မက္ကဆီကိုနိုင်ငံသားတို့၏ Day of the Dead ပွဲတော်

မက္ကဆီကို စီးတီး၊ အောက်တိုဘာ ၂၉ ရက်(ဆင်ဟွာ)

မက္ကဆီကိုနိုင်ငံ မြို့တော် မက္ကဆီကို စီးတီးတွင် အောက်တိုဘာလ ၂၇ ရက်နေ့က Day of the Dead (တမလွန်နေ့ပွဲတော်) ကို ကျင်းပပြုလုပ်ခဲ့ရာ မက္ကဆီကို နိုင်ငံသူနိုင်ငံသားများပျော်ရွှင်စွာပါဝင်ဆင်နွှဲခဲ့ကြသည်။ အဆိုပါ တမလွန်နေ့ပွဲတော်ကို မက္ကဆီကို နိုင်ငံတွင် အားလပ်ရက်အဖြစ်သတ်မှတ်ကာ နှစ်စဉ်ကျင်းပခြင်း ဖြစ်သည်။ တမလွန်သို့ကူးပြောင်းရောက်ရှိသွားပြီဖြစ်သည့် မိမိတို့၏ မိသားစုဝင်များနှင့် မိတ်ဆွေ များကို အောက်မေ့သတိရသည့်အထိမ်းအမှတ်အဖြစ်ထိုပွဲတော်ကို ကျင်းပခြင်းဖြစ်ပြီး ၎င်းတို့၏ ဝိဉာဉ်များကို ဘဝတစ်ပါးသို့ကောင်းမွန်စွာရောက်ရှိစေရန် ကူညီပေးသည့်ရည်ရွယ်ချက်ဖြင့်ကျင်းပသည်ဟုသိရသည်။ အဆိုပါ တမလွန်နေ့ပွဲတော်ကို ၂ဝဝ၈ ခုနှစ်တွင် UNESCO က ရိုးရာယဉ်ကျေးမှုအမွေအနှစ်စာရင်းဝင်ပွဲတော် အဖြစ်သတ်မှတ်ပေးခဲ့သည်။ (Xinhua)