လေကြောင်းလိုင်း Belavia က ပြောကြားခဲ့သည်။

မတော်တဆ တိုက်မိမှု ဖြစ်ပွားခဲ့သည့် လေယာဉ် နှစ်စီးအား Belarusian Belavia လေကြောင်းလိုင်းနှင့် Ruby Star Air Carrier ကုမ္ပဏီမှ အသီးသီး ပိုင်ဆိုင်ကြပြီး မတော်တဆမှု ဖြစ်ပွားချိန်၌ လေယာဉ်ပေါ်၌ ခရီးသည်များ လိုက်ပါလာခြင်း မရှိကြောင်း သိရသည်။
Minsk အမျိုးသားလေဆိပ်တွင် ထိုကဲ့သို့ ရာသီဥတု ဆိုးရွားမှုကြောင့် လေယာဉ် ၂ စီး တိုက်မိခြင်း၊ လေယာဉ်ငယ် တစ်စီး လေပြင်းကြောင့် လိမ့်၍ အစိတ်စိတ် အမွှာမွှာ ပျက်စီးခဲ့ခြင်းနှင့် လေယာဉ် ၅ စီးတွင် ထိခိုက်မှု အသေးစား များရရှိခဲ့ခြင်းတို့ အပါအဝင် စုစုပေါင်း လေယာဉ် ၈ စီးတွင် ထိခိုက်ပျက်စီးမှုများ ဖြစ်ပွားခဲ့ကြောင်း ပြောကြား ခဲ့သည်။
ယခုအခါ လေဆိပ်တွင် လုပ်ငန်းများ ပုံမှန်လည်ပတ် နေပြီ ဖြစ်ကြောင်းနှင့် လေဆိပ် ပရဝဏ်အတွင်း လေပြင်း တိုက်ခက်မှုနှင့် မိုးသည်းထန်စွာ ရွာသွန်းမှုများ ဖြစ်ပွားခဲ့သော်လည်း လူထိခိုက်မှု မရှိကြောင်း သိရသည်။ (Xinhua)