ရန်ကုန်၊ ဇွန် ၂၇ ရက် (ဆင်ဟွာ) ဘာရိန်းနိုင်ငံ မနားမားမြို့၌ ဇွန် ၂၄ ရက်မှ ဇူလိုင် ၄ ရက်အထိ ကျင်းပနေသော (၄၂)ကြိမ်မြောက် ကမ္ဘာ့အမွေအနှစ်ကော်မတီညီလာခံတွင် ပုဂံဒေသ ကမ္ဘာ့အမွေအနှစ်စာရင်းဝင် ဖြစ်နိုင်ရေး မြန်မာ ကြိုးပမ်းမည်ဖြစ်ကြောင်း ပြန်ကြားရေးဝန်ကြီးဌာနက ထုတ်ပြန်သော သတင်းအရ သိရသည်။
ဂျေရုဆလမ်၊ ဇွန် ၂၇ ရက် (ဆင်ဟွာ) ဗြိတိန်နိုင်ငံ မင်းသား ဝီလျံသည် အစ္စရေးနိုင်ငံ သမ္မတ Reuven Rivlin နှင့် ဝန်ကြီးချုပ် ဘင်ဂျမင် နေတန်ညာဟု (Benjamin Netanyahu) တို့နှင့် ဇွန်လ ၂၆ ရက်က တွေ့ဆုံခဲ့ကြောင်း သိရသည်။
အာမန် ၊ ဇွန် ၂၇ ရက်(ဆင်ဟွာ) ဂျော်ဒန်တွင် လုံလောက်သည့်ကူညီလက်ခံနိုင်စွမ်းမရှိတော့သောကြောင့် ဆီးရီးယားဒုက္ခသည်များကို ထပ်ပြီးလက်ခံတော့မည်မဟုတ်ကြောင်း ဂျော်ဒန်ဝန်ကြီးချုပ် Omar Razzaz က အောက်လွှတ်တော် ဥက္ကဋ္ဌ Atef Tarawnehနှင့်တွေ့ဆုံပြီးနောက် ဇွန် ၂၆ ရက်တွင် ပြောကြားခဲ့သည်။
ရှီးချန်း၊ ဇွန် ၂၇ ရက် (ဆင်ဟွာ) တရုတ်နိုင်ငံ အနောက်တောင်ပိုင်း ရှီးချန်းဂြိုဟ်တုလွှတ်တင်ရေး စင်တာ မှ နည်းပညာသစ်စမ်းသပ်မှု ဂြိုဟ်တု ၂လုံးအား Long March-2C ဒုံးပျံဖြင့် ဇွန် ၂၇ ရက် နံနက်ပိုင်းတွင် အောင်မြင်စွာလွှတ်တင်နိုင်ခဲ့ကြောင်း သိရသည်။
