ဗီယက်နမ်မြောက်ပိုင်းတွင် အစာအဆိပ်သင့်မှုကြောင့် လူ ၆ ဦးသေဆုံး၊ ၁၀ ဦး ဆေးရုံတင်ရ

ဟနွိုင်း၊ ဖေဖော်ဝါရီ ၁၄ ရက် (ဆင်ဟွာ)

ဗီယက်နမ်နိုင်ငံ မြောက်ပိုင်း lai Chau ပြည်နယ်တွင် အစာအဆိပ်သင့်သည်ဟု ယူဆရသော လူ ၆ ဦး သေဆုံးကာ အခြားလူ ၁၀ ဦးကျော်အား ဆေးရုံတင်ထားရကြောင်း ဒေသခံ အာဏာပိုင်များက ဖေဖော်ဝါရီလ ၁၄ ရက်က ပြောကြားခဲ့သည်။

lai Chau ပြည်နယ် Phong Tho ခရိုင်ရှိ ma Ly Chai မြို့နယ်တွင် နာရေး တစ်ခုသို့ သွားရောက်ကာ အစားအစာများ စားသုံးပြီးနောက် လူ ၆ ဦးသေဆုံးပြီး ၁၀ ဦးကို ဆေးရုံတင်ထားရကြောင်း lai Chau ပြည်နယ် ပြည်သူ့ ကော်မတီမှ ကနဦး သတင်းအချက်အလက်များအရ သိရသည်။

lai Chau ပြည်နယ် ဆေးရုံ အရေးပေါ်ဋ္ဌာန၏ လက်ထောက် အကြီးအကဲ Ha Trung Dung က ဖေဖော်ဝါရီလ ၁၃ ရက်က လူနာ ၃ ဦးမှာ အရေးပေါ်ဋ္ဌာနသို့ ရောက်ရှိလာခဲ့ကြောင်း၊ အဆိုပါ ၃ ဦးအနက် နှစ်ဦးမှာ အခြေအနေ ကောင်းမွန်နေပြီ ဖြစ်သော်လည်း တစ်ဦးမှာမူ စိုးရိမ်ဖွယ် အခြေအနေရှိနေသေးကြောင်း ပြောကြားခဲ့သည်။

ယင်းသို့ ဖြစ်ပွားရခြင်း အကြောင်းရင်းအား စုံစမ်းနေဆဲ ဖြစ်ကြောင်းနှင့် ယခု အစာအဆိပ်သင့်မှု ဖြစ်ပွားသူများမှာ Ha Nhi မျိုးနွယ်စုဝင်များ ဖြစ်ကြောင်း VNA သတင်းဋ္ဌာနက ဖော်ပြထားသည်။ (Xihhua)