တောင်ကိုရီးယား အစိုးရအဖွဲ့အစည်းအဝေးတွင် စစ်အုပ်ချုပ်ရေးကြေညာမှုကို ရုပ်သိမ်း

ဆိုးလ်၊ ဒီဇင်ဘာ ၄ ရက် (ဆင်ဟွာ)

တောင်ကိုရီးယားနိုင်ငံ သမ္မတ ယွန်းဆက်ယိုက ဒီဇင်ဘာ ၃ ရက် ညပိုင်းတွင် ကြေညာခဲ့သော အရေးပေါ် စစ်အုပ်ချုပ်ရေးဥပဒေကို မထောက်ခံကြောင်း လွှတ်တော်က မဲခွဲဆုံးဖြတ်ခဲ့ပြီးနောက် ဒီဇင်ဘာ ၄ ရက် အစောပိုင်း၌ ယင်းဥပဒေအား အစိုးရအဖွဲ့အစည်းအဝေးတွင် ပြန်လည်ရုပ်သိမ်းလိုက်ကြောင်း သိရသည်။
စစ်အုပ်ချုပ်ရေးဥပဒေအမိန့်အား ဖယ်ရှားရေးကို အစိုးရအဖွဲ့ အရေးပေါ်အစည်းအဝေးတွင် အတည်ပြုခဲ့ခြင်းဖြစ်ကြောင်း သတင်းမီဒီယာများစွာ၌ ဖော်ပြထားသည်။

အမျိုးသားလွှတ်တော်တွင် စစ်အုပ်ချုပ်ရေးဥပဒေဖယ်ရှားရေး တောင်းဆိုခဲ့သဖြင့် စစ်အုပ်ချုပ်ရေးဥပဒေ တပ်ဖွဲ့ဝင်များက ရုပ်သိမ်းသွားခြင်းဖြစ်ကြောင်း ယွန်းက အစည်းအဝေးမတိုင်မီ ရုပ်မြင်သံကြားမိန့်ခွန်း၌ ပြောကြားခဲ့သည်။
ထို့ပြင် အမျိုးသားလွှတ်တော်အနေဖြင့် အစိုးရအဖွဲ့တာဝန်ရှိသူများအား ပြစ်တင်စွပ်စွဲရေး လာမည့်နှစ်အတွက် အစိုးရဘတ်ဂျက်လျှော့ချရေးနှင့် သမ္မတကတော် ပါဝင်သော အရှုပ်တော်ပုံများစုံစမ်းစစ်ဆေးမှုအတွက် အထူးရှေ့နေအဖွဲ့ ဖွဲ့စည်းရေး စသည်တို့ကြိုးပမ်းခြင်းဖြင့် နိုင်ငံ့ရေးရာလုပ်ငန်းများ နှောင့်နှေးစေမှုကို ရပ်တန့်ရန် သမ္မတက ပြောကြားခဲ့သည်။
ယွန်းသည် အရေးပေါ်စစ်အုပ်ချုပ်ရေးဥပဒေကို ဒီဇင်ဘာ ၃ ရက် ညပိုင်းက ကြေညာခဲ့ခြင်းဖြစ်ရာ ယင်းမှာ ၁၉၈၀ ပြည့်လွန်နှစ်များနှောင်းပိုင်းက တောင်ကိုရီးယားနိုင်ငံ၏ စစ်တပ်အာဏာသိမ်းမှု အဆုံးသတ်ခဲ့ချိန်မှစ၍ ပထမဆုံး စစ်အုပ်ချုပ်ရေးဥပဒေကြေညာခဲ့ခြင်းလည်း ဖြစ်သည်။ (Xinhua)

တောင်ကိုရီးယားနိုင်ငံ ဆိုးလ်မြို့ရှိ သမ္မတရုံးအပြင်ဘက်တွင် တာဝန်ထမ်းဆောင်နေသော ရဲတပ်ဖွဲ့ဝင်များကို ၂၀၂၄ ခုနှစ် ဒီဇင်ဘာ ၄ ရက်က တွေ့ရစဉ် (ဆင်ဟွာ)

တောင်ကိုရီးယားနိုင်ငံ ဆိုးလ်မြို့ရှိ သမ္မတရုံးအပြင်ဘက်တွင် တာဝန်ထမ်းဆောင်နေသော ရဲတပ်ဖွဲ့ဝင်များကို ၂၀၂၄ ခုနှစ် ဒီဇင်ဘာ ၄ ရက်က တွေ့ရစဉ် (ဆင်ဟွာ)

………………………….
(English Version)
S. Korea’s martial law lifted at cabinet meeting

SEOUL, Dec. 4 (Xinhua) — South Korea’s emergency martial law, declared by President Yoon Suk-yeol Tuesday night, was lifted early Wednesday at a cabinet meeting after the parliament voted against it.
The motion to remove the martial law order was approved at an urgently convened cabinet meeting, according to multiple media outlets.
Before the meeting, Yoon said in a televised address that martial law troops were withdrawn as the National Assembly demanded the lifting of martial law.
The president asked the National Assembly to stop paralyzing state affairs by trying to impeach government officials, slash the government’s budget for next year and launch a special prosecutor’s team for investigation into scandals involving the first lady.
Yoon declared the emergency martial law Tuesday night, marking the first martial law declaration since the country’s military dictatorship ended in the late 1980s.
Photo 1: This photo taken at Seoul Station in Seoul, South Korea on Dec. 3, 2024 shows a screen displaying South Korean President Yoon Suk-yeol declaring an emergency martial law in a televised address. (Xinhua/Yao Qilin)
Photo 2: Police officers are seen on duty outside the presidential office in Seoul, South Korea, Dec. 4, 2024. (Xinhua/Yao Qilin)