Politics, Law & Military
ရန်ကုန် ၊ မန္တလေး မြို့များတွင် မူးယစ်ဆေးဝါး တားဆီး နှိမ်နင်းရေး ဒဂုံ နှင့် ရတနာပုံ အထူး စီမံချက်များ ချမှတ် ဆောင်ရွက် သွားမည်
ရန်ကုန် ၊ မေ ၂၈ ရက် (ဆင်ဟွာ)
ရန်ကုန် မြို့တော်နှင့် မန္တလေးမြို့တော်တွင် မူးယစ်ဆေးဝါး တားဆီးနှိမ်နင်းရေး ဒဂုံ အထူးစီမံချက်နှင့် ရတနာပုံ အထူး စီမံချက်များအား ရက် ၁၀၀ စီမံချက် အဖြစ် ချမှတ်ဆောင်ရွက်သွားမည် ဖြစ်ကြောင်း ပြည်ထဲရေး ဝန်ကြီးဌာနမှ သိရသည်။
ထို့အတူ နေပြည်တော် ပြည်ထောင်စု နယ်မြေ နှင့် တိုင်းဒေသကြီး/ ပြည်နယ်(၁၄) ခု အပါအဝင် အဓိကကျသည့် ရန်ကုန်မြို့တော်နှင့် မန္တလေး မြို့တော်တွင် မှုခင်းကျဆင်းရေး ဆောင်ရွက် သွားမည် ဖြစ်ကြောင်း သိရသည်။
ထို့အပြင် နိုင်ငံရေး အကျဉ်းသားများ နိုင်ငံရေး တက်ကြွ လှုပ်ရှား သူများ ၊ နိုင်ငံရေး နှင့် ဆက်နွယ်ပြီး အမှု ရင်ဆိုင် နေကြသူများနှင့် စပ်လျဉ်းသည့် အမှုများကို ရုပ်သိမ်း ပိတ်သိမ်းနိုင်ရန် ဆောင်ရွက်ပြီး ဝန်ဆောင်မှု ကို ရှေးရှုသည့် ရဲလုပ်ငန်း စနစ်အဖြစ် အသွင်သဏ္ဍာန် ပြောင်းလဲခြင်းနှင့် အနှစ်သာရ တိုးမြှင့်ရန် ပြောင်းလဲခြင်းများ ဆောင်ရွက်သွားမည် ဖြစ်ကြောင်း သိရသည်။
နိုင်ငံတော် ငွေကြေး အလွဲ သုံးစားမှုများ ၊ စီးပွားရေး ဆိုင်ရာ အမှုအခင်းများ လျော့နည်း ပပျောက်ရန် အထူး စုံစမ်း စစ်ဆေးရေး ဦးစီးဌာနသည် အရှိန်အဟုန်မြှင့် ဆောင်ရွက်သွားမည် ဖြစ်ကြောင်း သိရသည်။
နိုင်ငံရေး အကျဉ်းသားများ၊ နိုင်ငံရေး တက်ကြွ လှုပ်ရှားသူများ၊ နိုင်ငံရေးနှင့် ဆက်နွယ်အမှု ရင်ဆိုင် နေကြရသူများကို ရဲစစ်ဆေးဆဲ အမှုများကို ပိတ်သိမ်းခြင်း ၊ ရုပ်သိမ်းခြင်းများကို ဆောင်ရွက်ခဲ့ရာ ယနေ့အထိ ပိတ်သိမ်းပြီး အမှု (၂၅၆) မှု ၊ စုစုပေါင်း (၄၄၀) ယောက်ကို အမှု ပိတ်သိမ်းပြီး အချုပ်မှ လွှတ်ပေးခဲ့ကာ ကျန်ရှိသည့်အမှု (၁၁) မှုမှ အမျိုးသား တရားခံ (၁၃) ဦးကို သက်ဆိုင်ရာ တရားရုံးများ၊ ဥပဒေရုံးများနှင့် ညှိနှိုင်းဆောင်ရွက်ပြီး ရက်ပေါင်း (၁၀၀) အတွင်း ပြီးပြတ်အောင် ဆောင်ရွက်သွားမည် ဖြစ်ကြောင်း သိရသည်။ (Xinhua)
