ဘရာဇီးနိုင်ငံတွင် COVID-19 ရောဂါ ကူးစက်ခံရသူ စုစုပေါင်း ၉ သန်းကျော် အထိ ရောက်ရှိလာ

ဘရာဇီးလီယာ ၊ ဇန်နဝါရီ ၂၉ ရက် (ဆင်ဟွာ) ဘာသာပြန်/စိုးမိုး
ဘရာဇီးနိုင်ငံ ကျန်းမာရေးဝန်ကြီးဌာန ၏ ဇန်နဝါရီ ၂၈ ရက်၌ ထုတ်ပြန်ခဲ့သော COVID-19 ကပ်ရောဂါ ဆိုင်ရာစာရင်းပြုစုချက်အရ ဘရာဇီးနိုင်ငံတွင် COVID-19 ရောဂါ ကူးစက်ခံရသူစုစုပေါင်း ၉ သန်းကျော် အထိ ရောက်ရှိလာခဲ့ပြီး COVID-19 ထပ်မံကူးစက်ခံရသူ ၁ သန်း တိုးမြင့်လာသည့် ကြာချိန်မှာ အချိန် ၂၀ ရက်သာ ကြာမြင့်ခဲ့ကြောင်း သိရှိရသည်။

ဘရာဇီးနိုင်ငံ ဇန်နဝါရီ ၂၈ ရက် ဒေသစံတော်ချိန် ၁၉ နာရီ ၁၀ မိနစ် အချိန်ထိ ဘရာဇီနိုင်ငံတွင် လွန်ခဲ့သည့် ၂၄ နာရီအတွင်း COVID-19 ရောဂါ ထပ်မံကူးစက်ခံရသူ ၆၁,၈၁၁ ဦးရှိခဲ့ပြီး ကူးစက်ခံရသူ စုစုပေါင်း ၉,၀၅၈,၆၈၇ ဦး အထိရောက်ရှိလာခဲ့ကြောင်း ၊ COVID-19 ရောဂါကြောင့် ထပ်မံသေဆုံးခဲ့ရသူ ၁,၃၈၆ ဦးရှိခဲ့ပြီး ရောဂါကြောင့် သေဆုံးခဲ့ရသူ စုစုပေါင်း ၂၂၁,၅၄၇ ဦးအထိ ရောက်ရှိလာခဲ့ကာ COVID-19 ရောဂါ မှ ပြန်လည်သက်သာလာသူ ၇,၉၂၃,၇၃၉ ရှိကြောင်း သိရှိရသည်။

ဘရာဇီးနိုင်ငံ တွင် ကပ်ရောဂါ ကူးစက်မှုအခြေအနေ က ယခင်နှစ် နိုဝင်ဘာလ မှ စတင်၍ လွန်စွာ မြင့်တက်လာခဲ့ပြီး COVID-19 ရောဂါ ကူးစက်ခံရသူ စုစုပေါင်း ၅ သန်း မှ စတင်၍ ကူးစက်ခံရသူ ၁ သန်း တိုးမြင့်သည့် အချိန်ကာလ က အဆက်မပြတ် လျှော့နည်းလာခဲ့ကြောင်း ၊ နောက်ဆုံး ကူးစက်ခံရသူ တစ်သန်း တိုးမြင့်လာသည့် အချိန်ကာလ မှာ အချိန် ရက် ၂၀ သာ ကြာမြင့်ခဲ့ပြီး ဘရာဇီးနိုင်ငံတွင် ယခင်နှစ် ဖေဖော်ဝါရီလ၌ ကပ်ရောဂါ စတင်ဖြစ်ပွားချိန်မှစ၍ အချိန်ကာလ အတိုတောင်းဆုံးသော တစ်ကြိမ်ဖြစ်ကြောင်း သိရှိရသည်။

ဘရာဇီးနိုင်ငံတွင် ကပ်ရောဂါ အဆိုးရွားဆုံးဖြစ်ပွားနေသောပြည်နယ် မှာ ဆော်ပေါ်လိုပြည်နယ် ဖြစ်ပြီး ကူးစက်ခံရသူစုစုပေါင်း ၁.၇၄သန်းကျော်ရှိကြောင်း ၊ ယင်းပြည်နယ်တွင် ဇန်နဝါရီ ၂၆ ရက်၌ ယခင် Amazonas ပြည်နယ်တွင် တွေ့ရှိခဲ့သော ဗီဇပြောင်းလဲ COVID-19 ရောဂါ ကူးစက်ခံရသူ ကို စစ်ဆေးတွေ့ရှိခဲ့ကြောင်း ၊ ဘရာဇီးနိုင်ငံ ကျန်းမာရေးဝန်ကြီးဌာန က ယင်းဗီဇပြောင်း COVID-19 ရောဂါပိုး အမျိုးအစား အား P.1 ဟု အမည်ပေးခဲ့ပြီး ယင်းအမျိုးအစား ရောဂါပိုးက ကူးစက်မှု ပိုမိုမြင့်မားနိုင်ကြောင်း ၊ ဘရာဇီးနိုင်ငံအနေဖြင့် ရောဂါပိုး နမူနာအား ဗြိတိန်နိုင်ငံ အောက်စ်ဖို့တက္ကသိုလ် သို့ ဆက်လက်၍ သုတေသနပြုလုပ်ရန် ပို့ဆောင်ပေးခဲ့ကြောင်း သိရှိရသည်။

ဘရာဇီးနိုင်ငံတွင် ယခုလ ၁၈ ရက်မှစတင်၍ တစ်နိုင်ငံလုံးအတိုင်းအတာတွင် COVID-19 ကာကွယ်ဆေးထိုးနှံပေးသည့် လုပ်ငန်းစတင်ဆောင်ရွက်ခဲ့ပြီး ဘရာဇီးနိုင်ငံ သတင်းမီဒီယာ၏ ဖော်ပြချက်အရ ဘရာဇီးနိုင်ငံတွင် လူပေါင်း ၁.၅ သန်းကျော် COVID-19 ရောဂါ ကာကွယ်ဆေး ထိုးနှံပြီးဖြစ်ကြောင်း သိရှိရသည်။ (Xinhua)
—————————
(Chinese Version)
（国际疫情）巴西新冠确诊病例数累计超900万
2021-01-29 11:03:47 分类： 医药卫生
　　新华社巴西利亚1月28日电（记者周星竹）巴西卫生部28日发布的新冠疫情数据显示，该国累计确诊病例数已超过900万。巴西这次新增100万病例仅用时20天。
　　截至当地时间28日19时10分，巴西24小时内新增确诊病例61811例，累计确诊9058687例；新增死亡病例1386例，累计死亡221547例；累计治愈7923794例。
　　巴西疫情去年11月开始大幅反弹。从累计500万确诊病例起，每增加100万病例用时不断缩短。最新增加100万病例用时20天，为去年2月巴西暴发疫情以来用时最短的一次。
　　在疫情最严重的圣保罗州，累计确诊病例数超过174万。该州26日有人确诊感染了先前在亚马孙州发现的新型变异新冠病毒。巴西卫生部表示，这种代号P.1的变异病毒传染性可能更强，病毒样本已送往英国牛津大学供进一步研究。
巴西本月18日开始全国范围的新冠疫苗接种。据巴西媒体统计，截至目前，已有150多万巴西人接种了新冠疫苗。（完）

Photo
2021年1月19日，在巴西亚马孙州塔巴廷加市，医护人员为一名原住民接种中国新冠疫苗。新华社发（卢西奥•塔沃拉 摄）