ဂါဇာဒေသတွင် စစ်ဆင်ရေးများ ရပ်တန့်ရေးအတွက် အစ္စရေးကို တွန်းအားပေးရန် အမေရိကန်အား ကုလသမဂ္ဂဆိုင်ရာ တရုတ်နိုင်ငံ အမြဲတမ်းကိုယ်စားလှယ် တိုက်တွန်း

ကုလသမဂ္ဂ၊ ဩဂုတ် ၁၅ ရက် (ဆင်ဟွာ)
ဂါဇာဒေသတွင် အစ္စရေးက စစ်ဆင်ရေးလုပ်ဆောင်မှုများကို တတ်နိုင်သမျှ အမြန်ဆုံးရပ်တန့်ရေးနှင့် အရပ်သားများအား ရက်ရက်စက်စက် သတ်ဖြတ်နေခြင်းကို ရပ်တန့်ရေးအတွက် အစ္စရေးအား တွန်းအားပေးရန် အမေရိကန်အနေဖြင့် တာဝန်သိသိနှင့် စိတ်ရောကိုယ်ပါ လုပ်ဆောင်ရန် ကုလသမဂ္ဂဆိုင်ရာ တရုတ်နိုင်ငံ အမြဲတမ်းကိုယ်စားလှယ်က ဩဂုတ် ၁၃ ရက်တွင် တိုက်တွန်းခဲ့သည်။

လွန်ခဲ့သော သီတင်းပတ်ကုန်၌ အစ္စရေးက ဂါဇာမြို့ရှိ Al-Taba’een စာသင်ကျောင်းအား တိုက်ခိုက်မှုကြောင့် ပါလက်စတိုင်း ၁၀၀ ကျော် သေဆုံးခဲ့သည့် ဖြစ်စဉ်အား ပြင်းပြင်းထန်ထန် ရှုတ်ချကြောင်း ပါလက်စတိုင်းအရေး အပါအဝင် အရှေ့အလယ်ပိုင်းဒေသ အခြေအနေနှင့်ပတ်သက်၍ ကုလသမဂ္ဂ လုံခြုံရေးကောင်စီ အစည်းအဝေး၌ ကုလသမဂ္ဂဆိုင်ရာ တရုတ်နိုင်ငံ အမြဲတမ်းကိုယ်စားလှယ် ဖုချုံးက ပြောကြားခဲ့သည်။

အရပ်သားများနှင့် အရပ်ဘက်အခြေခံအဆောက်အအုံများသည် စစ်ဆင်ရေးများ၏ ပစ်မှတ်မဖြစ်သင့်ကြောင်း ၎င်းက အလေးအနက်ပြောကြားခဲ့ပြီး ယင်းအား နိုင်ငံတကာ လူ့အခွင့်အရေးဥပဒေအရ ပြင်းပြင်းထန်ထန် တားမြစ်ထားကြောင်း ထည့်သွင်းပြောကြားသည်။

“အရပ်သားအများအပြား ခိုလှုံနေတဲ့ စာသင်ကျောင်းတွေကို ထပ်ကာတလဲလဲ တိုက်ခိုက်နေတာဟာ စက်ဆုပ်ရွံရှာစရာကောင်းတဲ့ လုပ်ရပ်ဖြစ်တယ်” ဟု ၎င်းက ဆိုသည်။

ရေရှည်ခိုင်မာသော ချက်ချင်းအပစ်ရပ်စဲရေးသည် ဂါဇာပြည်သူများ မျှော်လင့်တောင့်တနေသော အရာဖြစ်ပြီး နိုင်ငံတကာ အသိုင်းအဝိုင်းက သောင်းသောင်းဖြဖြ လက်ခံထားသော အများသဘောဆန္ဒဖြစ်သည်ဟု ဖုက ပြောကြားခဲ့သည်။
အစ္စရေးသည် အပစ်အခတ်ရပ်စဲရေး သဘောတူညီချက်ကို လက်ခံခဲ့သည်ဟု လွန်ခဲ့သောနှစ်လက ကုလသမဂ္ဂ လုံခြုံရေးကောင်စီ ဆုံးဖြတ်ချက်အမှတ်-၂၇၃၅ အား တွန်းအားပေးလုပ်ဆောင်စဉ် အမေရိကန်က အခိုင်အမာပြောကြားခဲ့သည်။

“ဒါပေမဲ့ လက်တွေ့အခြေအနေက တကယ့်ကိုဆန့်ကျင်ဘက်ဖြစ်နေတယ်” ဟု ဖုက ထောက်ပြပြောဆိုသွားခဲ့ပြီး စစ်လက်နက်ပစ္စည်းများကို အများဆုံးထောက်ပံ့သူဖြစ်သည့် အမေရိကန်အနေဖြင့် တာဝန်သိသိနှင့် စိတ်ရောကိုယ်ပါ ဆောင်ရွက်မှုများပြုလုပ်ရန် ၎င်းက တိုက်တွန်းခဲ့သည်။

ဂါဇာစစ်ပွဲ၏ အကျိုးဆက်သည် ပိုမိုလျင်မြန်စွာဖြင့် ကျယ်ပြန့်လာပြီး အရှေ့အလယ်ပိုင်းဒေသ အခြေအနေသည် ကြီးမားသော ဘေးသင့်မှုနှင့် ကြုံတွေ့နေရချိန်တွင် တာဝန်မဲ့သော ရန်စမှုနှင့် တာဝန်မဲ့သော ကိုယ်ကျိုးရှာစွန့်စားမှုများ အင်ပြည့်အားပြည့် ဆက်ရှိနေသည်ဟု ၎င်းက ဆိုသည်။ မိမိတို့အနေဖြင့် လေးလေးနက်နက် စိုးရိမ်လျက်ရှိကြောင်းလည်း ၎င်းက ဆက်လက်ပြောကြားခဲ့သည်။

အခြေအနေ ပိုဆိုးရွားလာပြီး တင်းမာမှုအရှိန်မြင့်တက်လာခြင်း မရှိစေရန် ရှောင်လွှဲခြင်း၏ အဓိကသော့ချက်သည် ဂါဇာဒေသတွင် ရေရှည်ခိုင်မာသော ဘက်ပေါင်းစုံ အပစ်အခတ်ရပ်စဲရေး အမြန်ဆုံးရရှိမှုအပေါ် မူတည်နေသည်ဟု ဖုက အလေးအနက် ပြောကြားခဲ့သည်။

“ဂါဇာစစ်ပွဲ အဆုံးသတ်ရေး၊ လူသားချင်းစာနာမှု ကပ်ဘေးကို လျော့ပါးသက်သာစေရေး၊ နှစ်နိုင်ငံဖြေရှင်းမှုနည်းလမ်း အကောင်အထည်ဖော်ရေး၊ အရှေ့အလယ်ပိုင်းဒေသမှာ ငြိမ်းချမ်းမှု၊ တည်ငြိမ်မှုနဲ့ လုံခြုံမှု ရေရှည်တည်တံ့ရေးအတွက် တရုတ်နိုင်ငံက မနားမနေ ကြိုးပမ်းအားထုတ်သွားမှာဖြစ်တယ်” ဟု ၎င်းက ပြောကြားခဲ့သည်။ (Xinhua)
…………………………..
(English Version)

Chinese envoy urges U.S. to push Israel to stop military operations in Gaza
UNITED NATIONS, Aug. 14 (Xinhua) — A Chinese envoy on Tuesday urged the United States to take “sincere and responsible actions” to push Israel to stop its military operations in Gaza as soon as possible and to stop slaughtering civilians.

Fu Cong, China’s permanent representative to the United Nations, strongly condemned Israel’s attack on the Al-Taba’een school in Gaza City over the weekend which killed more than 100 Palestinians, in remarks at the UN Security Council briefing on the situation in the Middle East, including the Palestinian question.

He stressed that “civilians and the civilian infrastructure must not be the target of military operations,” adding that “this is a red line under the international humanitarian law.”

“Attacking schools where a large number of civilians are seeking shelter again and again is a heinous act,” he said.

An immediate and durable ceasefire is what the people of Gaza yearn for, and it is the overwhelming consensus of the international community, he said.

Two months ago, when pushing for UN Security Council Resolution 2735, the United States claimed that Israel had accepted a ceasefire agreement. “But the reality is quite the opposite,” Fu pointed out, urging Washington, as the largest supplier of weapons, to take “sincere and responsible actions.”

At a time when the fallout of the Gaza conflict is spreading ever faster, and the situation in the Middle East is in great peril, as “irresponsible provocation and adventurism continue unabated,” the ambassador warned. “We are deeply concerned,” he said.

Fu emphasized that the key to avoiding the deterioration and escalation of the situation lies in achieving a comprehensive and durable ceasefire in Gaza without delay.

“China will work tirelessly to end the fighting in Gaza, alleviate the humanitarian catastrophe, implement the two-state solution, and achieve long-term peace, stability, and security in the Middle East,” he said. Enditem