ပါလက်စတိုင်းသမ္မတ ကျန်းမားရေးစစ်ဆေးမှုများပြုလုပ်ပြီးနောက် ဆေးရုံမှပြန်ဆင်းလာ

ရာမာလာ၊ အောက်တိုဘာ ၇ ရက် (ဆင်ဟွာ)

ပါလက်စတိုင်းသမ္မတ Mahmoud Abbas သည် ၎င်း၏ရုံးခန်းအတွင်း မူးလဲသွားသဖြင့် အနောက်ဖက်ခြမ်း ဒေသ၊ ရာမာလာ မြို့ရှိ ဆေးရုံတစ်ခုသို့ အလျင်အမြန်ပို့ဆောင်ပေးခဲ့ပြီး ယခုအခါတွင် ဆေးရုံမှပြန်လည် ဆင်းလာပြီဖြစ်ကြောင်း သိရသည်။

ပါလက်စတိုင်းနိုင်ငံပိုင် သတင်းဋ္ဌာန WAFA က ဆေးရုံ၌ သမ္မတ Abbas သည် ကျန်းမာရေးဆေးစစ်မှုများ ပြုလုပ်ကာ နာရီပေါင်းများစွာ အနားယူပြီးနောက် ဆေးရုံမှ ပြန်လည်ဆင်းလာခဲ့ကြောင်း ဖော်ပြခဲ့သည်။

ပါလက်စတိုင်းနိုင်ငံ သမ္မတပြောရေးဆိုခွင့်ရှိသူ Nabil Abu Rudeinah က သမ္မတ Abbas အား ၎င်း၏ ကိုယ်ရေးဆရာဝန် က ရုံးခန်းအတွင်း ကျန်းမာရေးအခြေအနေစစ်ဆေးပြီးနောက် ရာမာလာ မြို့ရှိ Arab Istishari ဆေးရုံသို့ အောက်တိုဘာ ၆ရက် နံနက်ပိုင်းက ကျန်းမာရေးဆေးစစ်မှုများပြုလုပ်ရန် ပို့ဆောင်ပေးခဲ့ကြောင်း ပြောကြားခဲ့သည်။

အသက် ၈၁နှစ်ရှိပြီဖြစ်သော Abbas သည် ၂၀၀၅ခုနှစ် ပါလက်စတိုင်းတွင်ကျင်းပခဲ့သည့် သမ္မတရွေးကောက်ပွဲ၌ သမ္မတဟောင်း Yasser Arafat ကို အနိုင်ရရှိကာ သမ္မတဖြစ်လာကြောင်း သိရသည်။ (Xinhua)