အဖွဲ့ဝင်နိုင်ငံတိုင်း စံနှုန်း ပြည့်မီရမည်၊ NATO ထောက်ပံ့ငွေ တိုးမြှင့်ရန် အမေရိကန် တောင်းဆို

ပေကျင်း၊ ဧပြီ ၄ ရက် (ဆင်ဟွာ)
အမေရိကန်သည် အစဉ်အလာအတိုင်း မြောက်အတ္တလန္တိတ်စာချုပ်အဖွဲ့ (NATO) ကို ပံ့ပိုးသွားမည်ဖြစ်သော်လည်း NATO အဖွဲ့ဝင်များသည် ကာကွယ်ရေးအသုံးစရိတ်ကို သိသိသာသာ တိုးမြှင့်ရန်၊ ယခုတစ်ကြိမ်တွင် စံနှုန်းကို “ပြည်တွင်းအသားတင်ထုတ်ကုန်တန်ဖိုး (GDP) ၏ အနည်းဆုံး ၅ ရာခိုင်နှုန်း” အထိ မြှင့်တင်သွားရန် တောင်းဆိုကြောင်း အမေရိကန်နိုင်ငံခြားရေးဝန်ကြီး မာကိုရူဘီယိုက ဧပြီ ၃ ရက်တွင် ပြောကြားခဲ့သည်။

မာကိုရူဘီယိုနှင့် NATO ဆိုင်ရာ အမေရိကန် အမြဲတမ်းကိုယ်စားလှယ် Matthew Whitaker တို့သည် အဆိုပါနေ့တွင် ဘယ်လ်ဂျီယမ်နိုင်ငံ ဘရပ်ဆဲလ်မြို့သို့ ရောက်ရှိခဲ့ပြီး ယင်းနေ့တွင် ဖွင့်လှစ်ရန် စီစဉ်ထားသော NATO နိုင်ငံခြားရေးဝန်ကြီးများ အစည်းအဝေး တက်ရောက်ရန် ပြင်ဆင်ခဲ့သည်။ ရိုက်တာ သတင်းဌာန၏ သတင်းထုတ်ပြန်ချက်အရ NATO ၏ ဥရောပအဖွဲ့ဝင်နိုင်ငံ ကိုယ်စားလှယ်များသည် ယခုအကြိမ် အစည်းအဝေးတွင် နိုင်ငံအသီးသီး ကာကွယ်ရေးအသုံးစရိတ် တိုးမြှင့်ရေး အစီအစဉ်များနှင့် ရုရှား၊ ယူကရိန်းတို့ကြား အပစ်အခတ်ရပ်စဲရေး သဘောတူညီချက်ကို မြှင့်တင်ပေးမည့် သက်ဆိုင်ရာ ကိစ္စရပ်များကို ဆွေးနွေးသွားမည်ဖြစ်ကြောင်း သိရသည်။
မာကိုရူဘီယိုသည် အစည်းအဝေးမတိုင်မီ အမေရိကန်၏ NATO မဟာမိတ်များအပေါ် နောက်ဆုံးစစ်ရေးအသုံးစရိတ် “မျှော်မှန်းတန်ဖိုး” ကို တင်ပြခဲ့သည်။ ၎င်းက အမေရိကန်အနေဖြင့် အစည်းအဝေးတွင် ဘုံသဘောတူညီချက်ရရှိစေရန်၊ ဆိုလိုသည်မှာ ဘက်အသီးသီးအနေဖြင့် “လက်တွေ့ကျသော လမ်းကြောင်း” ပေါ်တွင် ရှေ့သို့ လျှောက်လှမ်းကြပြီး နောက်ဆုံး၌ “အမေရိကန်နိုင်ငံ အပါအဝင် NATO အဖွဲ့ဝင်နိုင်ငံတစ်ခုစီသည် ကာကွယ်ရေးအသုံးစရိတ်ကို ပြည်တွင်းအသားတင်ထုတ်ကုန်တန်ဖိုး (GDP) ၏ ၅ ရာခိုင်နှုန်းအထိ ရည်မှန်းချက်ကို အကောင်အထည်ဖော်ရန် ကတိကဝတ်ပြုသော” သဘောတူညီမှုရရှိရန် မျှော်လင့်ကြောင်း ပြောကြားခဲ့သည်။

ဒေါ်နယ်ထရမ့်က ၎င်း၏ ပထမအကြိမ် သမ္မတသက်တမ်းကာလအတွင်း ဂျာမနီစသည့် ဥရောပမဟာမိတ်နိုင်ငံများ၏ ကာကွယ်ရေးအသုံးစရိတ် “စံနှုန်း” ပြည့်မီခြင်းမရှိသည့်အပေါ် ကျေနပ်မှုမရှိကြောင်း အကြိမ်ကြိမ်ဖော်ပြခဲ့ပြီး အဆက်မပြတ် ဖိအားပေးကာ အမေရိကန်သည် ဥရောပအား အကာအကွယ်ပေးသည့်ဖြစ်စဉ်အတွင်း “နစ်နာ” ခဲ့ကြောင်း ပြောကြားခဲ့သည်။

NATO က မူလသတ်မှတ်ထားသော ကာကွယ်ရေးအသုံးစရိတ် ရည်မှန်းချက်မှာ GDP ၏ ၂ ရာခိုင်နှုန်းဖြစ်သည်။ ၂၀၂၂ ခုနှစ်က ယူကရိန်းအကျပ်အတည်း ဘက်စုံ အရှိန်မြင့်တက်လာပြီးနောက် ဥရောပနိုင်ငံအများအပြားသည် ကာကွယ်ရေးတွင် ပိုမိုရင်းနှီးမြှုပ်နှံလာသော်လည်း အမေရိကန်သမ္မတအဖြစ် ထရမ့် ဒုတိယအကြိမ် ရွေးကောက်ခံရပြီးနောက် ဆက်လက်၍ “ပိုမို တိုးမြှင့်” ခဲ့ရာ အမေရိကန်စစ်တပ်အင်အား “ဥရောပမှ နုတ်ထွက်မည်” ဟု ခြိမ်းခြောက်ခဲ့သည်။

အခြားတစ်ဖက်တွင်မူ ထရမ့်အစိုးရသည် လတ်တလောတွင် ၎င်း၏ ဥရောပမဟာမိတ်ကို စွန့်လွှတ်ခဲ့ပြီး ယူကရိန်းအကျပ်အတည်း ဖြေရှင်းရေး ထွက်ပေါက်ကို ရှာဖွေရန် ရုရှားနှင့် တစ်ဖက်သတ် ညှိနှိုင်းခဲ့ခြင်းကလည်း ဥရောပနိုင်ငံများအကြား စိုးရိမ်ပူပန်မှုများ မြင့်တက်လာစေခဲ့သည်။ ဥရောပနိုင်ငံအချို့သည် “ကာကွယ်ရေးတွင် ကိုယ်ပိုင် ရပ်တည်ရေး” ကို အရှိန်အဟုန် မြှင့်တင်ခဲ့ပြီး လုံခြုံရေးတွင် အမေရိကန်အပေါ် မှီခိုမှုကို လျှော့ချရန် ကြိုးပမ်းကာ ပြင်သစ်၊ ဂျာမနီ၊ ပိုလန်စသည့် နိုင်ငံများကလည်း စစ်ရေးအင်အား တိုးမြှင့်မည့် အစီအစဉ်ကို မကြာသေးမီက ကြေညာခဲ့သည်။ (Xinhua)
……………………….
(Chinese Version)
每个成员国都要达标！美国要求北约“份子钱”再加码
新华社北京4月4日电　美国国务卿马尔科·鲁比奥3日说，美国将一如既往地支持北大西洋公约组织，但要求北约成员国大幅提高防务支出，这次将标准提高到“至少占国内生产总值(GDP)的5%”。
鲁比奥和美国新任常驻北约代表马修·惠特克当天抵达比利时布鲁塞尔，准备参加定于当天开幕的北约外长会议。据路透社报道，北约的欧洲成员国代表将在此次会议上讨论各国增加国防开支的计划，以及促成俄罗斯和乌克兰达成停火协议的相关事项。
鲁比奥在会前提出美国对北约盟友军费的最新“期望值”。他表示，美方希望会议能达成共识，即各方朝着一条“现实路径”前进，最终达成“每一个北约成员国承诺并实现防务支出达到(GDP)5%的目标，包括美国在内”。
唐纳德·特朗普在其第一个总统任期内屡次对德国等欧洲盟友防务支出未“达标”表达强烈不满并不断施压，声称美国在给欧洲提供保护伞的过程中“吃了亏”。北约原定防务支出目标值是GDP的2%。2022年，乌克兰危机全面升级后，欧洲多国加大防务投入，但特朗普第二次当选美国总统后继续“加码”，并以美国军力“撤出欧洲”相威胁。
另一方面，特朗普政府近来甩开欧洲盟友，单方面与俄罗斯方面谈判，寻求解决乌克兰危机的出路，也引起欧洲国家普遍担忧。部分欧洲国家加速推动“防务自主”，试图减少对美安全依赖，法国、德国、波兰等国近期均宣布了增强军力的计划。（李富玉）
图说：这是2024年3月14日在比利时布鲁塞尔拍摄的北约总部一角。新华社记者赵丁喆摄