ယူကရိန်းနိုင်ငံ နယ်မြေပိုင်နက် လိုက်လျောမှု ကိစ္စရပ်နှင့် ပတ်သက်သော အဆိုပြုချက် အမေရိကန်ထံ ပေးပို့ခဲ့ကြောင်း ဂျာမနီနိုင်ငံ ဝန်ကြီးချုပ် ဆို

ဘာလင်၊ ဒီဇင်ဘာ ၁၂ ရက် (ဆင်ဟွာ)

ဂျာမနီနိုင်ငံ ဝန်ကြီးချုပ် Friedrich Merz က ၎င်းသည် ဥရောပခေါင်းဆောင်များစွာနှင့်အတူ ယူကရိန်းနိုင်ငံက ၎င်း၏ နယ်မြေပိုင်နက်တွင် လိုက်လျောမှုများလုပ်ဆောင်ရန် ပြင်ဆင်နေသည့် အကြောင်းအရာများနှင့် ပတ်သက်သော အဆိုပြုချက်တစ်စောင်ကို အမေရိကန်သမ္မတ ထရမ့်ထံ ပေးပို့ခဲ့ကြောင်း ဒီဇင်ဘာ ၁၁ ရက်က ပြောကြားခဲ့သည်။ဤအဆိုပြုချက်သည် ၎င်းက ပြင်သစ်သမ္မတ မက်ခရွန်၊ ဗြိတိန်ဝန်ကြီးချုပ် ကီယာစတားမာတို့နှင့် ဒီဇင်ဘာ ၁၀ ရက်တွင် ထရမ့်ကို ဖုန်းဖြင့် ဆက်သွယ်ဆွေးနွေးပြီးနောက် အဆိုပြုခဲ့ခြင်းဖြစ်သည်ဟု Merz က အဆိုပါနေ့တွင် ခရီးစဉ်ရောက်ရှိနေသည့် မြောက်အတ္တလန္တိတ်စာချုပ်အဖွဲ့ (NATO) အထွေထွေအတွင်းရေးမှူးချုပ် Mark Rutte နှင့်အတူ သတင်းထောက်များနှင့် တွေ့ဆုံစဉ် ပြောကြားခဲ့ခြင်းဖြစ်သည်။

Merz က ၎င်းနှင့် အခြားဥရောပခေါင်းဆောင်များသည် (နယ်မြေပိုင်နက်ကိစ္စရပ်တွင် လိုက်လျောမှုရန်) ဤကိစ္စကို ယူကရိန်းသမ္မတနှင့် ယူကရိန်းပြည်သူများကသာ အဖြေပေးရမည်ဟု ထရမ့်အား ရှင်းလင်းစွာ ပြောကြားခဲ့ကြောင်း ဆိုသည်။
စီစဉ်ထားသော လုပ်ငန်းစဉ်အရ ယခုသီတင်းပတ်အကုန်တွင် ဥရောပနှင့် အမေရိကန်ကိုယ်စားလှယ်တို့ အစည်းအဝေးကျင်းပသွားမည်ဖြစ်ပြီး လာမည့်သီတင်းပတ်အစောပိုင်းတွင် ဘာလင်မြို့၌ အစည်းအဝေး ကျင်းပနိုင်ခြေရှိကြောင်း Merz က ပြောကြားခဲ့သည်။ စေ့စပ်ညှိနှိုင်းမှုမှ ရရှိသော ဖြေရှင်းရေးနည်းလမ်းသည် ဥရောပ၏ လုံခြုံရေး အကျိုးစီးပွားကို မဖြစ်မနေ အာမခံရမည်ဖြစ်ပြီး ဥရောပသမဂ္ဂနှင့် NATO ၏ စည်းလုံးညီညွတ်မှုကို စတေးခံခြင်း လုံးဝမဖြစ်ရဟူ၍လည်း ၎င်းက ပြောကြားခဲ့သည်။

သက်ဆိုင်ရာတိုးတက်မှုကို တွန်းအားပေး ဆောင်ရွက်ရန်အတွက် ပြင်သစ်၊ ဗြိတိန်နှင့် ဂျာမနီ သုံးနိုင်ငံမှ ခေါင်းဆောင်များသည် ထိုနေ့တွင် ယူကရိန်းအကျပ်အတည်းနှင့်ပတ်သက်၍ ထရမ့်နှင့် ဖုန်းဖြင့်ဆက်သွယ်ဆွေးနွေးခဲ့ကြကြောင်း ပြင်သစ်သမ္မတအိမ်တော်၏ ဒီဇင်ဘာ ၁၀ ရက်က ထုတ်ပြန်သော သတင်းအရ သိရသည်။ (Xinhua)
……………………
(Chinese Version)
德总理：已向美发出涉及乌领土让步问题的提案
新华社柏林12月11日电（记者张毅荣　李超）德国总理默茨11日表示，他与欧洲多国领导人共同向美国总统特朗普发出一份提案，内容涉及乌克兰准备做出的领土让步。
默茨当天与到访的北约秘书长吕特共同会见记者时说，这一提案是他与法国总统马克龙、英国首相斯塔默10日与特朗普通话后发出的。
默茨说，他与其他欧洲国家领导人已向特朗普阐明，（在领土问题上让步）这一问题须由乌克兰总统和乌克兰人民来回答。
默茨表示，按照设想的进程，本周末欧方将与美方代表举行会谈，下周初可能会在柏林举行会议。他还说，谈判达成的解决方案必须保障欧洲的安全利益，绝不能以牺牲欧盟和北约的团结为代价。
据法国总统府10日消息，法英德三国领导人当天与特朗普就乌克兰危机通话，以寻求推动相关进展。（完）
图说：12月8日，在英国伦敦唐宁街10号首相府，英国首相斯塔默（左二）、法国总统马克龙（右一）、德国总理默茨（左一）与乌克兰总统泽连斯基举行会谈。新华社发（英国首相府供图）