Environment, Disasters & Accidents
ကျိုင်းတုံ-တောင်ကြီးကားလမ်း၌ ယာဉ်တစ်စီးတိမ်းမှောက်ပြီး ၁၅ ဦးဒဏ်ရာရ
ရန်ကုန်၊ ဇူလိုင် ၁၁ ရက် (ဆင်ဟွာ)
ရှမ်းပြည်နယ်ရှိ ကျိုင်းတုံ-တောင်ကြီးကားလမ်း ကျိုင်းဖောင်းကျေးရွာအနီးတွင် ယနေ့(ဇူလိုင် ၁၁ ရက်) နံနက်ပိုင်းတွင် ယာဉ်တစ်စီးတိမ်းမှောက်ခဲ့ပြီး လူ ၁၅ ဦး ထိခိုက်ဒဏ်ရာများ ရရှိခဲ့ကြောင်း ရှမ်းပြည်နယ်ရဲတပ်ဖွဲ့ထံမှ စုံစမ်းသိရှိရသည်။
ကျိုင်းတုံ-တောင်ကြီးကားလမ်း၌ ယာဉ်တိမ်းမှောက်မှုကြောင့် ဒဏ်ရာရရှိသူများအား ကယ်ဆယ်ရေး ဆောင်ရွက်နေစဉ် (ဓာတ်ပုံ – တိုင်းနေနာရေးကူညီမှုအသင်း)
ကျိုင်းတုံ-တောင်ကြီးကားလမ်း၌ ယာဉ်တိမ်းမှောက်မှုကြောင့် ဒဏ်ရာရရှိသူများအား ကယ်ဆယ်ရေး ဆောင်ရွက်နေစဉ် (ဓာတ်ပုံ – တိုင်းနေနာရေးကူညီမှုအသင်း)
ကျိုင်းဖောင်းကျေးရွာအနီးရှိ လမ်းကွေ့တွင် Vigo အမျိုးအစားကားသည် အရှိန်မထိန်းနိုင်ဘဲ တိမ်းမှောက်ခဲ့ခြင်းဖြစ်ကြောင်း သိရသည်။
“စိုးရိမ်ရတဲ့လူတော့ မရှိပါဘူး။ ဒဏ်ရာရတဲ့လူတွေက ပေါက်ပြဲ၊ကျိုးပဲ့တာလောက်ပါပဲ။” ဟု တိုင်းနေနာရေးကူညီမှုအသင်းဝင်တစ်ဦးက ပြောသည်။
အဆိုပါ ယာဉ်တိမ်းမှောက်မှုကြောင့် ထိခိုက်ဒဏ်ရာရရှိသူများအား ကျိုင်းတုံမြို့ ပြည်သူ့ဆေးရုံ၌ ဆေးကုသမှုခံယူနေကြောင်း သိရသည်။ (Xinhua)
