တရုတ်သံရုံး Facebook စာမျက်နှာတွင် ဖော်ပြ ထားသော မြန်မာနိုင်ငံ ကိုးကန့်ကိစ္စ အပေါ်ထားရှိသည့် တရုတ်နိုင်ငံ၏ မူဝါဒရေးရာ ဆောင်းပါး

ရန်ကုန်၊ ဖေဖော်ဝါရီ ၁၆ ရက် (ဆင်ဟွာ)

မြန်မာနိုင်ငံ မြောက်ပိုင်း ကိုးကန့်ဒေသတွင် ဖုန်ကြားရှင် ဦးဆောင်သည့် ကိုးကန့် တိမ်းရှောင်တပ် နှင့် မြန်မာတပ်မတော် တိုက်ပွဲများဖြစ်ပွားမှုနှင့် ပတ်သတ်ပြီး တရုတ်သံရုံး Facebook Global Times သတင်းစာတွင် ပါရှိသည့် မြန်မာနိုင်ငံ ကိုးကန့်ကိစ္စ အပေါ်ထားရှိသည့် တရုတ်နိုင်ငံ၏ မူဝါဒရေးရာ ဆောင်းပါး ကို တရုတ်သံရုံး Facebook စာမျက်နှာ ၌ ဖေဖော်ဝါရီ ၁၆ ရက်နေ့တွင် မြန်မာဘာသာ ပြန်ဆိုပြီး ဖော်ပြထားသည်။

ဖေဖော်ဝါရီလ ၉ ရက် နေ့မှစ၍ မြန်မာနိုင်ငံမြောက်ပိုင်း ကိုးကန့်ဒေသတွင် တိုက်ပွဲဖြစ်ပွား ခဲ့သည်။ ယခင် ကိုးကန့်ခေါင်းဆောင် ဖုန်ကြားရှင် ပြန်လည်ထွက်ပေါ်လာပြီး တစ်ကမ္ဘာလုံးရှိ တရုတ် လူမျိုး အတွက် ရည်ညွှန်းသော စာတစ်စောင် ထုတ်ပြန်လိုက်ကာ အကူအညီရယူရန် မျှော်လင့်ခဲ့ သည်။

အနောက်တိုင်း မီဒီယာများ နှင့် တရုတ် Website များတွင် ကိုးကန့်ကို Crimea နှင့် နှိုင်းယှဉ်သော အစွန်းရောက် အသံများ၊ ရှုပ်ထွေးသော တွေးခေါ်မှု ပုံစံများ ထွက်ပေါ်လာသည်။

မြန်မာနိုင်ငံ မြောက်ပိုင်းကိစ္စသည် ရှုပ်ထွေးလှသည်။ ကိုးကန့်ဒေသသည် ယူနန်ပြည်နယ် နှင့် နီးစပ်သည်။ မြန်မာနိုင်ငံ မြောက်ပိုင်းတိုက်ပွဲများကြောင့် မြန်မာနယ်စပ်ပြည်သူများ တရုတ်နိုင်ငံသို့ ဝင်ရောက်လာခဲ့သည်။ ထိုထဲတွင် ကိုးကန့် လူမျိုးများလည်း များစွာပါဝင်သည်။ သူတို့ကို “မြန်မာနိုင်ငံရှိ ဟန် လူမျိုး”ဟုခေါ်သည်။ ဒီလိုနဲ့ တရုတ်ပြည်တွင်းတွင် ထင်မြင်ချက် မျိုးစုံ ထွက်ပေါ် လာစေသည်။

မြန်မာနိုင်ငံ မြောက်ပိုင်းအခြေအနေကို ရင်ဆိုင်ရခြင်းမှာ တရုတ်အတွက် လွယ်ကူလှသော ကိစ္စ မဟုတ်ပေ။ အတိအကျပြောရလျှင် “သံတမန်ဆက်ဆံရေး စိန်ခေါ်မှု” တစ်ရပ် ပင်ဖြစ်သည်။ တရုတ်၏ လူမှုရေးအဖွဲ့များသည် စိတ်အေးအေး ထားရန်လိုသည်။ မြန်မာနိုင်ငံမြောက်ပိုင်း ကိစ္စနှင့် ပတ်သက်ပြီး သဘောထား မှတ်ချက်ပေးခြင်း၊ စွက်ဖက်ခြင်းများ ပေါ့ပေ့ါဆဆ မပြုလုပ်သင့်။ တရုတ်အစိုးရကို သံတမန်ရေး နည်းလမ်းဖြင့်သာ ဆောင်ရွက်သွားရန် နယ်ပယ်ပေးသင့်သည်။

မီဒီယာ တစ်ယောက်အနေနဲ့ မြန်မာနိုင်ငံ မြောက်ပိုင်း အခြေအနေကို ရှင်းပြသည်။ တရုတ် လူ့အဖွဲ့အစည်းများ အတွက် ထိုဒေသတွင် ဖြစ်ပွားသော ကိစ္စရပ်များ သိရှိစေရန် အကျိုးပြုပါသည်။

ပထမအချက်မှာ တရုတ်-မြန်မာ နှစ်နိုင်ငံ နယ်နိမိတ်မှာ ရှင်းလင်းစွာ သတ်မှတ်ပြီးသားဖြစ်ပြီး နယ်နိမိတ် ပြဿနာ မရှိပါ။ ၁၈၉၇ ခုနှစ်ကတည်းက ကိုးကန့်ဒေသသည် အင်္ဂလိပ် လက်အောက်ရှိ အိန္ဒိယတွင် ပါဝင်သည်။ (ထိုအချိန်က မြန်မာနိုင်ငံလည်း ထိုတစ်စိတ်တစ်ပိုင်း ဖြစ်သည်။) ဒါဟာ တရုတ်ပြည်သူ့သမ္မတနိုင်ငံတော် မတည်ထောင်ကတည်းကသာမက တရုတ်သမ္မတနိုင်ငံတော် မတည်ထောင် ကတည်းက ကိစ္စဖြစ်သည်။

ဒုတိယအချက်မှာ မြန်မာနိုင်ငံရှိ ကိုးကန့်လူမျိုးသည် မြန်မာတိုင်းရင်းသား လူမျိုးတစ်စု ဖြစ်သည်။ သူတို့သည် တရုတ်လူမျိုးများ၏ ဆွေမျိုးသာဖြစ်သည်။ တရုတ်ပြည်သူ့သမ္မတ နိုင်ငံသား မဟုတ်ပါ။

တတိယအချက်မှာ ကိုးကန့်ဒေသသည် Crimea မဟုတ်ပါ။ ထိုကဲ့သို့ ခိုင်းနှိုင်းချက်သည် အဖြစ်မှန်နှင့် လုံးဝမသက်ဆိုင်ပါ။ လူတစ်ချို့၏ ထင်ရာ မှန်းဆခြင်းသည် တရုတ်နိုင်ငံ လံုံးဝ လက်မခံသော ထူးခြားသော ရည်ရွယ်ချက်ရှိရှိ သဘောထားနေခြင်းပင်ဖြစ်သည်။

စတုတ္ထအချက်မှာ နယ်စပ်ဒေသ တည်ငြိမ် အေးချမ်းရေးသည် တရုတ်နိုင်ငံ အတွက် အကျိုး အများဆုံး ဖြစ်ထွန်းစေသည်။ မြန်မာနိုင်ငံ မြောက်ပိုင်းကိစ္စရပ် နှင့်ပတ်သက်၍ တရုတ်နိုင်ငံ လုပ်ဆောင်နိုင်သည်မှာ ငြိမ်းချမ်းရေးအတွက် တိုက်တွန်းခြင်း ဖြစ်ပြီး မြန်မာ့တပ်မတော်နှင့် တိုင်းရင်းသား လက်နက်ကိုင်များ ဆွေးနွေးခြင်းမှတစ်ဆင့် ပြဿနာကို ဖြေရှင်းရန် ဖျောင်းဖျသည်။ မြန်မာနယ်စပ် ပြည်သူများ အလုံးအရင်း တရုတ်နိုင်ငံတွင်းသို့ ဝင်ရောက်လာခြင်းသည် တရုတ် နယ်စပ်ဒေသ တည်ငြိမ်ရေးအတွက် အကျိူးမရှိပါ။ ဒါ့ကြောင့် တရုတ်နိုင်ငံ အနေဖြင့် ငြိမ်းချမ်းရေး အတွက် တိုက်တွန်းခြင်းသည် သဘာဝပင် ဖြစ်သည်။

ပဉ္စမအချက်မှာ တရုတ်နိုင်ငံသည် မြန်မာအစိုးရနှင့်သာမက လူမှုရေး အဖွဲ့အစည်း များနှင့်လည်း ကောင်းမွန်သော ဆက်ဆံရေး ရှိသည်။ ဒီလို ကောင်းမွန်သော ဆက်ဆံရေးကို ဆက်လက် ထိန်းသိမ်း သွားရမည် ဖြစ်ပါသည်။ တရုတ်နိုင်ငံသည် မည်သည့် အချိန်တွင် ဖြစ်စေ မြန်မာပြည်တွင်း ပဋိပက္ခများတွင် မပါဝင်သင့်ပါ။ တရုတ် ပြည်တွင်းသာမက မြန်မာပြည်တွင်း အဖွဲ့အစည်းများသည် ကိစ္စရပ်များကို တရုတ်သို့ မတွန်းပို့သင့်ပါ။ အကယ်၍ တွန်းပို့လျှင်တောင် ထိုအဖွဲ့အစည်းများ မျှော်လင့်သလို ဖြစ်လာမည် မဟုတ်ပါ။

မြန်မာနိုင်ငံ မြောက်ပိုင်း၏ သမိုင်းကြောင်းသည် အနည်းငယ် ရှုပ်ထွေးသည်။ သမိုင်းကြောင်း ပြဿနာကို သတ္တိသာမက ပညာသားပါပါ ဖြေရှင်းရန် လိုအပ်သည်။ လတ်တလော တိုက်ပွဲများမှာ ပြင်းထန်ပြီး တပ်မတော်နှင့် လက်နက်ကိုင်အဖွဲ့ နှစ်ဘက်စလုံး ဒဏ်ရာရ ကျဆုံးမှုများရှိပြီး တိုက်ပွဲ ဂယက်ကြောင့် ဒေသခံများ ဘဝနေထိုင်မှုကို ထိခိုက်လာသည်။

ယခုနှစ်သည် မြန်မာနိုင်ငံအထွေထွေ ရွေးကောက်ပွဲကျင်းပမည့်နှစ်ဖြစ်သည်။ ကျွန်တော်တို့သည် ရွေးကောက်ပွဲမှတစ်ဆင့် ပဋိပက္ခဖြစ်ပွားရာနှစ်ဖက်လုံးနားလည်မှုများရရှိစေရန် လွန်စွာမျှော်လင့်ပြီး ပဋိပက္ခကရွေးကောက်ပွဲကိုသက်ရောက်စေသည့် အခြေအနေကို မလိုလားပါ။

တရုတ်နိုင်ငံ၏မြန်မာနိုင်ငံအပေါ်ထားရှိသော မူဝါဒမှာ တည်ငြိမ်ပါသည်။ ကျွန်တော်တို့ဟာအဆိုပါ တည်ငြိမ်သောအခြေအနေကို ထိန်းသိမ်းရန် အစွမ်းလည်းရှိပါသည်။ မြန်မာနိုင်ငံ မြောက်ပိုင်း ကိစ္စနှင့် ပတ်သက်၍ တရုတ်ပြည်က သဘောထားကို ပြောင်းလဲပြီး ထင်ရာမှတ်ချက်ချက် ပေးခြင်းသည် မြန်မာ လူမှုအဖွဲ့အစည်းနှင့် မိမိတို့ ကိုယ်တိုင်အတွက် တလွဲ ဖြစ်စေပါသည်။ တရုတ်ကိုမူဝါဒ ပြောင်းလဲစေရန် လမ်းကြောင်း ပေးလိုသော ရည်ရွယ်ချက်က အကျိုး မထူးလာဘဲ အချိန်သာကုန်သွားလိမ့်မည်။

တရုတ် ပြည်တွင်း လူတစ်စုသည် အကြောင်း အမျိုးမျိုးကြောင့် ကိုးကန့်လူမျိုး များအပေါ် နားလည် စာနာ ကြသည်။ ဒီကိစ္စကို နားလည်ပေးလို့ ရပါသည်။ သို့သော် ဒီကိစ္စဟာ တရုတ်မှ မြန်မာပြည် အပေါ်ထားရှိသော မူဝါဒကို ပြောင်းလဲစေလောက်သော အကြောင်းရင်းမဟုတ်ပါ။ တရုတ်၏ မြန်မာအပေါ် သဘောထားမှာ နိုင်ငံတကာဥပဒေ နှင့် တရုတ်-မြန်မာ ကာလကြာ ချစ်ကြည်သော မိတ်ဖက် ဆက်ဆံရေး မူဘောင်တွင်သာ မူတည်သည့် အချက်မှာ ပြောင်းလဲ မည်မဟုတ်နိုင်ပါ။

မြန်မာနိုင်ငံ လူဦးရေမှာ သန်း (၅၀) ကျော်တွင် တိုင်းရင်းသားလူမျိုးစုပေါင်း (၁၃၄) မျိုးရှိပြီး လက်နက်ကိုင်အဖွဲ့ (၂၉) ဖွဲ့ရှိကာ လက်ရှိတွင် (၁၀)ဖွဲ့ကျော်သည် ငြိမ်းချမ်းရေး စာချုပ် ချုပ်ဆို ထားသည်။

မြန်မာအစိုးရက လူမျိုးစု ပြဿနာကို အမြစ်ပြတ် ဖြေရှင်းနိုင်ရန်မှာ လွန်စွာ ခက်ခဲလှသည်။ တပ်မတော် အပါအဝင် အားလုံး အပစ်ရပ်ကာမှ ဆွေးနွေးမှု လုပ်ဆောင်နိုင်မည်။ ကျွန်တော်တို့သည် မြန်မာနိုင်ငံ ကောင်းမွန်သော ကံကြမ္မာကို ပိုင်ဆိုင်၍ ကိုးကန့် အပါအဝင် တိုင်းရင်းသားလူမျိုးစု အားလုံး ငြိမ်းချမ်းပြီး ဖွံ့ဖြိုး တိုးတက်သော အခွင့်အလမ်းများရရှိ ပါစေလို့ ဆုမွန်ကောင်း တောင်းလိုက် ပါသည်။ (Xinhua)