Environment, Disasters & Accidents
ကျောက်တင်ယာဉ်နှင့် Light Truck ယာဉ်နှစ်စီးတိုက်မှုကြောင့် တစ်ဦးသေ ၁၁ဦး ဒဏ်ရာရရှိ
ရန်ကုန်၊ ဒီဇင်ဘာ ၂၃ ရက် (ဆင်ဟွာ)
ပျဉ်းမနားမြို့နယ် ကျီးအင်းကျေးရွာအနီး မြို့ရှောင်လမ်းတွင် ဒီဇင်ဘာ ၂၂ရက်နေ့က ကျောက်များတင်ဆောင်လာသော ၆ဘီးကားနှင့် Light Truck ယာဉ်တို့တိုက်မှုကြောင့် တစ်ဦးသေဆုံးပြီး ၁၁ဦးဒဏ်ရာရရှိထားကြောင်း ပြည်ထဲရေးဝန်ကြီးဌာနက ထုတ်ပြန်သော သတင်းအရ သိရသည်။
အဆိုပါ ကျောက်တင်ယာဉ်က အရှိန်မထိန်းနိုင်ဘဲ Light Truck ယာဉ် ဝဲ/နောက်ဘေး ကိုယ်ထည်အား ဝင်ရောက် တိုက်မိမှုကြောင့် Light Truck ယာဉ်ပေါ်ပါ တစ်ဦးသေဆုံးပြီး ၁၁ဦး ဒဏ်ရာရရှိခဲ့သဖြင့် နေပြည်တော် ခုတင်(၁၀၀၀) ဆေးရုံတွင် ကုသမှုခံယူလျက်ရှိကြောင်း သိရသည်။
ယင်း ဒဏ်ရာရရှိသူ ၁၁ဦးတွင် ၉ဦးမှာ အသက်အန္တရာယ်မစိုးရိမ်ရသော်လည်း ကျန်၂ဦးသည် စိုးရိမ်ရကြောင်း သိရသည်။ကျောက်တင်ယာဉ်မှ ယာဉ်မောင်းအား ပျဉ်းမနားမြို့မရဲစခန်းမှ ယာဉ်(ပ)၅၅/၂၀၁၇ ရာဇသတ်ကြီး ပုဒ်မ ၃၀၄-က/၃၃၈/၃၃၇ ဖြင့် အမှုဖွင့်စစ်ဆေးလျက်ရှိကြောင်း သိရသည်။(Xinhua)
