ပေကျင်း၊ မေ ၂၄ ရက် (ဆင်ဟွာ)

ကမ္ဘာလုံးဆိုင်ရာ COVID-19 ကပ်ရောဂါ တိုက်ဖျက်မှုတွင် တရုတ်နိုင်ငံအနေဖြင့် မည်သည့်အခါမျှ ပထဝီနိုင်ငံရေးရည်မှန်းချက်များ နှင့် စီးပွားရေး အကျိုးအမြတ်များသို့မဟုတ် နိုင်ငံရေးအရ ချည်နှောင်မှုများကို လုပ်ဆောင်သွားမည် မဟုတ်ကြောင်း တရုတ်နိုင်ငံတော်ကောင်စီဝင်နှင့် နိုင်ငံခြားရေးဝန်ကြီး ဝမ်ရိက ယနေ့ကျင်းပသည့် သတင်းစာရှင်းလင်းပွဲတွင်ပြောကြားခဲ့သည်။ (Xinhua)

ပေကျင်း၊ မေ ၂၄ ရက် (ဆင်ဟွာ) 

တရုတ်နိုင်ငံအနေဖြင့် နိုင်ငံတကာ သိပ္ပံအဖွဲ့အစည်းနှင့်ပူးပေါင်းကာ ကိုရိုနာဗိုင်းရပ်စ်၏ဇစ်မြစ်ကို ရှာဖွေသွားမည်ဖြစ်ပြီး ထိုသို့ရှာဖွေရာတွင် ပညာရှင်ဆန်စွာ၊ သမာသမတ်ကျစွာနှင့် အပြုသဘောဆောင်ရွက်ရမည်ဖြစ်ကြောင်း နိုင်ငံတော်ကောင်စီဝင်နှင့်နိုင်ငံခြားရေးဝန်ကြီးဝမ်ရိက မေလ ၂၄ ရက်တွင် ကျင်းပခဲ့သည့်နိုင်ငံခြားရေးမူဝါဒဆိုင်ရာ သတင်းစာရှင်းလင်းပွဲတွင်ပြောကြားခဲ့သည်။ (Xinhua)

ပေကျင်း၊ မေ ၂၄ ရက် (ဆင်ဟွာ)

တရုတ်နိုင်ငံ ပေကျင်းမြို့တွင် ယနေ့ကျင်းပသည့် တရုတ်နိုင်ငံခြားရေးမူဝါဒဆိုင်ရာ သတင်းစာရှင်းလင်းပွဲတွင် တရုတ် နိုင်ငံတော်ကောင်စီဝင်နှင့် တရုတ်နိုင်ငံခြားရေးဝန်ကြီးက COVID-19 တိုက်ဖျက်ရေးတွင် တရုတ်နိုင်ငံက အာဖရိကတိုက်နှင့်အတူ တစ်ဖက်နှင့်တစ်ဖက် အတူရပ်တည်သွားမည်ဟု ပြောကြားခဲ့သည်။ (Xinhua)

ပေကျင်း၊ မေ ၂၄ ရက် (ဆင်ဟွာ)

COVID-19 ကပ်ရောဂါသည် တရုတ်နိုင်ငံတင်မကဘဲ အမေရိကန်နိုင်ငံ အတွက်ပါ ဘုံရန်သူဖြစ်ကြောင်းနှင့် နှစ်နိုင်ငံ ပြည်သူများသည် အချင်းချင်းကူညီရိုင်းပင်းခြင်းအားဖြင့် ကောင်းမွန်သည့်အကျိုးစီးပွါးများကိုဖြစ်ထွန်းနိုင်စေကြောင်းတရုတ် နိုင်ငံတော်ကောင်စီဝင်နှင့် နိုင်ငံခြားရေးဝန်ကြီးဝမ်ရိက ယနေ့ကျင်းပသည့် နိုင်ငံခြားရေးမူဝါဒနှင့်စပ်လျဉ်းသည့် သတင်းစာရှင်းလင်းပွဲတွင် ပြောကြားခဲ့ကြောင်းသိရသည်။ (Xinhua)

ပေကျင်း၊ မေ ၂၄ ရက် (ဆင်ဟွာ)

ကမ္ဘာကျန်းမာရေးအဖွဲ့ WHO အား ရွံ့ဖြင့်ပစ်ပေါက်ပါက တစ်နည်းအားဖြင့် အပြစ်တင်ပြောဆိုပါက  ၎င်းပြုလုပ်သူထံသို့ ရွံ့ပြန်စင်နိုင်သလို အပြစ်တင်ခံရနိုင်ကြောင်း တရုတ်နိုင်ငံတော်ကောင်စီဝင်နှင့် နိုင်ငံခြားရေးဝန်ကြီး ဝမ်ရိက မေလ ၂၄ ရက်တွင်ပေကျင်း၌ ကျင်းပခဲ့သည့် သတင်းစာရှင်းလင်းပွဲတွင် ပြောကြားခဲ့သည်။ (Xinhua)

ပေကျင်း၊ မေ ၂၄ ရက် (ဆင်ဟွာ)

ယနေ့ ပေကျင်းမြို့ တွင်ကျင်းပသည့် တရုတ်နိုင်ငံ၏ နိုင်ငံခြားရေးရာမူဝါဒ ဆိုင်ရာ သတင်းစာရှင်းလင်းပွဲတွင် ကမ္ဘာလုံးဆိုင်ရာ ဖြစ်တည်မှုကို ငြင်းပယ်ခြင်း နှင့် ကိုယ်ကျိုးစီးပွါး ကာကွယ်ရေးဝါဒကို အသစ်တစ်ဖန် လုပ်ဆောင်ခြင်းက အနာဂတ်မဲ့နိုင်ကြောင်း နိုင်ငံတော် ကောင်စီဝင်နှင့်  နိုင်ငံခြားရေးဝန်ကြီးဝမ်ရိက ပြောကြားခဲ့သည်။ (Xinhua)

 

ဝမ်ရိ၊ မေ ၂၄ ရက် (ဆင်ဟွာ)

COVID-19 နှင့်ပတ်သက်၍ အခွင့်အာဏာများ မရှိဘဲ တရုတ်နိုင်ငံအပေါ်တရားစွဲဆိုမှုများသည် ခိုင်လုံသည့်အချက်အလက် ၊ ဥပဒေ မရှိသလို နိုင်ငံတကာ စံနှုန်းများနှင့် လည်း လုံးဝ ကိုက်ညီမှုမရှိကြောင်း နိုင်ငံတော်ကောင်စီဝင်နှင့် နိုင်ငံခြားရေးဝန်ကြီး ဝမ်ရိက ယနေ့ မေ ၂၄ ရက်တွင် ကျင်းပသည့် သတင်းစာရှင်းလင်းပွဲအတွင်း ပြောကြားခဲ့ကြောင်းသိရသည်။ ( Xinhua)

ပေကျင်း၊ မေ ၂၄ ရက် (ဆင်ဟွာ) 

တရုတ်နိုင်ငံအနေဖြင့် ဟောင်ကောင်အရေးတွင် မည်သည့်ပြင်ပ ဝင်ရောက်စွက်ဖက်မှုမှ သည်းခံလိမ့်မည်မဟုတ်ကြောင်း တရုတ်နိုင်ငံခြားရေးဝန်ကြီးနှင့် နိုင်ငံတော်ကောင်စီဝင် ဝမ်ရိက မေလ ၂၄ ရက်တွင် ပေကျင်းမြို့၌ ကျင်းပပြုလုပ်သည့် သတင်းစာရှင်းလင်းပွဲတွင် ပြောကြားခဲ့ကြောင်းသိရသည်။ (Xinhua)

ပေကျင်း၊ မေ ၂၄  ရက် (ဆင်ဟွာ) 

တရုတ်နိုင်ငံ ပေကျင်းမြို့တွင် ယနေ့ မေ ၂၄ ရက်၌ ကျင်းပခဲ့သည့် တရုတ်နိုင်ငံ၏ နိုင်ငံခြားရေးဆိုင်ရာ မူဝါဒများကိုရှင်းလင်းပြောကြားသည့် သတင်းစာရှင်းလင်းပွဲတွင် နိုင်ငံတော်ကောင်စီဝင်နှင့် နိုင်ငံခြားရေးဝန်ကြီး ဝမ်ရိ က တကမ္ဘာလုံးအနေဖြင့် လက်ရှိဖြစ်ပွားနေသည့် COVID-19 အား တိုက်ဖျက်ရန် အထူးပင်အရေးကြီးကြောင်းပြောကြားခဲ့သည်။  COVID-19 ဖြစ်ပွားမှုမှ သင်ယူရရှိခဲ့သည်မှာ နိုင်ငံအသီးသီးရှိ ပြည်သူများအားလုံး၏ အသက်အိုးအိမ်နှင့် ကျန်းမာရေးမှာ အလွန်ပင် စပ်ဆက်လျှက်ရှိကြောင်း ဝမ်ရိကပြောကြားခဲ့သည်။ (Xinhua)

ပေကျင်း၊ မေ ၂၄ ရက် (ဆင်ဟွာ) 

တရုတ်နိုင်ငံတွင် နှစ်စဉ်လွှတ်တော်အစည်းအဝေးနှစ်ရပ်ကျင်းပလေ့ရှိ ရာ တစ်နိုင်ငံလုံးရှိ ဥပဒေပြုရေးနှင့်အကြံပေးအဖွဲ့ ခေါင်းဆောင်များသည် အုပ်စုလိုက်ဆွေးနွေးမှုများ ကျင်းပခဲ့ကြသည်။

သမ္မတရှီကျင့်ဖိန်သည် အမျိုးသားပြည်သူ့ကွန်ဂရက်၏ ကိုယ်စားလှယ်တစ်ယောက်တစ်ဦးအနေဖြင့်  အတွင်းမွန်ဂိုလီးယားကိုယ်ပိုင်အုပ်ချုပ်ခွင့်ရ ဒေသမှ ကိုယ်စားလှယ်များနှင့်အတူ မေ၂၂ ရက်တွင် ကြားနာမှုများဆောင်ရွက်ခဲ့သည်။ 

မေလ ၂၂ ရက်သည်  တရုတ် အမျိုးသားဥပဒေပြုရေးဆိုင်ရာ နှစ်ပတ်လည်အစည်းအဝေးများစတင်ကျင်းပသည့် ပထမနေ့ ဖြစ်သည်။ 

တွေ့ဆုံဆွေးနွေးမှုများအတွင်း သမ္မတရှီက အခြားကိုယ်စားလှယ်များနှင့် ဆင်းရဲနွမ်းပါးမှု တိုက်ဖျက်ရေး၊ မြက်ခင်းဒေသ ပတ်ဝန်းကျင်ထိန်းသိမ်းရေးနှင့် တိုင်းရင်းသားလူမျိုးများစည်းလုံး ညီညွတ်ရေး အပါအဝင် အကြောင်းအရာများကို ကျယ်ပြန့်စွာဆွေးနွေးပြီးနောက် အပြန်အလှန်အမြင်ချင်း ဖလှယ်ခဲ့ကြသည်။ 

သမ္မတရှီကျင့်ဖိန်က ပြည်သူ့ဗဟိုပြု အတွေးအခေါ် (people center philosophy) အကြောင်းအရာတစ်ခုကို အရေးအကြီးဆုံးအဖြစ်ဆွေးနွေးခဲ့သည်။

သမ္မတရှီက အဘယ့်ကြောင့် ထို အကြောင်းအရာကို ဦးစားပေးဆွေးနွေးခဲ့သနည်း။ 

ထို့အပြင် ပြည်သူ့ဗဟိုပြု အရေးဆွေးနွေးမှုကိစ္စ အတွေးအခေါ်အယူအဆအား ၂၀၂၀ ပြည့်နှစ်တွင် တရုတ်နိုင်ငံအနေဖြင့် မည်သို့ ထူးခြားသည့် အဓိပ္ပါယ်ဖွင့်ဆိုနိုင်မည်နည်း။

ယခုအစီအစဉ်သည် သမ္မတရှီကျင့်ဖိန်နှင့် နှစ်ပတ်လည်အစည်းအဝေး နှစ်ရပ် ဆိုင်ရာ အစီအစဉ်ဖြစ်သည်။ 

ဂန္တဝင်မြောက်သည့် ကြိုးပမ်းအားထုတ်မှုများနှင့် ကြီးမားသော စွန့်လွှတ်ပေးဆပ်မှုများ အကြား တရုတ်နိုင်ငံက COVID-19 အား ကြံ့ကြံ့ခံ ရင်ဆိုင်ပြီးနောက် ဗိုင်းရပ်စ်ပျံ့နှံ့မှုကို ထိန်းချုပ်နိုင်သည့် ရလဒ်ကောင်းများ ဆောင်ကြဉ်းနိုင်ခဲ့သည်။ 

ကိုယ်စားလှယ်များနှင့် ဆွေးနွေးပြီးနောက် သမ္မတရှီက ပြည်သူများအတွက် ပိုမိုကောင်းမွန်သော ဘဝများကို ပိုင်ဆိုင်နိုင်စေရန် ဖွံ့ဖြိုးတိုးတက်မှုနှင့် ပြုပြင်ပြောင်းလဲမှုဆိုင်ရာ လှုပ်ရှားမှုများတွင် ပါတီအနေဖြင့် ခေါင်းဆောင်ရန် စည်းမျဉ်းများရေးဆွဲရမည့်  အခြေခံပန်းတိုင် ကို အလေးအနက် ထား ဆွေးနွေးခဲ့သည်။

အဆိုပါ အောင်မြင်မှု ပန်းတိုင်ကို အရောက်လှမ်းနိုင်ရန်အတွက် ပါတီအနေဖြင့် မည်သည့်အခါမျှ တွန့်ဆုတ်သွားမည်မဟုတ်ကြောင်းလည်း ရှီက အလေးအနက်ပြုပြောကြားခဲ့သည်။

သမ္မတရှီက ကပ်ရောဂါ ထိန်းချုပ်ရေး၊ စီးပွားရေးနှင့် လူမှုဘဝ ဖွံ့ဖြိုးတိုးတက်ရေးလုပ်ဆောင်ရာ၌  ပြည်သူသည်သာ ပထမ ဟူသည့်  မူဝါဒအား ကျင့်သုံးသွားရန် အထူးအရေးကြီးကြောင်း ထည့်သွင်းပြောကြားခဲ့သည်။ 

COVID-19 ကူးစက်ပျံ့ပွားမှုနှင့်ကြုံတွေ့စဉ် တရုတ်နိုင်ငံ ကွန်မြူနစ်ပါတီ ဗဟိုကော်မတီအနေဖြင့်အစ မူလကတည်းက  ရှင်းလင်းစွာ ကြေညာခဲ့သည်မှာ ပြည်သူများ၏ အသက်အိုးအိမ်နှင့်ကျန်းမာရေးသည်သာ ထိပ်တန်းဦးစားပေးသင့်သည့်အရာဖြစ်ကြောင်း၊ မိမိတို့ အနေဖြင့်  ပြည်သူများ၏ အသက်အိုးအိမ် နှင့် ကျန်းမာရေးအား အစွမ်းကုန်ကာကွယ် သွားမည်ဖြစ်ကြောင်း  ကြေညာခဲ့သည်။

သမ္မတရှီကျင့်ဖိန်က ကပ်ရောဂါ ဖြစ်ပွားမှု တစ်ကျော့ပြန်လည်လာခြင်းကို ကာကွယ်ရန် ပုံမှန်ကပ်ရောဂါဆိုင်ရာ ကာကွယ်ထိန်းချုပ်ရေးလုပ်ငန်းများကိုဆက်လက်လုပ်ဆောင်သွားရန် အလေးအနက်ထား တိုက်တွန်းပြောကြားခဲ့သည်။  (Xinhua)