ထိုင်း-တရုတ် ဆက်ဆံရေးကို ချစ်ကြည်ရင်းနှီးမှုဖြင့် ထာဝရရှေ့ဆက်လိုကြောင်း ထိုင်းဝန်ကြီးချုပ် အနူတင် ချန်ဗီရာကူးလ် ပြောကြား

ဘန်ကောက်၊ နိုဝင်ဘာ ၂၆ ရက် (ဆင်ဟွာ)

“ယခုနှစ်က ထိုင်း-တရုတ် သံတမန်ဆက်ဆံရေးထူထောင်ခြင်း နှစ် ၅၀ ပြည့်နှစ် ဖြစ်ပါတယ်။ ဒါပေမဲ့ နှစ်နိုင်ငံ ရာဇဝင်အရင်းအမြစ်နဲ့ နှစ်နိုင်ငံပြည်သူတွေရဲ့ ချစ်ကြည်ရင်းနှီးစွာ ကူးလူးဖလှယ်မှုက နှစ်ပေါင်း ၅၀ မကပါဘူး” ဟု ထိုင်းဝန်ကြီးချုပ် အနူတင် ချန်ဗီရာကူးလ်က မကြာမီရက်ပိုင်း ဆင်ဟွာသတင်းထောက်၏ သီးသန့်တွေ့ဆုံမေးမြန်းမှုတွင် ပြောကြားခဲ့သည်။
ထိုင်း-တရုတ် ပြည်သူများ၏ အသက်သွေးကြောက ဆက်စပ်နေကြပြီး ကာလကြာရှည်စွာ ထိုင်း-တရုတ်ချစ်ကြည်ရေး၏ မြဲမြံမှုက ဖောက်ဖျက်၍ မရကြောင်း၊ အပြန်အလှန် ထောက်ခံအားပေးကာ အပြန်အလှန် ဖေးမကူညီခဲ့ကြပြီး နှစ်နိုင်ငံအနေဖြင့် စိတ်ရင်းအမှန်ဖြင့် ချစ်ကြည်ရင်းနှီးစွာ အစဉ်သဖြင့် ဆက်ဆံခဲ့ကြရာ နှစ်ဖက်ချစ်ကြည်ရေးသည် ပို၍နက်ရှိုင်းလာသလို အချိန်ကာလကြာလာသည်နှင့်အမျှ ပို၍ပင် ခိုင်မြဲလာကြောင်း ၎င်းက ပြောကြားခဲ့သည်။

မကြာသေးမီက ထိုင်းနိုင်ငံ ဘုရင် မဟာဝဇီရာလောင်ကွန်း တရုတ်နိုင်ငံသို့ နိုင်ငံတော်ခရီးစဉ် လာရောက်ခဲ့ရာ အနူတင်အနေဖြင့် တရုတ်ခရီးစဉ်တွင် အတူလိုက်ပါခဲ့သည်။

ဤအကြိမ်ခရီးစဉ်က “ထိုင်း-တရုတ် ဆက်ဆံရေးသမိုင်း စာမျက်နှာသစ်ကို ဖွင့်လှစ်လိုက်ခြင်း” ဖြစ်ပြီး နှစ်နိုင်ငံအကြီးအကဲများက မိတ်ဆွေရင်းချာသဖွယ် ဆက်ဆံခဲ့ကြကြောင်း၊ တရုတ်နိုင်ငံ၏ ကြီးကျယ်ခမ်းနားစွာ ကြိုဆိုဧည့်ခံမှုက ထိုင်း-တရုတ် အကြား နက်ရှိုင်းသည့် ချစ်ကြည်ရေးကို ပေါ်လွင်စေခဲ့သလို ယင်းချစ်ကြည်ရေးသည် “နှစ်နိုင်ငံဆက်ဆံရေးအတွက်ဆိုလျှင် အဖိုးမဖြတ်နိုင်အောင် အဖိုးတန်လှကြောင်း” အနူတင်က ပြောကြားခဲ့သည်။

ယင်းခရီးစဉ်ကာလတွင် တရုတ်ဘက်က ထိုင်းနိုင်ငံ၏ အရည်အသွေးကောင်းမွန်သော စိုက်ပျိုးရေးထုတ်ကုန်ပစ္စည်းများ တင်သွင်းမှုကို တိုးချဲ့သွားမည် ဖြစ်ကြောင်း ပြောကြားခဲ့သလို နှစ်ဖက်စလုံးကလည်း နှစ်နိုင်ငံ လူမှုယဉ်ကျေးမှုဖလှယ်ရေးကို မြှင့်တင်မည်ဖြစ်ကြောင်း ပြောကြားခဲ့ရာ ၎င်းမှာ ထိုင်း-တရုတ် ဆက်ဆံရေး၏ အပြန်အလှန် အကျိုးဖြစ်ထွန်းပြီး အနာဂတ်ကို မျက်နှာမူသည့် တံခါးဖွင့်လှစ်မှုသဘောထားကို ထပ်မံသက်သေပြလိုက်ကြောင်း အနူတင်က ပြောကြားခဲ့သည်။

ယခုနှစ် စက်တင်ဘာလက ထိုင်းဝန်ကြီးချုပ် တာဝန်စတင်ထမ်းဆောင်သည့်အချိန်မှစ၍ အနူတင်သည် တရုတ်နိုင်ငံနှင့်သက်ဆိုင်သော အစီအစဉ်အခမ်းအနားများကို အကြိမ်ပေါင်းများစွာ ပါဝင်တက်ရောက်ခဲ့ပြီးဖြစ်သည်။

မိမိအနေဖြင့် “ထိုင်း-တရုတ် မိသားစုပမာ ချစ်ကြည်ရင်းနှီးမှု” ကို ကိုယ်တိုင်ကိုယ်ကျ ခံစားရကြောင်း၊ နှစ်နိုင်ငံဆက်ဆံရေးသည်လည်း ယင်းအပေါ်တွင် အခြေခံခြင်းကြောင့် နှစ်ဖက်အကြား ဆွေးနွေးညှိနှိုင်းမှုများက တစ်ဖက်သား၏ စိတ်ရင်းစေတနာမှန်ကန်မှု၊ အပြုသဘောဆောင်မှု၊ လျင်မြန်မှုရှိသော တုံ့ပြန်မှုများကို ရရှိနိုင်ခြင်း ဖြစ်ကြောင်း ၎င်းက ဆိုသည်။ မိမိအနေဖြင့် နှစ်နိုင်ငံချစ်ကြည်ရင်းနှီးသောဆက်ဆံရေး ခိုင်မာတိုးတက်အောင် အစဉ်အမြဲ အားထားဆောင်ရွက်သွားမည် ဖြစ်ကြောင်း ၎င်းက ပြောကြားခဲ့သည်။

နှစ်နိုင်ငံ ပူးပေါင်းဆောင်ရွက်မှုအကြောင်း ပြောကြားရာတွင် အနူတင်က ထိုင်း-တရုတ်သည် ကုန်သွယ်စီးပွား၊ လူမှုယဉ်ကျေးမှုကဏ္ဍ ပူးပေါင်းဆောင်ရွက်မှုရလဒ်များ ပေါကြွယ်ဝကြောင်း၊ မြန်နှုန်းမြင့်ရထား နည်းပညာကဏ္ဍတွင် ထိုင်းနိုင်ငံအနေဖြင့် တရုတ်နိုင်ငံ၏ ပံ့ပိုးမှုကို ရရှိထားကြောင်း၊ နှစ်ဖက်အနေဖြင့် အခြေခံအဆောက်အဦနှင့် အပြန်အလှန်ချိတ်ဆက်မှုကဏ္ဍ၏ ညှိနှိုင်းပူးပေါင်းဆောင်ရွက်မှုကို မြှင့်တင်လျက်ရှိကြောင်း ပြောကြားခဲ့သည်။

အနာဂတ်တွင် နှစ်ဖက်အနေဖြင့် သိပ္ပံနည်းပညာကဏ္ဍ ပူးပေါင်းဆောင်ရွက်မှုဖြစ်နိုင်ခြေများကို ပို၍ စူးစမ်းရှာဖွေနိုင်ကြောင်း၊ သက်ဆိုင်ရာကဏ္ဍများတွင် တရုတ်နိုင်ငံဘက်က ထိုင်းနိုင်ငံအပေါ် ရင်းနှီးမြှုပ်နှံမှုများ ပို၍ တိုးချဲ့စေလိုကြောင်း၊ ဥပမာအားဖြင့် သဘာဝဘေးအန္တရာယ် ကြိုတင်သတိပေးခြင်းနှင့် စီမံခန့်ခွဲခြင်း၏ ဒစ်ဂျစ်တယ်နည်းပညာ၊ ကုန်စည်ထောက်ပံ့ပို့ဆောင်ရေးစနစ်၏ စီမံထိန်းချုပ်မှုနှင့် ကောင်းမွန်စေမှု၊ အွန်လိုင်းပညာရေးနှင့် ဉာဏ်ရည်တု စသည်တို့ဖြစ်ကြောင်း၊ အဆိုပါကဏ္ဍများ၏ ပူးပေါင်းဆောင်ရွက်မှုက ထိုင်းနိုင်ငံပြည်သူလူထုကို ပိုမိုကောင်းမွန်စွာ အကျိုးဖြစ်ထွန်းစေမည် ဖြစ်ကြောင်း ၎င်းက ဆိုသည်။

ဒေသတွင်းပူးပေါင်းဆောင်ရွက်မှုကဏ္ဍတွင် အနူတင်က ထိုင်းနိုင်ငံ၏ ပထဝီအနေအထားသည် ၎င်းကို ဒေသတွင်းဒေတာနှင့်သတင်းအချက်အလက် ဖြန့်ချိမှုစင်တာ၊ ကုန်စည်စီးဆင်းရာဗဟိုချက်နှင့် ကုန်ထုတ်လုပ်မှုအခြေစိုက်စခန်း ဖြစ်စေနိုင်ကြောင်း၊ ယင်းမှာလည်း တရုတ်နှင့် အာဆီယံ၏ ကုန်သွယ်ရေးအသွားအလာကို အထောက်အပံ့ဖြစ်စေမည် ဖြစ်ကြောင်း ထောက်ပြ ပြောကြားခဲ့သည်။

တရုတ်နိုင်ငံ အဆိုပြုသော ကမ္ဘာလုံးဆိုင်ရာ ဖွံ့ဖြိုးတိုးတက်ရေးအစီအမံ (GDI)၊ ကမ္ဘာလုံးဆိုင်ရာ လုံခြုံရေးအစီအမံ (GSI)၊ ကမ္ဘာလုံးဆိုင်ရာ ယဉ်ကျေးမှုအစီအမံ (GCI)၊ ကမ္ဘာလုံးဆိုင်ရာ စီမံခန့်ခွဲမှုအစီအမံ (GGI) များကို အနူတင်က အထူးချီးကျူးသုံးသပ်ပြောကြားခဲ့သည်။
အဆိုပါအစီအမံများသည် ထိုင်းနိုင်ငံ ကျင့်သုံးနေသော အယူအဆများနှင့် အလွန်တူညီမှုရှိကြောင်း၊ ထိုင်းနိုင်ငံက ယင်းအစီအမံများကို ထောက်ခံပြီး လက်တွေ့ဖော်ဆောင်လျက်ရှိကြောင်း၊ သွေးစည်းညီညွတ်စွာ ပူးပေါင်းဆောင်ရွက်ခြင်းက နိုင်ငံတကာဆက်ဆံရေး တည်ငြိမ်မှုအပေါ် အရေးကြီးသည့် အနက်အဓိပ္ပာယ်ရှိသည်ဟု ယူဆကြောင်း ၎င်းက ပြောကြားခဲ့သည်။

ထိုင်းနိုင်ငံသည် လန်ချန်း-မဲခေါင် ပူးပေါင်းဆောင်ရွက်မှု လက်ရှိ ပူးတွဲဥက္ကဋ္ဌနိုင်ငံ ဖြစ်သည်။
လန်ချန်း-မဲခေါင် ပူးပေါင်းဆောင်ရွက်မှုယန္တရား ဘက်ပေါင်းစုံက ကောင်းမွန်သော ပူးပေါင်းဆောင်ရွက်မှုဆက်ဆံရေးကို ရေရှည်ထိန်းသိမ်းထားကြောင်း၊ ပူးပေါင်းဆောင်ရွက်မှုတွင် စက်မှုလုပ်ငန်း၊ စွမ်းအင်၊ လယ်ယာစိုက်ပျိုးရေး စသည့်ကဏ္ဍများ လွှမ်းခြုံပါဝင်ကြောင်း၊ လန်ချန်း-မဲခေါင်ဒေသသည် ကမ္ဘာတစ်ဝန်း အဓိကစားနပ်ရိက္ခာထုတ်လုပ်သည့်ဒေသ ဖြစ်ကြောင်း၊ လန်ချန်း-မဲခေါင် ပူးပေါင်းဆောင်ရွက်မှုယန္တရားသည် စားနပ်ရိက္ခာဖူလုံမှု အာမခံချက်ရှိစေရေးတွင် အရေးကြီးသည့် အခန်းကဏ္ဍမှ ပါဝင်လျက်ရှိရာ ကမ္ဘာလုံးဆိုင်ရာ စားနပ်ရိက္ခာအကျပ်အတည်းကို ကိုင်တွယ်စီမံရန်အတွက် အကျိုးထမ်းဆောင်နိုင်ကြောင်း အနူတင်က ပြောကြားခဲ့သည်။

ထိုင်းနိုင်ငံအနေဖြင့် ဆိုက်ဘာလုံခြုံရေးစီမံခန့်ခွဲမှုကဏ္ဍ၌ ကြိုးပမ်းချက်များကို အနူတင်က အထူးသဖြင့် ပြောကြားခဲ့သည်။ ထိုင်းနိုင်ငံအနေဖြင့် အွန်လိုင်းလိမ်လည်မှုအရေးကိစ္စများကို အထူးအလေးထားရာ ယင်းရာဇဝတ်မှုလုပ်ရပ်များကို အားသွန်ခွန်စိုက် တိုက်ဖျက်လျက်ရှိကြောင်း၊ ပြည်တွင်းပြည်ပ ပူးပေါင်းဆောင်ရွက်မှု မိတ်ဖက်များနှင့် အနီးကပ် ပူးပေါင်းဆောင်ရွက်မှုဖြင့် အွန်လိုင်းလိမ်လည်မှု ကျူးလွန်သူများ အများအပြားအား အောင်မြင်စွာ ဖမ်းဆီးနိုင်ခဲ့ပြီးဖြစ်သလို ပြစ်မှုကျူးလွန်သူများအား နေရပ်နိုင်ငံသို့ ပြန်လည်ပို့ဆောင်သွားမည် ဖြစ်ကြောင်း ၎င်းက ဆိုသည်။
ထိုင်းနိုင်ငံသည် မည်သည့်ရာဇဝတ်သားများ၏ ခိုလှုံရာဖြစ်စေမည် မဟုတ်ကြောင်း၊ “အလုံးစုံနည်းလမ်းဖြင့် ဥပဒေနှင့်အညီ ပြင်းပြင်းထန်ထန်တိုက်ဖျက်သွားမည်ဖြစ်ရာ မည်သို့မျှအလျှော့ပေးမည် မဟုတ်ကြောင်း” ၎င်းက ပြောကြားခဲ့သည်။

သီးသန့်တွေ့ဆုံမေးမြန်းမှုပြီးဆုံးခါနီးတွင် အနူတင်က ထိုင်းပြည်သူများသည် တရုတ်ပြည်သူများ ကဲ့သို့သော မိတ်ဆွေစစ် မိတ်ဆွေမှန်ရှိခြင်းအတွက် အထူးပင် ဝမ်းမြောက်ကြောင်း အထူးတလည်ပြောကြားခဲ့သည်။
ယဉ်ကျေးမှုမှဖြစ်စေ၊ အစဉ်အလာ သို့မဟုတ် အသက်သွေးကြောမှဖြစ်စေ ထိုင်း-တရုတ် ပြည်သူများ၏ ရေစက်ကနက်ရှိုင်းကြောင်း၊ “ထိုင်း-တရုတ်သည် မိသားစုများဖြစ်သည်ဟု မိမိတို့အနေဖြင့် အစဉ်အမြဲယုံကြည်ကြောင်း” ၎င်းက ပြောကြားခဲ့သည်။
တရုတ်ပြည်သူများ၏ဘဝ သာယာချမ်းမြေ့ပါစေ၊ တိုးတက်ကြွယ်ဝပါစေဟု ဆုမွန်ကောင်းတောင်းသလို “ထိုင်း-တရုတ် ဆက်ဆံရေးကို ချစ်ကြည်ရင်းနှီးမှုဖြင့် ထာဝရရှေ့ဆက်ကြပါစို့” ဟု ၎င်းက ဆုမွန်ကောင်းဆန္ဒပြုပြောကြားခဲ့သည်။ (Xinhua)

——————
(Chinese Version)
高端访谈｜愿泰中关系永续友好——访泰国总理阿努廷·参威拉军
新华社曼谷11月26日电　高端访谈｜愿泰中关系永续友好——访泰国总理阿努廷·参威拉军 　　新华社记者常天童　王媛媛
“今年是泰中建交50周年，但两国的历史渊源和两国人民的友好交往远不止50年。”泰国总理阿努廷·参威拉军近日接受新华社记者专访时表示，泰中人民血脉相通，长期以来，泰中友谊牢不可破，彼此支持，相互帮助，两国始终真诚友善相待，双方情谊越发深厚、历久弥坚。
泰国国王哇集拉隆功近期对中国进行国事访问，阿努廷陪同访华。阿努廷说，这次访问“翻开了泰中交往历史新的一页”，两国元首像朋友一样相处。中方的隆重接待体现了泰中之间的深厚情谊，这种情谊“对两国关系来说拥有无法估量的价值”。
阿努廷表示，此次访问期间，中方表示将扩大进口泰国优质农产品，双方还表示将促进两国人文交流，这再次印证泰中关系的互利互惠与面向未来的开放态势。
自今年9月就任泰国总理以来，阿努廷已多次参加与中国相关的活动。他说，自己对“泰中一家亲”有切身感受，正因为两国关系建立在此基础上，双方之间的沟通能得到对方真诚、积极、迅速的回应。他表示，自己将始终致力于巩固和促进两国友好关系。
谈及两国合作，阿努廷表示，泰中在经贸、人文领域合作成果丰硕，泰方在高铁技术方面得到中方支持，双方在基础设施与互联互通领域加强协作。他说，未来双方在科技领域可探索更多合作可能性，希望中方在相关领域加大对泰投资，例如灾害预警与管理的数字技术、物流系统的管控与优化、在线教育与人工智能等，在上述领域的合作将更好造福泰国民众。
在区域合作方面，阿努廷指出，泰国的地理位置使其能够成为地区数据与信息传播中心、商品流通中心以及制造基地，这也将为中国与东盟的贸易往来提供助力。
阿努廷高度评价中方提出的全球发展倡议、全球安全倡议、全球文明倡议和全球治理倡议。他说，上述倡议与泰方奉行理念高度一致，泰方支持并践行上述倡议，认为团结合作对于国际关系的稳定具有重要意义。
泰国是澜沧江－湄公河合作现任共同主席国。阿努廷表示，澜湄合作机制各方长期保持良好合作关系，合作涵盖工业、能源、农业等领域。澜湄地区是全球重要粮食产区，澜湄合作机制在保障粮食安全方面发挥着重要作用，可以为应对全球粮食危机作出贡献。
阿努廷特别谈及泰国在网络安全治理方面所作努力。他说，泰国高度重视网络诈骗问题，正在全力打击这一犯罪行为，已通过与国内外合作伙伴密切配合成功抓获大量网络诈骗犯罪分子，并将犯罪人员遣返回所属国家。他强调，泰国不会成为任何犯罪分子的避难所，将“用一切手段依法严厉打击，绝不姑息”。
在专访尾声，阿努廷特意表达：泰国人民为拥有中国人民这样的挚友感到由衷高兴。他说，无论从文化、传统还是血脉上，泰中人民渊源深厚，“我们始终相信，泰中是一家人”。他祝愿中国人民生活幸福、繁荣，祝愿“泰中关系永续友好”。（完）
1. 11月19日，泰国总理阿努廷·参威拉军在位于曼谷的总理府接受新华社记者专访。 （配本社同题文字稿） 新华社记者 孙玮彤 摄