ကွယ်လွန်ပြီး ထိုင်းဘုရင် ရုပ်ကလာပ်အား ဂါရဝပြုရန် စင်ကာပူသမ္မတ ထိုင်းနိုင်ငံသို့ သွားမည်

စင်ကာပူ၊ အောက်တိုဘာ ၂၄ ရက် (ဆင်ဟွာ)

စင်ကာပူသမ္မတ တိုနီတန် ကန်ယမ် သည် ထိုင်းနိုင်ငံ တော်ဝင်နန်းတော်တွင် ပူဇော်ထားသော ကံတော်ကုန်ခဲ့သည့် ထိုင်းဘုရင် ဘူမိဘောလ် အဒူလျာဒတ်၏ ရုပ်ကလာပ်အား ဂါရဝပြုရန် ဘန်ကောက်မြို့သို့ အောက်တိုဘာ ၂၄ရက်တွင် သွားရောက်မည်ဖြစ်ကြောင်း စင်ကာပူနိုင်ငံ နိုင်ငံခြားရေးဝန်ကြီးဋ္ဌာန (MFA) က အောက်တိုဘာ ၂၃ရက်တွင် ထုတ်ပြန်ခဲ့သည်။

ဝန်ကြီးဋ္ဌာနက ခရီးစဉ်အတွင်း တန် နှင့်အတူ ဇနီးဖြစ်သူ မယ်ရီတန် နှင့် နိုင်ငံခြားရေးဝန်ကြီးဋ္ဌာန (MFA)မှ တာဝန်ရှိသူများ လိုက်ပါသွားမည်ဖြစ်ပြီး သမ္မတ ဘန်ကောက်သို့ရောက်ရှိနေစဉ်အတွင်း သမ္မတ အကြံပေးကောင်စီ ဥက္ကဋ္ဌ J Y Pillay က သမ္မတရုံးတာဝန်များအား ယာယီထမ်းဆောင်သွားမည်ဖြစ်ကြောင်း ပြောကြားခဲ့သည်။

သက်တော် ၈၈နှစ်ရှိပြီဖြစ်သော ထိုင်းဘုရင် ဘူမိဘောလ်သည် အောက်တိုဘာ ၁၃ ရက်တွင် ကံတော်ကုန်ခဲ့ကြောင်း သိရသည်။ (Xinhua)