တရုတ်နိုင်ငံ ဟဲပေပြည်နယ်တွင် ယခုနှစ်ကုန်ပိုင်းအထိ 5G အခြေစိုက်စခန်းပေါင်း ၁၅,၀၀၀ တည်ဆောက်မည်

ရှီးကျားကျွမ်း၊ မတ် ၂၀ ရက် (ဆင်ဟွာ)

တရုတ်နိုင်ငံ မြောက်ပိုင်း ဟဲပေပြည်နယ်တွင် 5G ကွန်ရက်တည်ဆောက်မှု အရှိန်မြှင့်တင်ရန် ယခုနှစ်ကုန်ပိုင်းအထိ  5G အခြေစိုက်စခန်း ၁၅,၀၀၀ ခု တည်ဆောက်သွားမည် ဖြစ်ကြောင်း ဒေသခံအာဏာပိုင်များက မတ် ၂၀ ရက်၌ ပြောကြားခဲ့သည်။

ဟဲပေပြည်နယ်ရှိ မြို့ ၁၁ မြို့နှင့် Xiongon နယ်မြေသစ်ရှိ မြို့ပြနယ်မြေများတွင် ယခုနှစ်ကုန်ပိုင်း၌ 5G ကွန်ရက် လွှမ်းခြုံနိုင်မည်ဟု မျှော်မှန်းထားကြောင်း ပြည်နယ် ဆက်သွယ်ရေးစီမံခန့်ခွဲမှုဌာနထံမှ သိရသည်။

ထို့ပြင် ဟဲပေပြည်နယ်အနေဖြင့် 5G ပြောင်းလဲရေးဆောင်ရွက်မှုများတွင် နှစ်စဉ် ရင်းနှီးမြှုပ်နှံမှု ယွမ် ၁၃ ဒသမ ၈၇ ဘီလီယံ (အမေရိကန်ဒေါ်လာ ၁ ဒသမ ၉၆ ဘီလီယံ) အထိ တိုးမြှင့်ရန်နှင့် စက်မှုလုပ်ငန်းဆိုင်ရာ အင်တာနက်၊ telemedicine နှင့် smart city ကဲ့သို့ အဓိကနယ်ပယ်များတွင် 5G သုံးစွဲမှုမြှင့်တင်ရေး ပိုမိုလုပ်ဆောင်သွားရန် စီစဉ်ထားသည်။

ဟူပေပြည်နယ်တွင် မတ် ၄ ရက်အထိ 5G အခြေစိုက်စခန်း စုစုပေါင်း ၃,၃၆၀ ခုအား တည်ဆောက်နေဆဲ ဖြစ်ကြောင်း ဒေသခံအာဏာပိုင်များ၏ အဆိုအရ သိရသည်။  (Xinhua)