အမိမြေသို့ ဟောင်ကောင် ပြန်လည်ရောက်ရှိခြင်း ၂၆ နှစ်ပြည့် အထိမ်းအမှတ် အလံတင် အခမ်းအနားနှင့် ဧည့်ခံပွဲ တရုတ်နိုင်ငံ ဟောင်ကောင်ဒေသတွင် ကျင်းပ

ဟောင်ကောင်၊ ဇူလိုင် ၁ ရက် (ဆင်ဟွာ)

အမိမြေသို့ ဟောင်ကောင် ပြန်လည်ရောက်ရှိခြင်း ၂၆ နှစ်ပြည့် အထိမ်းအမှတ် အလံတင် အခမ်းအနားနှင့် ဧည့်ခံပွဲကို ဇူလိုင် ၁ ရက် နံနက်ပိုင်းက တရုတ်နိုင်ငံ ဟောင်ကောင် အထူးအုပ်ချုပ်ခွင့်ရဒေသ(HKSAR) တွင် ကျင်းပခဲ့သည်။

အဆိုပါ အလံတင်အခမ်းအနားကို နံနက် ၈ နာရီက ဟောင်ကောင်ဒေသ ဝမ်းကျိုက် Golden Bauhinia ရင်ပြင်တွင် ကျင်းပခဲ့ရာ တရုတ် ပြည်သူ့ နိုင်ငံရေး အတိုင်ပင်ခံ ကွန်ဖရင့် ဒုတိယ ဥက္ကဋ္ဌ လျန်ကျန့်ရင်း၊ ဟောင်ကောင် အထူးအုပ်ချုပ်ခွင့်ရဒေသ (HKSAR) အုပ်ချုပ်ရေးမှူး လီကျားချောင်း(John Lee)၊ ဟောင်ကောင် အထူးအုပ်ချုပ်ခွင့်ရဒေသရှိ ဗဟိုပြည်သူ့အစိုးရ ဆက်သွယ်ရေးရုံး ညွှန်ကြားရေးမှူး ကျိန့်ယန့်ရှုန်နှင့်အတူ ဟောင်ကောင်ဒေသ နယ်ပယ်ကဏ္ဍ အသီးသီးမှ ပုဂ္ဂိုလ်များ အတူတကွ တက်ရောက်၍ သက်သေပြုခဲ့ကြသည်။

အလံတင်အခမ်းအနားပြီးနောက် အခမ်းအနားသို့ တက်ရောက်သော ဧည့်သည်တော်များက ဟောင်ကောင် ကွန်ဗင်းရှင်းနှင့်ပြပွဲစင်တာ၌ ကျင်းပသော အမိမြေသို့ ဟောင်ကောင် ပြန်လည်ရောက်ရှိခြင်း ၂၆ နှစ်ပြည့် အထိမ်းအမှတ် ဧည့်ခံပွဲအခမ်းအနားသို့ တက်ရောက်ခဲ့ကြသည်။

ဧည့်ခံပွဲ အခမ်းအနား၌ လီကျားချောင်း(John Lee) က အမှာစကား ပြောကြားရာတွင် ၎င်းက တစ်နှစ်ကြာကာလတွင် ဟောင်ကောင်သည် စီးပွားရေးကျုံ့ဝင်မှုအရိပ်မှ ရုန်းထွက်ကာ တိုးတက်မှုသို့ ဦးတည်နိုင်ခဲ့ကြောင်း ပြောကြားခဲ့သည်။ အနာဂတ်ကို မျှော်မှန်းရာတွင် ဟောင်ကောင်အတွက် ပိုမိုကြီးမားသော အခွင့်အလမ်းများကို ဖန်တီးရန် အဖွဲ့အလိုက် ပြည်ပနှင့် တရုတ်ပြည်မကြီးသို့ သွားရောက်လေ့လာလည်ပတ်မှုများ ဆောင်ရွက်သွားမည် ဖြစ်ကြောင်း လီကျားချောင်းက ပြောကြားခဲ့သည်။

တရုတ်နိုင်ငံ၏ ဖွံ့ဖြိုးတိုးတက်ရေး အခင်းအကျင်းကြီးတွင် ဟောင်ကောင်အနေဖြင့် တက်ကြွစွာ ဆက်လက် ပေါင်းစည်းပါဝင်သွားမည် ဖြစ်သလို ကွမ်တုန်း-ဟောင်ကောင်-မကာအို ပင်လယ်ကွေ့ဒေသ တည်ဆောက်မှုနှင့် “ရပ်ဝန်းနှင့်ပိုးလမ်းမ”အဆိုပြုချက်တွင် ပါဝင်တွန်းအားပေးဆောင်ရွက်သွားမည် ဖြစ်ကြောင်း၊ မြောက်ပိုင်း မြို့တော်နယ်နိမိတ်နှင့် Kau Yi Chau လူလုပ်ကျွန်း ဖွံ့ဖြိုးတိုးတက်ရေးကို အစွမ်းကုန် တွန်းအားပေး ဆောင်ရွက်သွားမည် ဖြစ်ကြောင်း ၊ ဗျူဟာကျသောလုပ်ငန်းများ ဝင်ရောက်မှုကို ဖိတ်ခေါ်သွားမည် ဖြစ်ပြီး အမိမြေနှင့်အတူ ကမ္ဘာကြီးနှင့် ချိတ်ဆက်ခြင်းဟူသော တစ်မူထူးခြားသည့် အားသာချက်ကို အပြည့်အဝ အသုံးချ၍ အရည်အသွေးမြင့် ဖွံ့ဖြိုးတိုးတက်ရေးကို တွန်အားပေးဆောင်ရွက်သွားမည် ဖြစ်ကြောင်း၊ ခေတ်မီအင်အားကြီးနိုင်ငံ တည်ဆောက်ရေးနှင့် တရုတ်အမျိုးသားမဟာပြန်လည်အားသစ်လောင်းရေးအတွက် အကျိုးဆောင်သွားမည် ဖြစ်ကြောင်း ပြောကြားခဲ့သည်။

ယနေ့နံနက်ပိုင်းတွင် ဟောင်ကောင် အထူးအုပ်ချုပ်ခွင့်ရဒေသရှိ ဗဟိုပြည်သူ့အစိုးရ ဆက်သွယ်ရေးရုံး၊ ဟောင်ကောင်အထူးအုပ်ချုပ်ခွင့်ရဒေသ အခြေစိုက် တရုတ်နိုင်ငံ လုံခြုံရေးဌာန ၊ တရုတ်နိုင်ငံခြားရေးဝန်ကြီးဌာန ကော်မရှင်နာရုံးစသည့် ဟောင်ကောင်ရှိ ဗဟိုအစိုးရဌာနများကလည်း အလံတင်အခမ်းအနား ကျင်းပခဲ့ကြသည်။ (Xinhua)

……………………………………
(Chinese Version)
香港举行升旗仪式和酒会庆祝回归祖国26周年
新华社香港7月1日电（记者梁文佳）香港特区政府1日上午举行升旗仪式和酒会，庆祝香港回归祖国26周年。
升旗仪式上午8时在湾仔金紫荆广场举行。全国政协副主席梁振英、香港特区行政长官李家超、香港中联办主任郑雁雄以及香港社会各界人士共同见证这一庄严时刻。
升旗仪式结束后，观礼嘉宾移步香港会议展览中心出席香港回归祖国26周年庆祝酒会。
随后，李家超在酒会上致辞。他表示，一年来，香港摆脱经济收缩的阴霾，转向正增长。
展望未来，李家超表示，将会与团队继续积极到海外及内地访问，为香港创造更大机遇。香港会继续积极和主动融入国家发展大局，参与和推进粤港澳大湾区建设和“一带一路”倡议，全力推进北部都会区和交椅洲人工岛发展，积极引入策略性企业，发挥好香港背靠祖国、联通世界的独特优势，推动高质量发展，为建设现代化强国，为中华民族伟大复兴作出贡献。
当天清晨，香港中联办、驻港国家安全公署、外交部驻港特派员公署等中央驻港机构也举行了升国旗仪式。