အစ္စရေးနိုင်ငံက အီရန်နိုင်ငံ၏ ရေနံတွင်းများအား တိုက်ခိုက်ရန်ရှိသည့် အခြေအနေအတွက် အမေရိကန်နိုင်ငံက ဆွေးနွေးနေဟုဆို

ဝါရှင်တန်၊ အောက်တိုဘာ ၄ ရက် (ဆင်ဟွာ)
အီရန်နိုင်ငံက ဒုံးကျည်များဖြင့် တိုက်ခိုက်ခဲ့ခြင်းအား အစ္စရေးနိုင်ငံက လက်တုံ့ပြန်မည့် နည်းလမ်းနှင့်ပတ်သက်၍ အမေရိကန်နိုင်ငံအနေဖြင့် အစ္စရေးနိုင်ငံနှင့် ဆွေးနွေးနေဆဲဖြစ်ကြောင်း အမေရိကန်နိုင်ငံ သမ္မတ ဂျိုးဘိုင်ဒန်က အောက်တိုဘာ ၃ ရက်တွင် ပြောကြားခဲ့သည်။
မည်သို့လက်တုံ့ပြန်မည် ဆိုသည်နှင့်ပတ်သက်၍ အမေရိကန်နိုင်ငံက အစ္စရေးနိုင်ငံအား အကြံပေးသွားမည်ဖြစ်ကြောင်း အမေရိကန်နိုင်ငံ တောင်ပိုင်း၊ ဖလော်ရီဒါပြည်နယ်နှင့် ဂျော်ဂျီယာပြည်နယ်တို့၏ ဟယ်လင် ဟာရီကိန်းမုန်တိုင်းဒဏ်သင့် ‌ဒေသများဆီသို့ သွားရောက်ရန် Marine One ရဟတ်ယာဉ်ပေါ်သို့ တက်ရောက်စဉ် အိမ်ဖြူတော်၏ တောင်ဘက်မြက်ခင်းပြင်၌ သမ္မတ ဘိုင်ဒန်က ပြောကြားခဲ့သည်။
“ဒီနေ့ (အောက်တိုဘာ ၃ ရက်) တော့ ဘာမှဖြစ်လာမှာမဟုတ်ပါဘူး” ဟုလည်း ၎င်းက ထပ်လောင်းပြောကြားခဲ့သည်။
အစ္စရေးနိုင်ငံက အီရန်နိုင်ငံအား သိသာထင်ရှားသော လက်တုံ့ပြန်မှုကို လာမည့်ရက်ပိုင်းအတွင်း လုပ်ဆောင်မည်ဟု မျှော်လင့်ရကြောင်း၊ အီရန်နိုင်ငံ၏ ရေနံထုတ်လုပ်သည့် အဆောက်အအုံများမှာလည်း ဖြစ်နိုင်ဖွယ် ပစ်မှတ်များထဲတွင် ပါဝင်လျက်ရှိကြောင်း အစ္စရေးအစိုးရ တာဝန်ရှိသူများ၏ ပြောကြားချက်အား ကိုးကား၍ Axios သတင်းဌာနက အောက်တိုဘာ ၂ ရက်၌ ဖော်ပြခဲ့သည်။
အီရန်နိုင်ငံဘက်က အစ္စရေးနိုင်ငံအား တိုက်ခိုက်မှုများ ထပ်မံလုပ်ဆောင်မည်ဆိုလျှင် အစ္စရေးနိုင်ငံအနေဖြင့် အီရန်နိုင်ငံ၏ နျူကလီးယားဆိုင်ရာ နေရာများအား တိုက်ခိုက်ခြင်း အပါအဝင် နည်းလမ်းအားလုံးကို စဉ်းစားသွားမည်ဖြစ်ကြောင်းလည်း အဆိုပါ သတင်းဌာနက ဖော်ပြခဲ့သည်။
အစ္စရေးနိုင်ငံက အီရန်နိုင်ငံ၏ နျူကလီးယားဆိုင်ရာ အဆောက်အအုံများအား ပစ်မှတ်ထားခြင်းကို ကန့်ကွက်ကြောင်း ဘိုင်ဒန်က အောက်တိုဘာ ၂ ရက်တွင် ထုတ်ဖော်ပြောကြားခဲ့သော်လည်း အီရန်နိုင်ငံ၏ ရေနံတွင်းများအား တိုက်ခိုက်နိုင်ခြေနှင့် ပတ်သက်၍ အမေရိကန်အစိုးရ၏ သဘောထားကို တိတိကျကျ ပြောကြားခဲ့ခြင်းမရှိပေ။
“ကျွန်တော်တို့ အဲဒါနဲ့ပတ်သက်ပြီး ဆွေးနွေးနေပါတယ်။ အနည်းအကျဉ်းတော့ ဖြစ်လိမ့်မယ်လို့ ကျွန်တော်ထင်ပါတယ်” ဟု သမ္မတ ဘိုင်ဒန်က အောက်တိုဘာ ၃ ရက်က ပြောကြားခဲ့သည်။
အောက်တိုဘာ ၂ ရက် သတင်းစာရှင်းလင်းပွဲ၌ အမေရိကန်နိုင်ငံ နိုင်ငံခြားရေးဝန်ကြီးဌာန ပြောခွင့်ရသူ မက်သယူး မေလာအား အဆိုပါမေးခွန်းကိုပင် မေးမြန်းခဲ့ရာ လက်တုံ့ပြန်မည့် အစီအစဉ်နှင့် စပ်လျဉ်း၍ အမေရိကန်နိုင်ငံနှင့် အစ္စရေးနိုင်ငံအကြား ဆွေးနွေးမှုများ ပြုလုပ်နေဆဲ အခြေအနေအပေါ် မှတ်ချက်ပေးရန် ငြင်းဆန်ခဲ့သည်။
“ဘယ်လိုတုံ့ပြန်မှုမျိုး ဖြစ်လာမလဲဆိုတာနဲ့ပတ်သက်ပြီး သူတို့နဲ့ ဆွေးနွေးနေပါတယ်။ လောလောဆယ်တော့ ကျွန်တော် အဲဒီဆွေးနွေးမှုတွေအကြောင်း ပြောပြသင့်တယ်လို့ မထင်ပါဘူး” ဟု မေလာက ဆိုသည်။
အစ္စရေးနိုင်ငံအနေဖြင့် အီရန်နိုင်ငံအား လက်တုံ့ပြန်ရန် ပြင်ဆင်နေသကဲ့သို့ တစ်ဖက်တွင်လည်း လက်ဘနွန်နိုင်ငံထဲသို့ မြေပြင်မှ ကျူးကျော်ဝင်ရောက်မှုကို ဆက်လက်လုပ်ဆောင်လျက်ရှိကာ ဘိုင်ဒန်ကမူ ယင်းအား အစောပိုင်းကတည်းက ကန့်ကွက်ခဲ့ပြီး အစ္စရေးနိုင်ငံက ထိုကဲ့သို့လုပ်ဆောင်နေခြင်းကိုလည်း ရပ်တန့်စေလိုသည်ဟု ပြောကြားခဲ့သည်။
အစ္စရေးနိုင်ငံက စစ်ဆင်ရေး စတင်နေသည့်အပေါ် အမေရိကန်နိုင်ငံအနေဖြင့် မည်သို့လုပ်ဆောင်မည်နည်းဟု သတင်းစာရှင်းလင်းပွဲ၌ ဆင်ဟွာသတင်းဌာနက မေးမြန်းရာတွင် မေလာက ပြုလုပ်နေဆဲ သံတမန်ရေးဆိုင်ရာ သီးသန့်ဆွေးနွေးမှုများနှင့် စပ်လျဉ်း၍ ၎င်းအနေဖြင့် ထုတ်ဖော်ပြောကြားမည်မဟုတ်ဟု ပြန်လည်ဖြေကြားခဲ့ကာ ဟစ်ဇ်ဘိုလာအဖွဲ့အား အင်အားဆုတ်ယုတ်သွားစေရန်နှင့် ၂၀၂၃ ခုနှစ် အောက်တိုဘာ ၈ ရက်မှစ၍ ဟစ်ဇ်ဘိုလာအဖွဲ့က အစ္စရေးနိုင်ငံထဲသို့ တိုက်ခိုက်မှုများ လုပ်ဆောင်လျက်ရှိခြင်းကြောင့် ယင်းကဲ့သို့ တိုက်ခိုက်မှုများကို ဟန့်တားနိုင်ရေးအတွက် အမေရိကန်နိုင်ငံက အစ္စရေးနိုင်ငံနှင့် ပူးပေါင်းဆောင်ရွက်သွားမည်ဖြစ်ကြောင်း ၎င်းက ပြောကြားခဲ့သည်။
“ရေတိုအတွက်တင်မဟုတ်ဘဲ ရေရှည်အားဖြင့်လည်း မဟာဗျူဟာပိုင်းအရ အကျိုးရှိစေမယ့် ဆုံးဖြတ်ချက်တွေကို ချမှတ်ဖို့ လိုအပ်တဲ့အတွက် ကျွန်တော်တို့အနေနဲ့ သူတို့ကို ဆက်လက်တွန်းအားပေးသွားမှာပါ” ဟုလည်း မေလာက ပြောကြားခဲ့သည်။ (Xinhua)

………………………..
(English Version)
U.S. leaves door open to Israel attacking Iran’s oil reserves
WASHINGTON, Oct. 3 (Xinhua) — The United States is still in discussion with Israel about the way the latter would retaliate against the missile attacks from Iran, U.S. President Joe Biden said Thursday, adding that “nothing” is expected to happen during the day.
Boarding Marine One to tour hurricane Helene’s impacted area in the southern states of Florida and Georgia, the president told reporters on the White House South Lawn that the United States will “advise” Israel on what specifically the retaliation will be.
“And there’s nothing going to happen today,” he added.
Axios in a Wednesday report cited Israeli officials as saying that Israel is expected to launch a “significant retaliation” against Iran in the coming days, with possible targets including the Islamic Republic’s oil production facilities.
In the event that Iran strikes Israel again, “all options will be on the table” for Israel to consider, including attacking Iran’s nuclear sites, the report said.
Biden on Wednesday expressed his opposition to Israel targeting Iran’s nuclear facilities, but he was somewhat vague on the administration’s attitude toward a possible strike on Tehran’s oil fields.
“We’re in discussion of that. I think — I think that would be a little — anyway,” the president said Thursday.
State Department Spokesperson Matthew Miller was asked the same question during Wednesday’s press briefing, where he refused to comment on ongoing U.S.-Israel discussion about the planning for the retaliation.
“We’re having discussions with them about what that response will look like. And at this point, I don’t think I should talk about those discussions,” Miller said.
While preparing for the retaliation against Iran, Israel is continuing with its ground incursion into Lebanon, which Biden was opposed to from the outset, saying he wanted the Israelis to stop.
Answering a question from Xinhua about what the United States is going to do now that Israel’s operation is underway, Miller said during the briefing that he won’t disclose ongoing private diplomatic conversations, adding that Washington will work with Tel Aviv “to ensure that they can degrade Hezbollah and prevent Hezbollah from being able to launch attacks into Israel as they have been doing since Oct. 8” of 2023.
“We’re going to continue to press on them the need to make decisions that are in not just their short-term but their long-term strategic interests,” Miller said. Enditem
English Caption
Projectiles from Iran intercepted by Israel fly through the sky above Jerusalem, on Oct. 1, 2024. (Xinhua/Chen Junqing)