Connect with us

Environment, Disasters & Accidents

ဖျာပုံမြို့အနီး အင်အားရစ်(ခ်)တာစကေး ၄.၂ အဆင့်ရှိ မြေငလျင် လှုပ်ခတ်

ဖ်ာပုံၿမဳိ ့အနီး လႈပ္ခတ္သြားခဲ့သည့္ ေျမငလ်င္ တည္ေနရာျပ ေျမပုံအား ေတြ ့ရစဥ္(ဓာတ္ပုံ- မိုးေလဝသႏွင့္ဇလေဗဒညႊန္ၾကားမႈဦးစီးဌာန)

ရန်ကုန် ၊ ဧပြီ ၁၈ ရက်(ဆင်ဟွာ)

ဧရာဝတီတိုင်းဒေသကြီး ဖျာပုံမြို့အနီး အင်အားရစ်(ခ်)တာစကေး ၄.၂ အဆင့်ရှိ မြေငလျင် တစ်ခုသည် ယနေ့ဧပြီ ၁၈ ရက် နေ့လည်ပိုင်း အချိန်တွင် လှုပ်ခတ်သွားခဲ့ကြောင်း မိုးလေဝသ နှင့် ဇလဗေဒ ညွှန်ကြားမှု ဦးစီးဌာန ၊ မြေငလျင် ဌာနခွဲမှ သတင်း ထုတ်ပြန်မှုတွင် ဖော်ပြခဲ့သည်။

ထိုလှုပ်ခတ်သွားခဲ့သည့် အင်အားရစ်(ခ်)တာစကေး ၄.၂ အဆင့်ရှိသော မြေငလျင်သည် အနက်တိမ်၍ ငလျင် ဗဟိုချက်မှာ မြစ်အတွင်း၌ ဖြစ်ကြောင်း ၊ ဖျာပုံမြို့နှင့် နီးစပ်နေသည့် ရန်ကုန်မြို့ရှိ မြို့နယ် အတော်များများ သိရှိ ခံစား ခဲ့ရပြီး အင်အား အနည်းငယ်သာ ရှိပြီး ထိခိုက် ပျက်စီးမှု သတင်း ရရှိထားခြင်း မရှိကြောင်း မြေငလျင် ဌာနခွဲမှ သိရသည်။

ကမ္ဘာအေးမြေငလျင်စခန်းမှ တောင်ဘက် (၄၆)မိုင်ခန့် ကွာဝေးသော ဖျာပုံမြိ့ု၏ – အရှေ့-အရှေ့တောင်ဘက် (၃၅)မိုင်ခန့်အကွာ ၊ မြောက်လတ္တီတွဒ် ၁၆.၂၀ ဒီဂရီ၊ အရှေ့လောင်ဂျီတွဒ် ၉၆.၁၉ ဒီဂရီ၊ အနက် (၁၀) ကီလိုမီတာကို ဗဟိုပြု၍ အင်အားရစ်(ခ်)တာစကေး (၄.၂)အဆင့်ရှိ အင်အားအနည်းငယ်ရှိသော မြေငလျင် တစ်ခုသည် မြန်မာစံတော်ချိန် (၁၄)နာရီ၊ (၂၅)မိနစ်၊ (၄၂)စက္ကန့် အချိန်တွင် လှုပ်ရှားသွားကြောင်း တိုင်းထွာရရှိခဲ့ကြောင်း မိုးလေဝသ နှင့် ဇလဗေဒ ညွှန်ကြားမှု ဦးစီးဌာနမှ သတင်းထုတ်ပြန်ခဲ့သည်။(Xinhua)

Continue Reading
Click to comment

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.