၂၀၁၉-၂၀၂၀ ပညာသင်နှစ်အတွင်း တိုင်းဒေသကြီး/ပြည်နယ် အလိုက် အခြေခံပညာကျောင်းပေါင်း ၂၅၂ ကျောင်း အားအဆင့်တိုးမြှင့်ဖွင့်လှစ်ခွင့်ပြုမည်

ရန်ကုန်၊ မေ ၂၄ ရက် (ဆင်ဟွာ)

၂၀၁၉-၂၀၂၀ ပညာသင်နှစ်အတွင်း တိုင်းဒေသကြီး/ပြည်နယ် အလိုက် အခြေခံပညာကျောင်းများအား ကျောင်းအဆင့်တိုးမြှင့်ဖွင့် လှစ်သွားမည်ဖြစ်ကြောင်း၊ အဆင့်တိုးသည့် ကျောင်းပေါင်း ၂၅၂ ကျောင်းရှိမည်ဖြစ်ကြောင်း သိရသည်။

အဆိုပါတိုင်းဒေသကြီး/ပြည်နယ်များအလိုက် ကျောင်းအဆင့် တိုးမြှင့်ဖွင့်လှစ်ခွင့်ပြုမည့် ကျောင်းစာရင်း များအား ပြည်သူများ သိရှိနိုင်ရန်အတွက် ဝန်ကြီးဌာန ဝက်ဘ်ဆိုက် www.moe.gov.mm တွင် တင်ပေးထား မည်ဖြစ်ကြောင်း ပြန်ကြားရေးဝန်ကြီးဌာန ၏ သတင်းထုတ်ပြန်ချက်တွင် ပါရှိသည်။

ထို့ပြင်ကယားပြည်နယ် နှင့် စစ်ကိုင်းတိုင်းဒေသကြီးတို့တွင် ကျောင်းအသစ်တစ်ကျောင်းစီတိုးခဲ့ကာ တစ်နိုင်ငံလုံးတွင် အလကကျောင်းပေါင်း ၁၁၆၈ ကျောင်း၊ အမကကျောင်းပေါင်း ၇၇၀ ကျောင်း၊ အထက(ခွဲ) ကျောင်းပေါင်း၁၀၄၇ကျောင်း၊ အလက(ခွဲ)၉၁၉ကျောင်း၊ မူလွန် ၁၀၆၂ ကျောင်း၊ အမက(ခွဲ)၄၃၁ ကျောင်း၊ စုစုပေါင်းကျောင်းအရေအတွက် ၅၆၅၁ ကျောင်း ရှိကြောင်း သိရသည်။ (Xinhua)