ရှီကျင့်ဖိန်၏ ရုရှားနိုင်ငံတော်ခရီးစဉ်က တရုတ်-ရုရှား ဆက်ဆံရေးဖွံ့ဖြိုးတိုးတက်မှုအတွက် တွန်းအားအသစ် ဖြည့်တင်းပေး

မော်စကို၊ မေ ၉ ရက် (ဆင်ဟွာ)
တရုတ်နိုင်ငံ သမ္မတ ရှီကျင့်ဖိန်သည် မော်စကိုမြို့ကို ဒေသစံတော်ချိန် မေ ၇ ရက် ညပိုင်းက အထူးလေယာဉ်ဖြင့် ရောက်ရှိခဲ့ရာ ရုရှားသမ္မတ ပူတင်၏ ဖိတ်ကြားချက်အရ ရုရှားနိုင်ငံ နိုင်ငံတော်ခရီးစဉ်ကို စတင်၍ ဆိုဗီယက် ပြည်ထောင်စု မဟာမျိုးချစ် စစ်အောင်ပွဲ နှစ် ၈၀ ပြည့် အထိမ်းအမှတ်အခမ်းအနား တက်ရောက်ခြင်း ဖြစ်သည်။
ရှီကျင့်ဖိန် လိုက်ပါသော အထူးလေယာဉ် ရုရှားလေပိုင်နက်သို့ ရောက်ရှိပြီးနောက် ရုရှားလေတပ် တိုက်လေယာဉ်များက ကောင်းကင်ယံသို့ ပျံတက်ကာ လိုက်ပါစောင့်ရှောက်ခဲ့ကြသည်။
မော်စကိုမြို့ Vnukovo အထူးလေဆိပ်သို့ ရှီကျင့်ဖိန် ရောက်ရှိချိန်တွင် ရုရှားနိုင်ငံ ဒုတိယဝန်ကြီးချုပ် Tatyana Golikova စသည့် အစိုးရအဆင့်မြင့်အရာရှိများက လှိုက်လှိုက်လှဲလှဲ နွေးထွေးစွာ ကြိုဆိုခဲ့ကြသည်။
ရုရှားဘက်က လေဆိပ်တွင် ကြိုဆိုပွဲအခမ်းအနားကို ကြီးကျယ်ခမ်းနားစွာ ကျင်းပခဲ့ရာ စစ်တီးဝိုင်းအဖွဲ့က တရုတ်-ရုရှား နှစ်နိုင်ငံ နိုင်ငံတော်သီချင်းများကို တီးမှုတ်ခဲ့ကြသည်။ ရှီကျင့်ဖိန်က ဂုဏ်ပြုတပ်ဖွဲ့ကို စစ်ဆေးကြည့်ရှုပြီး ချီတက်ပွဲကို ကြည့်ရှုခဲ့သည်။
ရှီကျင့်ဖိန်သည် မော်တော်ယာဉ်ဖြင့် လေဆိပ်မှ ၎င်းတည်းခိုရာဟိုတယ်သို့ သွားရာလမ်းတွင် ယင်းဒေသရှိ ပြည်သူလူထုနှင့် တရုတ်ကုမ္ပဏီလုပ်ငန်းများ၊ ပညာတော်သင်ကျောင်းသား၊ ကျောင်းသူ ကိုယ်စားလှယ်များက လမ်းတစ်ဖက်တစ်ချက်စီတွင် စုစည်းနေခဲ့ပြီး “သမ္မတ ရှီကျင့်ဖိန်၏ ရုရှားခရီးစဉ်အား လှိုက်လှဲစွာ ကြိုဆိုပါတယ်” ဟူသော အနီရောင်စာတန်းများ ကိုင်ဆောင်ခဲ့ကာ တရုတ်နှင့် ရုရှား နိုင်ငံအလံများ ဝှေ့ယမ်းလျက် ရှီကျင့်ဖိန်၏ ရောက်ရှိလာမှုကို နွေးထွေးစွာ ကြိုဆိုကြသည်။
ဒေသစံတော်ချိန် မေ ၈ ရက် နံနက်ပိုင်းတွင် ပူတင်သည် မော်စကို ကရင်မလင်နန်းတော်၊ ဂျော့ရှ်ခန်းမတွင် ရှီကျင့်ဖိန်အတွက် ကြိုဆိုပွဲအခမ်းအနားကို ကြီးကျယ်ခမ်းနားစွာ ကျင်းပပေးခဲ့သည်။ ခံ့ညားထည်ဝါသော ဧည့်ကြိုတေးဂီတသံဖြင့် ရှီကျင့်ဖိန်နှင့် ပူတင်တို့သည် ဂျော့ရှ်ခန်းမဆောင် တစ်ဖက်တစ်ချက်စီမှ အနီရောင်ကော်ဇောအတိုင်း လျင်မြန်ကြံ့ခိုင်သောခြေလှမ်းဖြင့် ခန်းမဆောင်အလယ်သို့လမ်းလျှောက်လာပြီး ရင်းနှီးစွာလက်ဆွဲနှုတ်ဆက်ကာ အတူတကွ ဓာတ်ပုံရိုက်ကူးခဲ့ကြသည်။ စစ်တီးဝိုင်းအဖွဲ့က တရုတ်-ရုရှား နှစ်နိုင်ငံ နိုင်ငံတော်သီချင်းများကို တီးမှုတ်ခဲ့ကြသည်။
နှစ်နိုင်ငံ ခေါင်းဆောင်တို့သည် ဆွေးနွေးပွဲငယ်နှင့် ဆွေးနွေးပွဲကြီးများကို ရှေ့ဆင့်နောက်ဆင့် ပြုလုပ်ခဲ့ကြသည်။
ဆွေးနွေးပွဲများအပြီးတွင် နှစ်နိုင်ငံ ခေါင်းဆောင်တို့သည် “တရုတ်ပြည်သူ့သမ္မတနိုင်ငံနှင့် ရုရှား ဖက်ဒရေးရှင်းတို့ တရုတ်ပြည်သူများ ဂျပန်ခုခံတော်လှန်ရေးစစ်ပွဲ၊ ဆိုဗီယက်ပြည်ထောင်စု မဟာမျိုးချစ်စစ်ပွဲ၊ ကမ္ဘာ့ ဖက်ဆစ်တော်လှန်ရေး စစ်ပွဲ အောင်နိုင်ခြင်းနှင့် ကုလသမဂ္ဂထူထောင်ခြင်း နှစ် ၈၀ ပြည့် အထိမ်းအမှတ်အခါသမယတွင် တရုတ်-ရုရှား ခေတ်သစ် ဘက်စုံ မဟာဗျူဟာမြောက် ညှိနှိုင်းပူးပေါင်းဆောင်ရွက်မှု မိတ်ဖက်ဆက်ဆံရေးကို တစ်ဆင့်တိုးနက်ရှိုင်းရေးဆိုင်ရာ ပူးတွဲကြေညာချက်” ကို အတူတကွ လက်မှတ်ရေးထိုးခဲ့ကြသည်။
ထို့နောက် နှစ်နိုင်ငံ ခေါင်းဆောင်တို့က သတင်းထောက်များနှင့်လည်း အတူ တွေ့ဆုံဆွေးနွေးခဲ့ကြသည်။
ဒေသစံတော်ချိန် မေ ၈ ရက် ညနေပိုင်းတွင် ပူတင်နှင့်အတူ ရှီကျင့်ဖိန်သည် ကရင်မလင်နန်းတော်ရှိ သမ္မတရုံးခန်းတွင် လက်ဖက်ရည်စကားဝိုင်း ပြုလုပ်ခဲ့သည်။ (Xinhua)

…………………..
(Chinese Version)
习近平主席访问俄罗斯 为中俄关系发展注入新动能
当地时间5月7日晚，国家主席习近平乘专机抵达莫斯科，应俄罗斯总统普京邀请，对俄罗斯进行国事访问并出席纪念苏联伟大卫国战争胜利80周年庆典。
习近平乘坐的专机进入俄罗斯领空后，俄罗斯空军战机升空护航。
习近平抵达莫斯科伏努科沃专机机场时，俄罗斯副总理戈利科娃等政府高级官员热情迎接。
俄方在机场举行隆重迎接仪式。军乐团奏中俄两国国歌。习近平检阅仪仗队并观看分列式。
习近平乘车从机场赴下榻饭店途中，当地民众以及中资企业和留学生代表聚集在道路两旁，手持“热烈欢迎习近平主席访问俄罗斯”等红色横幅，挥舞中俄两国国旗，热烈欢迎习近平到访。
当地时间5月8日上午，普京在莫斯科克里姆林宫乔治大厅为习近平举行隆重欢迎仪式。在庄严的迎宾曲中，习近平和普京分别从乔治大厅两侧沿红地毯健步走到大厅中央，亲切握手合影。军乐团奏中俄两国国歌。
两国元首先后举行小范围、大范围会谈。
会谈后，两国元首共同签署《中华人民共和国和俄罗斯联邦在纪念中国人民抗日战争、苏联伟大卫国战争胜利和联合国成立80周年之际关于进一步深化中俄新时代全面战略协作伙伴关系的联合声明》。
两国元首还共同会见了记者。
当地时间5月8日下午，普京同习近平在克里姆林宫总统办公室进行茶叙。