ဟူစတန်၊ ဩဂုတ် ၁၈ ရက် (ဆင်ဟွာ) အမေရိကန်နိုင်ငံ တက္ကဆက်ပြည်နယ် အုပ်ချုပ်ရေးမှူး Greg Abbott သည် ကာကွယ်ဆေး အပြည့်အဝထိုးနှံပြီးဖြစ်သော်လည်း COVID-19 ရောဂါ ကူးစက်ခံခဲ့ရကြောင်း အုပ်ချုပ်ရေးမှူးရုံး၏ ဩဂုတ် ၁၇ ရက် ထုတ်ပြန်ချက်၌ ကြေညာထားသည်။
လန်ဒန်၊ ဩဂုတ် ၁၈ ရက်(ဆင်ဟွာ) အာဖဂန်နစ္စတန်၏ လက်ရှိ အခြေအနေအပေါ် ဗြိတိန်ဝန်ကြီးချုပ် ဘောရစ်ဂျွန်ဆင်နှင့် အမေရိကန် သမ္မတ ဂျိုးဘိုင်ဒန်တို့သည် ဩဂုတ် ၁၇ ရက်ညပိုင်းက ဖုန်းဖြင့် ဆက်သွယ်ဆွေးနွေးခဲ့ကြကြောင်း သိရသည်။
မော်စကို ၊ ဩဂုတ် ၁၈ ရက်(ဆင်ဟွာ) နိုင်ငံတကာစစ်ဘက်ဆိုင်ရာအားကစားပြိုင်ပွဲ ၂၀၂၁ ခုနှစ်အတွက် ပြိုင်ပွဲလက်ခံကျင်းပရာ ရုရှား ၊ ဘီလာရုဒ်စ် ၊ ဥဇဘတ်ကစ္စတန် နှင့် အီရန်နိုင်ငံများသို့ တရုတ်စစ်တပ်၏ ပြိုင်ပွဲဝင် ၁၇ ဖွဲ့စလုံးသည် စစ်လက်နက်များ နှင့် အသုံးဆောင် ကိရိယာတန်ဆာပလာများနှင့်အတူ အသီးသီးရောက်ရှိသွားကြပြီဖြစ်ကြောင်း သိရသည်။
လက်စ်ကိုင်၊ ဩဂုတ် ၁၈ ရက်(ဆင်ဟွာ) ဟေတီနိုင်ငံ အနောက်ပိုင်းဒေသတွင် ဩဂုတ် ၁၄ ရက်က ပြင်းအား (၇.၂)အဆင့်ရှိ အင်အားပြင်းငလျင်လှုပ်ခတ်ခဲ့ရာ ဩဂုတ် ၁၇ ရက် ညနေပိုင်းအထိ ငလျင်ကြောင့် သေဆုံးသူ အနည်းဆုံး (၁,၉၄၁)ဦး၊ ဒဏ်ရာရသူ(၉,၉၀၀)ဦးရှိကြောင်း ဟေတီမြို့ပြကာကွယ်ရေးဌာနက ယင်းနေ့တွင် ပြောကြားခဲ့သည်။
ကဘူးလ် ၊ ဩဂုတ် ၁၈ ရက်(ဆင်ဟွာ) တာလီဘန်အနေဖြင့် မည်သည့် ပြည်တွင်းပြည်ပ ရန်သူမျိုးကိုမျှ မလိုလားကြောင်း နှင့် အာဖဂန်နစ္စတန်နိုင်ငံတွင် အားလုံးပါဝင်သော အစိုးရတစ်ရပ်ကို ဖွဲ့စည်းသွားရန် ရည်မှန်းထားကြောင်း တာလီဘန်ပြောရေးဆိုခွင့်ရှိသူက ဩဂုတ် ၁၇ ရက်တွင် ပြောကြားခဲ့သည်။
