တရုတ်နိုင်ငံ သမ္မတ ရှီကျင့်ဖိန်က ၁၅ ကြိမ်မြောက် BRICS ထိပ်သီးအစည်းအဝေးသို့ တက်ရောက်၍ အရေးကြီးမိန့်ခွန်းပြောကြား

ဂျိုဟန်နာဘတ်စ်၊ ဩဂုတ် ၂၅ ရက် (ဆင်ဟွာ)

၁၅ ကြိမ်မြောက် BRICS ထိပ်သီးအစည်းအဝေးကို ဂျိုဟန်နာဘတ်စ်မြို့ရှိ Suede ကွန်ဖရင့်စင်တာတွင် ဩဂုတ် ၂၃ ရက် နံနက်ပိုင်းက ကျင်းပခဲ့သည်။ အစည်းအဝေးတွင် တောင်အာဖရိကနိုင်ငံ သမ္မတ ဆိုင်ရယ်လ် ရာမာဖိုဆာက သဘာပတိအဖြစ် ဆောင်ရွက်ခဲ့ရာ တရုတ်နိုင်ငံ သမ္မတ ရှီကျင့်ဖိန်၊ ဘရာဇီးနိုင်ငံသမ္မတ Luiz Inacio Lula da Silva ၊ အိန္ဒိယနိုင်ငံ ဝန်ကြီးချုပ် မိုဒီ နှင့် ရုရှားနိုင်ငံ သမ္မတ ပူတင် (အွန်လိုင်းမှတစ်ဆင့်)တို့ တက်ရောက်ခဲ့ကြသည်။

အစည်းအဝေးတွင် သမ္မတ ရှီကျင့်ဖိန်က “စည်းလုံးညီညွတ်စွာ ပူးပေါင်းဆောင်ရွက်ခြင်းဖြင့် ဖွံ့ဖြိုးတိုးတက်ရေးကို ကြိုးပမ်းမည်၊ တာဝန်ယူမှုရှိစွာဖြင့် ငြိမ်းချမ်းရေးမြှင့်တင်မည်” ဟူသော ခေါင်းစဉ်ဖြင့် အရေးကြီး မိန့်ခွန်းပြောကြားခဲ့သည်။

သမ္မတ ရှီကျင့်ဖိန်က လက်ရှိ ကမ္ဘာသည် ရှုပ်ထွေးပြောင်းလဲနေသည့်ကာလသို့ ရောက်ရှိနေရာ ချိန်ညှိမှု၊ ကွဲပြားမှု၊ ပြန်လည်ဖွဲ့စည်းမှုများဖြင့် ကြုံတွေ့လျက်ရှိကြောင်း ၊ BRICS နိုင်ငံများသည် နိုင်ငံတကာအခင်းအကျင်းကို ပုံဖော်ရာတွင် အရေးကြီးအင်အား ဖြစ်ကြောင်း၊ မိမိတို့သည် ဖွံ့ဖြိုးတိုးတက်ရေးလမ်းကြောင်းကို ကိုယ်တိုင်ရွေးချယ်ခြင်း၊ ဖွံ့ဖြိုးတိုးတက်ရေးအခွင့်အာဏာကို အတူကာကွယ်ခြင်း၊ ခေတ်မီအသွင်ပြောင်းမှုကို အတူ လျှောက်လှမ်းခြင်းသည် လူသားမျိုးနွယ် လူမှုအသိုက်အဝန်း တိုးတက်ရေးအတွက် ရှေ့သို့ လျှောက်လှမ်းနေသည်ကို ကိုယ်စားပြုရာ ကမ္ဘာ့ဖွံ့ဖြိုးတိုးတက်ရေး လမ်းစဉ်အပေါ် မုချမသွေ နက်ရှိုင်းသည့် အကျိုးသက်ရောက်မှုရှိမည် ဖြစ်ကြောင်း ပြောကြားခဲ့သည်။

သမိုင်းကို ပြန်ပြောင်းကြည့်မည်ဆိုလျှင် မိမိတို့သည် ပွင့်လင်း၍ အားလုံးပါဝင်မှု၊ ပူးပေါင်းဆောင်ရွက်ခြင်းဖြင့် ဘုံအကျိုးစီးပွားဖော်ဆောင်မှု ရှိသည့် BRICS စိတ်ဓါတ်ကို အစဉ်အမြဲ လက်ကိုင်ထားပြီး BRICS ပူးပေါင်းဆောင်ရွက်မှု အဆင့်သစ်သို့ တက်လှမ်းရန် အဆက်မပြတ် တွန်းအားပေး ဆောင်ရွက်ခဲ့ရာ ၅ နိုင်ငံ ဖွံ့ဖြိုးတိုးတက်ရေးအတွက် အထောက်အပံ့အင်အား ဖြစ်စေခဲ့ကြောင်း၊ မိမိတို့သည် နိုင်ငံတကာ တရားမျှတမှုကို အစဉ်အမြဲ လက်ကိုင်ထားပြီး နိုင်ငံတကာနှင့်ဒေသရေးရာ ကိစ္စရပ်များတွင် မှန်ကန်မျှတစွာ ဆောင်ရွက်ခဲ့ရာတွင် ထွန်းသစ်စဈေးကွက် နိုင်ငံများနှင့် ဖွံ့ဖြိုးဆဲနိုင်ငံများ၏ ပြောရေးဆိုခွင့်နှင့် သက်ရောက်မှုကို မြှင့်တင်ခဲ့ကြကြောင်း၊ BRICS နိုင်ငံများသည် အစဉ်အမြဲအားဖြင့် လွတ်လပ်၍ ကိုယ်ပိုင်ရပ်တည်မှုရှိသော နိုင်ငံခြားရေးမူဝါဒ၏ အဆိုပြုသူ ၊ လက်တွေ့ဖော်ဆောင်သူများ ဖြစ်ကြောင်း ၊ အရေးကြီး နိုင်ငံတကာရေးရာ ကိစ္စရပ်များတွင် အဖြစ်အပျက်၏ အမှားအမှန်အတိုင်း တရားမျှတသော အသံ၊ တရားမျှတသော လုပ်ဆောင်မှုကိုသာ ဆောင်ရွက်ခြင်းဖြစ်ရာ အခြေခံမူဖြင့် အပေးအယူမပြုသလို ပြည်ပဖိအားတွင် ဒူးမညွတ်ဘဲ အခြားနိုင်ငံ၏ အပါးအစေ မလုပ်ကြောင်း ၊ BRICS နိုင်ငံများတွင် ကျယ်ပြန့်သည့် သဘောတူညီမှုနှင့် တူညီသည့် ဘုံရည်မှန်းချက်များ ရှိကြောင်း ၊ နိုင်ငံတကာအခြေအနေ မည်သို့ပင် ပြောင်းလဲစေကာမူ ပူးပေါင်းဆောင်ရွက်မှု၏ မူလရည်ရွယ်ချက်နှင့် ဘုံမျှော်မှန်းချက်များက ပြောင်းလဲမည် မဟုတ်ကြောင်း သမ္မတ ရှီက ပြောကြားခဲ့သည်။

သမ္မတ ရှီကျင့်ဖိန်က မိမိတို့သည် စီးပွားရေးဖွံ့ဖြိုးတိုးတက်မှု အထောက်အပံ့အဖြစ် ကုန်သွယ်စီးပွား၊ ဘဏ္ဍာရေး ပူးပေါင်းဆောင်ရွက်မှုများကို နက်ရှိုင်းအောင် ဆောင်ရွက်ရမည် ဖြစ်ကြောင်း ပြောကြားခဲ့သည်။ ဖွံ့ဖြိုးတိုးတက်မှုသည် လုယူ၍မရသော နိုင်ငံတိုင်း၏ အခွင့်အရေး ဖြစ်ပြီး နိုင်ငံအနည်းစု၏ “မူပိုင်ခွင့်”မဟုတ်ကြောင်း ၊ BRICS နိုင်ငံများသည် ဖွံ့ဖြိုးတိုးတက်ရေးလမ်းကို အတူအဖော်ပြုလျှောက်လှမ်းကြသူများ ဖြစ်ရာ “ကွင်းဆက်ဖြတ်တောက်ခြင်း”၊ စီးပွားရေးအကျပ်ကိုင်ခြင်းများကို ဆန့်ကျင်ရမည် ဖြစ်ကြောင်း၊ လက်တွေ့ပူးပေါင်းဆောင်ရွက်မှုများ၊ အထူးသဖြင့် ဒစ်ဂျစ်တယ်စီးပွားရေး၊ အစိမ်းရောင်ဖွံ့ဖြိုးရေး၊ ထောက်ပံ့ရေးကွင်းဆက် စသည့် ကဏ္ဍများကို အာရုံစူးစိုက်လုပ်ဆောင်ရမည် ဖြစ်ကြောင်း ၎င်းက ပြောကြားခဲ့သည်။

မိမိတို့အနေဖြင့် နိုင်ငံရေး၊ လုံခြုံရေး ပူးပေါင်းဆောင်ရွက်မှုများကို တိုးချဲ့၍ အေးချမ်းတည်ငြိမ်ရေးကို ကာကွယ်ထိန်းသိမ်းရမည် ဖြစ်ကြောင်း သမ္မတ ရှီကျင့်ဖိန်က ပြောကြားခဲ့သည်။ နိုင်ငံတိုင်း၏ ပြည်သူများက ကောင်းမွန်သည့် လုံခြုံရေး ပတ်ဝန်းကျင်ကို မျှော်လင့်ကြကြောင်း၊ နိုင်ငံတကာ၏ လုံခြုံရေးသည် ခွဲခြား၍မရကြောင်း၊ အခြားနိုင်ငံ၏ အကျိုးစီးပွားကို စတေး၍ မိမိသည်သာ အပြည့်အဝ လုံခြုံမှုရရှိရေးကို ကြိုးပမ်းမည်ဆိုလျှင် နောက်ဆုံးတွင် မိမိသည်သာ ထိခိုက်နစ်နာမည် ဖြစ်ကြောင်း သမ္မတရှီက ပြောကြားခဲ့သည်။

ထို့ပြင် သမ္မတ ရှီကျင့်ဖိန်က မိမိတို့အနေဖြင့် လူမှုယဉ်ကျေးမှု ဖလှယ်ရေးကို အားဖြည့်ဆောင်ရွက်၍ ယဉ်ကျေးမှု အပြန်အလှန်လေ့လာသင်ယူခြင်းကို မြှင့်တင်ရမည် ဖြစ်ကြောင်း ပြောကြားခဲ့သည်။ ယဉ်ကျေးမှုသည် ပုံစံအမျိုးမျိုးအသွင်အမျိုးမျိုး ရှိကြသလို ဖွံ့ဖြိုးတိုးတက်ရေးလမ်းသည် နည်းလမ်းအသွယ်သွယ်ရှိကြောင်း၊ ၎င်းသည် ကမ္ဘာတွင် ရှိသင့်သည် ပုံစံဖြစ်ကြောင်း၊ လူသားမျိုးနွယ်တို့၏ သမိုင်းသည် ယဉ်ကျေးမှုတစ်မျိုး၊ စနစ်တစ်မျိုးတည်းဖြင့် အဆုံးသတ်မည် မဟုတ်ကြောင်း ၎င်းက ပြောကြားခဲ့သည်။
မိမိတို့သည် တရားမျှတမှုကို ခိုင်မာစွာ လက်ကိုင်ထား၍ ကမ္ဘာလုံးဆိုင်ရာ စီမံခန့်ခွဲမှုများကို ပြည့်စုံကောင်းမွန်အောင် ဆောင်ရွက်ရမည် ဖြစ်ကြောင်း သမ္မတ ရှီက ပြောကြားခဲ့သည်။

ကမ္ဘာလုံးဆိုင်ရာ စီမံခန့်ခွဲမှုကို အားဖြည့်ဆောင်ရွက်ခြင်းမှာ ဖွံ့ဖြိုးတိုးတက်ရေးအခွင့်အလမ်းကို နိုင်ငံတကာအသိုက်အဝန်းနှင့်အတူ မျှဝေမှု၊ ကမ္ဘာလုံးဆိုင်ရာ စိန်ခေါ်မှုများကို ရင်ဆိုင်ရာတွင် မှန်ကန်သည့် ရွေးချယ်မှု ဖြစ်ကြောင်း၊ နိုင်ငံတကာ စည်းမျဉ်းစည်းကမ်းများသည် ကုလသမဂ္ဂ ပဋိညာဉ်စာတမ်း၏ ရည်ရွယ်ချက်နှင့် အခြေခံမူပေါ်တွင် မူတည်ရမည် ဖြစ်ရာ အားလုံးအတူ ရေးဆွဲမှု၊ အတူ ထိန်းသိမ်းကာကွယ်မှု ရှိရမည် ဖြစ်ကြောင်း ၊ အားသန်သူ၊ စကားသံကျယ်ကျယ်ပြောနိုင်သူ၏ ပြောဆိုမှုသည်သာ အကျုံးဝင်ရမည် မဟုတ်ကြောင်း ၊ ဂိုဏ်းဂဏဖွဲ့၍မရ သလို မိမိ၏ “မိသားစု စည်းမျဉ်းစည်းကမ်း”များကို နိုင်ငံတကာစည်းမျဉ်းစည်းကမ်းအဖြစ် အလှဆင်ထုပ်ပိုး ပြောဆို၍ မရကြောင်း သမ္မတ ရှီကျင့်ဖိန်က ပြောကြားခဲ့သည်။

သမ္မတ ရှီက BRICS ၏ လုပ်ငန်းသည် နိုင်ငံတကာ တရားမျှတမှုကို လက်ကိုင်ထားခြင်း၊ ၅ နိုင်ငံပြည်သူများအတွက် အကျိုးပြုခြင်း ဖြစ်သည့်အတွက် ရေရှည်တည်ငြိမ်စွာ လျှောက်လှမ်းနိုင်မည် ဖြစ်သလို ကမ္ဘာ့ ငြိမ်းချမ်းရေး၊ ဖွံ့ဖြိုးတိုးတက်ရေးကို မြှင့်တင့်ရာတွင် ပို၍ ကြီးမားသော အကျိုးကို ဆောင်ကြဉ်းပေးမည် ဖြစ်ကြောင်း အလေးထားပြောကြားခဲ့သည်။ တရုတ်နိုင်ငံ အနေဖြင့် BRICS မိတ်ဖက်များနှင့်အတူ လူသားမျိုးနွယ် အေးအတူ ပူအမျှ အသိုက်အဝန်းဟူသော အတွေးအခေါ်ကို လက်ကိုင်ထား၍ မဟာဗျူဟာမြောက် မိတ်ဖက်ဆက်ဆံရေးကို အားဖြည့် သွားမည် ဖြစ်သလို ကဏ္ဍစုံ ပူးပေါင်းဆောင်ရွက်မှုများကို နက်ရှိုင်းစွာ ဆောင်ရွက်သွားမည် ဖြစ်ကြောင်း၊ BRICS ၏ တာဝန်ဝတ္တရားများကို ထမ်းဆောင်၍ ဘုံစိန်ခေါ်မှုများကို ရင်ဆိုင်သွားမည် ဖြစ်သလို BRICS ၏တာဝန်ယူမှုဖြင့် သာယာလှပသော အနာဂတ်ကို ဖန်တီးကာ ခေတ်မီအသွင်ပြောင်းရေးဟူသော ရည်မှန်းချက်ကို အတူ ဖော်ဆောင်သွားမည် ဖြစ်ကြောင်း ပြောကြားခဲ့သည်။

အဆိုပါအစည်းအဝေးတွင် တောင်အာဖရိကနိုင်ငံ သမ္မတ ဆိုင်ရယ်လ် ရာမာဖိုဆာ၊ ဘရာဇီးနိုင်ငံသမ္မတ Luiz Inacio Lula da Silva ၊ ရုရှားနိုင်ငံ သမ္မတ ပူတင် ၊ အိန္ဒိယနိုင်ငံ ဝန်ကြီးချုပ် မိုဒီတို့က BRICS ပူးပေါင်းဆောင်ရွက်မှု ယန္တရား အပြုသဘော တိုးတက်မှုများ ရရှိခဲ့သည့်အပေါ် အထူး ချီးမွမ်း ပြောကြားခဲ့သည်။

ပထဝီနိုင်ငံရေး ပဋိပက္ခ၊ ကမ္ဘာ့စီးပွားရေး အကျပ်အတည်းစသည့် သက်ရောက်မှုဒဏ်များကြောင့် ထွန်းသစ်စ ဈေးကွက်နိုင်ငံနှင့် ဖွံ့ဖြိုးဆဲနိုင်ငံများမှာ တစ်နေ့တစ်ခြား ဆိုးရွာလာသည့် ဆင်းရဲနွမ်းပါးမှု၊ မညီမျှမှု၊ တရားမျှတခြင်း မရှိမှုစသည့် စိန်ခေါ်မှုများနှင့်ရင်ဆိုင်နေရပြီး စဉ်ဆက်မပြတ် ဖွံ့ဖြိုးတိုးတက်ရေး ရည်မှန်းချက်ကို ဖော်ဆောင်ရန် ခရီးမှာ ဝေးလံလျက်ရှိကြောင်း ဘက်ပေါင်းစုံက ယူဆကြသည်။

BRICS နိုင်ငံများအနေဖြင့် မဟာဗျူဟာ မိတ်ဖက်ဆက်ဆံရေး နက်ရှိုင်းအောင် အားထားဆောင်ရွက်၍ ကမ္ဘာ့ ငြိမ်းချမ်းရေး၊ တည်ငြိမ်ရေးနှင့် တရားမျှတစွာ ဖွံ့ဖြိုးတိုးတက်ရေးကို မြှင့်တင်သွားမည် ဖြစ်ကြောင်း ၊ BRICS တွင် ပါဝင်ရန် နိုင်ငံပေါင်း ၂၀ ကျော်က လျှောက်ထားခဲ့ကြောင်း၊ ၎င်းမှာ BRICS ပူးပေါင်းဆောင်ရွက်မှု ယန္တရား၏ တက်ကြွမှု၊ ဆွဲဆောင်မှုနှင့် နိုင်ငံတကာရေးရာတွင် မဟာဗျူဟာတန်ဖိုးရှိမှုကို အပြည့်အဝ ပြသခြင်း ဖြစ်ကြောင်း၊ BRICS နိုင်ငံများအနေဖြင့် စည်းလုံးညီညွတ်မှုကို အားဖြည့်ပြီး ပွင့်လင်း၍အားလုံးပါဝင်မှု၊ ပူးပေါင်းဆောင်ရွက်မှုဖြင့် ဘုံအကျိုးစီးပွား ဖော်ဆောင်မှု စိတ်ဓါတ်ကို ဆက်လက် လက်ကိုင်ထား၍ BRICS အဖွဲ့ဝင် တိုးချဲ့ရေး ဖြစ်စဉ်ကို အရှိန်မြှင့်တင်ဆောင်ရွက်ရမည် ဖြစ်ကြောင်း၊ ကမ္ဘာလုံးဆိုင်ရာ စီမံခန့်ခွဲမှုစနစ် ပြောင်းလဲမှုကို ပို၍ အားလုံးပါဝင်မှုရှိသော ၊ ပို၍ တရားမျှတသော၊ ပို၍ ဆီလျော်မှုရှိသော ဦးတည်ချက်သို့ တိုးတက်အောင် တွန်းအားပေးခြင်း၊ ဘက်ပေါင်းစုံပါဝင်သော စနစ်ကို ပြန်လည်အားကောင်းအောင် ပြုပြင်ပြောင်းလဲခြင်း၊ ကမ္ဘာကြီး ဗဟုအသွင်ပြောင်းမှုဖြစ်စဉ်ကို တွန်းအားပေးခြင်းဖြင့် ကမ္ဘာ့ပြည်သူ အများစုကို ကိုယ်စားပြုသော ဖွံ့ဖြိုးဆဲနိုင်ငံများ၏ အကျိုးစီးပွားနှင့် ပိုမိုကိုက်ညီမှုရှိအောင် ဆောင်ရွက်သွားမည် ဖြစ်ကြောင်း ၊ BRICS နိုင်ငံများသည် ဗဟိုကျိုးစီးပွားရေးရာတွင် အပြန်အလှန် ထောက်ခံအားပေးသင့်သလို နိုင်ငံအသီးသီးက မိမိနိုင်ငံအခြေအနေနှင့်ကိုက်ညီသော ခေတ်မီအသွင်လမ်းကြောင်းအား ကိုယ်တိုင် ရွေးချယ်မှုကို လေးစားသင့်ကြောင်း၊ နိုင်ငံတကာ ဘဏ္ဍာရေးစနစ်သည် ပထဝီ နိုင်ငံရေးအားပြိုင်မှု၏ အသုံးချကိရိယာ မဖြစ်သင့်ကြောင်း၊ နိုင်ငံတကာ ဘဏ္ဍာရေးငွေကြေးစနစ် ပြုပြင်ပြောင်းလဲမှုကို အရှိန်အဟုန်မြှင့် တွန်းအားပေး ဆောင်ရွက်သွားသင့်ကြောင်း၊ ထွန်းသစ်စဈေးကွက်နိုင်ငံများနှင့် ဖွံ့ဖြိုးဆဲနိုင်ငံများ၏ ကိုယ်စားပြုမှုနှင့် ပြောရေးဆိုခွင့်ကို မြှင့်တင်ရမည် ဖြစ်ကြောင်း၊ စဉ်ဆက်မပြတ်ဖွံ့ဖြိုးတိုးတက်ရေးနှင့် အားလုံးပါဝင်သော တိုးတက်ရေးကို ဖော်ဆောင်ရာတွင် တွန်းအားပေး ဆောင်ရွက်ရမည်ဖြစ်ပြီး BRICS ၅ နိုင်ငံနှင့် ကျယ်ပြန့်လှသော ဖွံ့ဖြိုးဆဲနိုင်ငံများအတွက် အကျိုးပြုရမည် ဖြစ်ကြောင်း ၎င်းတို့က ပြောကြားခဲ့သည်။ (Xinhua)

………………………..
(Chinese Version)
（出访）习近平出席金砖国家领导人第十五次会晤　　并发表重要讲话　　强调秉持开放包容、合作共赢的金砖精神，　　以金砖责任应对共同挑战，以金砖担当开创美好未来
新华社约翰内斯堡8月23日电（记者倪四义　应强　鲁向明）当地时间8月23日上午，金砖国家领导人第十五次会晤在约翰内斯堡杉藤会议中心举行。南非总统拉马福萨主持会晤。中国国家主席习近平、巴西总统卢拉、印度总理莫迪和俄罗斯总统普京（线上）出席。
习近平发表题为《团结协作谋发展　勇于担当促和平》的重要讲话。
习近平指出，当前，世界进入新的动荡变革期，正在经历大调整、大分化、大重组。金砖国家是塑造国际格局的重要力量。我们自主选择发展道路，共同捍卫发展权利，共同走向现代化，代表着人类社会前进方向，必将深刻影响世界发展进程。回首历史，我们始终秉持开放包容、合作共赢的金砖精神，不断推动金砖合作迈上新台阶，助力五国发展；始终秉持国际公平正义，在重大国际和地区问题上主持公道，提升新兴市场国家和发展中国家发言权和影响力。金砖国家一直是独立自主外交政策的倡导者、践行者，在重大国际问题上坚持从事情本身的是非曲直出发，说公道话、办公道事，不拿原则做交易，不屈从外部压力，不做别国的附庸。金砖国家有广泛共识和共同目标，无论国际形势如何变幻，合作初衷、共同愿望不会变。
我们要深化经贸、财金合作，助力经济发展。发展是各国不可剥夺的权利，不是少数国家的“专利”。金砖国家要做发展振兴道路上的同行者，反对“脱钩断链”、经济胁迫。要聚焦务实合作，特别是数字经济、绿色发展、供应链等领域。
我们要拓展政治安全合作，维护和平安宁。各国人民都期盼良好的安全环境。国际安全不可分割，牺牲别国利益、谋求自身绝对安全，最终会伤及自身。
我们要加强人文交流，促进文明互鉴。文明多姿多彩、发展道路多元多样，这是世界应有的样子。人类历史不会终结于一种文明、一种制度。
我们要坚持公平正义，完善全球治理。加强全球治理是国际社会共享发展机遇、应对全球性挑战的正确选择。国际规则要依据联合国宪章宗旨和原则，由大家共同书写、共同维护，不能谁的胳膊粗、嗓门大，谁就说了算，更不能拉帮结伙，把自己的“家法帮规”包装成国际规则。
习近平最后强调，金砖事业秉持国际道义，造福五国人民，必将行稳致远，为促进世界和平和发展作出更大贡献。中方愿同金砖伙伴一道，秉持人类命运共同体理念，加强战略伙伴关系，深化各领域合作，以金砖责任应对共同挑战，以金砖担当开创美好未来，共同驶向现代化的彼岸！
拉马福萨、卢拉、普京、莫迪高度评价金砖合作机制取得的积极进展。各方认为，受地缘政治冲突、世界经济困难等影响，新兴市场国家和发展中国家面临日益严重的贫穷、不平等、不公平等挑战，实现可持续发展目标任重道远。金砖国家致力于深化战略伙伴关系，促进全球和平稳定和公平发展。20多个国家申请加入金砖，充分彰显了金砖合作机制的生命力、吸引力以及在国际事务中的战略价值。金砖国家应该加强团结，继续秉持开放包容、合作共赢精神，加速金砖扩员进程，推动全球治理体系变革朝着更加包容、更加公平、更加合理的方向发展，重振并改革多边体制，推进世界多极化进程，使之更加符合代表世界大多数人民的发展中国家利益。金砖国家应该在涉及彼此核心利益问题上相互支持，尊重各国自主选择符合本国国情的现代化道路。国际金融体系不应成为地缘政治竞争的工具，应该加快推动国际金融货币体系改革，提高新兴市场国家和发展中国家的代表性和发言权，推动实现可持续发展和包容性增长，造福五国和广大发展中国家人民。
1. 当地时间8月23日上午，金砖国家领导人第十五次会晤在约翰内斯堡杉藤会议中心举行。习近平发表题为《团结协作谋发展　勇于担当促和平》的重要讲话。
2. 当地时间8月23日上午,这是会晤期间，五国领导人集体合影。