North America
မက္ကဆီကိုနိုင်ငံ အလယ်ပိုင်း မီးပန်းသိုလှောင်ရုံတစ်ခု ပေါက်ကွဲမှုကြောင့် သေဆုံးသူ အနည်းဆုံး ၇ ဦး ရှိ
မက္ကဆီကို၊ ဇွန် ၇ ရက်(ဆင်ဟွာ)
မက္ကဆီကိုနိုင်ငံ အလယ်ပိုင်း မက္ကဆီကိုပြည်နယ် Tultepecမြို့တွင် ဇွန်လ ၆ ရက်နေ့က မီးပန်း သိုလှောင်ရုံတစ်ခု ပေါက်ကွဲမှုကြောင့် သေဆုံးသူ အနည်းဆုံး ၇ ဦးရှိပြီး ၈ ဦး ဒဏ်ရရှိကြောင်း ၎င်းပြည်နယ်အစိုးရက အခင်းဖြစ်ပွားသောနေ့တွင် ထုတ်ပြန်ကြေညာခဲ့သည်။
အဆိုပါပေါက်ကွဲမှုမှာ ဇွန်လ ၆ရက်နေ့ မနက် ၁ နာရီခန့်က ဖြစ်ပွားခဲ့ခြင်းဖြစ်ကြောင်း၊ ပေါက်ကွဲမှုကြောင့်အနီးပတ်ဝန်းကျင်ရှိ အဆောက်အဦးနှင့်မော်တော်ယာဉ်များ ပျက်စီးခဲ့ကြောင်း၊ ဒေသခံအစိုးရက အခင်းဖြစ်ပွားသောနေရာကို ရှင်းလင်းမှုများ ပြုလုပ်နေပြီး ကူညီကယ်ဆယ်မှုများပြုလုပ်နေကြောင်း ကြေညာချက်တွင် ဖော်ပြထားသည်။
မက္ကဆီကိုရှိ မြို့အများအပြားတွင် ဗျောက်အိုးမီးရှူးမီးပန်းပြုလုပ်သည့်အစဉ်အလာရှိရာ ထုတ်လုပ်မှု၊သိုလှောင်ထားရှိသောနေရာ လုံခြုံစိတ်ချမှု မရှိသောကြောင့် မီးပန်းသိုလှောင်ရုံပေါက်ကွဲမှုများ မကြာခဏဆိုသလို ဖြစ်ပွားလေ့ရှိသည်။ ၂၀၁၆ ခုနှစ် ဒီဇင်ဘာလတွင် Tultepecမြို့ရှိ မီးရှူးမီးပန်းသိုလှောင်ရုံတစ်ခု ပေါက်ကွဲဖြစ်ပွားခဲ့သောကြောင့် သေဆုံးဒဏ်ရာရမှုအများအပြားရှိခဲ့ကြောင်း သိရသည်။ (Xinhua)