တရုတ် နိုင်ငံ ၏ ကပ်ရောဂါ တိုက်ဖျက်မှု အပေါ် ဆက်လက်၍ တက်ကြွစွာ ထောက်ခံအားပေး သွားမည် ဖြစ်ကြောင်း တောင်ကိုရီးယား သမ္မတ ပြောကြား

ဆိုးလ် ၊ ဖေဖော်ဝါရီ ၈ ရက် (ဆင်ဟွာ)

တောင်ကိုရီးယား နိုင်ငံ သမ္မတ မွန်ဂျေအင်း က တောင်ကိုရီးယား နှင့် တရုတ် နိုင်ငံ တို့ က အိမ်နီးချင်း နိုင်ငံများ ဖြစ်ကြပြီး အိမ်နီးချင်း နိုင်ငံ အား ကူညီခြင်း သည် မိမိ နိုင်ငံ အတွက်လည်း အထောက်အကူ ဖြစ်စေသည့် အတွက် တောင်ကိုရီးယား နိုင်ငံ အစိုးရ အနေဖြင့် တရုတ် နိုင်ငံ ၏ ကပ်ရောဂါ တိုက်ဖျက်မှု အပေါ် ဆက်လက်၍ တက်ကြွစွာ ထောက်ခံအားပေး သွားမည် ဖြစ်ကြောင်း ဖေဖော်ဝါရီ ၇ ရက် ၌ ပြောကြား ခဲ့သည်။

တောင်ကိုရီးယား နိုင်ငံ သမ္မတ က သမ္မတ အိမ်တော် တွင် တောင်ကိုရီးယား နိုင်ငံ ဆိုင်ရာ တရုတ် နိုင်ငံ သံအမတ်ကြီးသစ် ရှင်းဟိုင်မင် (Xing Haiming) ၏ သံအမတ် ခံအပ်လွှာ အား ပေးအပ်စဉ် အတွင်း အထက်ပါ အကြောင်းအရာ အား ပြောကြား ခဲ့ခြင်း ဖြစ်သည်။ မွန်ဂျေအင်း က တရုတ် နိုင်ငံ ပြည်သူလူထု တို့ ၏ ကိုရိုနာ ဗိုင်းရပ်စ် ကပ်ရောဂါ ရင်ဆိုင်နေရခြင်း အပေါ် ဝမ်းနည်းမိကြောင်း နှင့် ဝေဒနာရှင် များ အား အမြန်ဆုံး ပြန်လည် ကျန်းမာစေလိုကြောင်း ၊ တရုတ် နိုင်ငံ သမ္မတ ရှီကျင့်ဖိန် ၏ ဦးဆောင်မှု အောက် တွင် တရုတ် နိုင်ငံ ပြည်သူလူထု တို့ က အခက်အခဲ များကို အမြန်ဆုံးဖြေရှင်းနိုင်မည် ဖြစ်ပြီး ပိုမို ဖွံ့ဖြိုးတိုးတက်မှု အား အကောင်အထည် ဖော်နိုင်မည် ကို ယုံကြည်ကြောင်း ၊ တောင်ကိုရီးယား-တရုတ် နှစ်နိုင်ငံ ကဏ္ဍစုံ ဖလှယ်မှု နှင့် ပူးပေါင်းဆောင်ရွက်မှု သည်လည်း ပိုမို တက်ကြွစွာ ဆောင်ရွက်နိုင်မည် ကို ယုံကြည်ကြောင်း ပြောကြား ခဲ့သည်။

တောင်ကိုရီးယား နိုင်ငံ ဆိုင်ရာ တရုတ် နိုင်ငံ သံအမတ်ကြီး ရှင်းဟိုင်မင် က ကိုရိုနာ ဗိုင်းရပ်စ် ကာကွယ်ထိန်းချုပ်ရေး လုပ်ငန်း သည် လက်ရှိချိန်တွင် အဓိက ကျသည့် အချိန်ကာလ သို့ ရောက်ရှိနေပြီး တရုတ် နိုင်ငံ အနေဖြင့် ဘက်စုံ အတင်းကျပ်ဆုံးသော ကာကွယ်ထိန်းချုပ်ရေး ဆောင်ရွက်မှုများ ပြုလုပ်ထားကြောင်း ၊ လက်ရှိချိန်တွင် သိသာထင်ရှားသည့် အောင်မြင်မှုများ ရရှိထားပြီး တောင်ကိုရီးယား နိုင်ငံ အစိုးရ နှင့် ကဏ္ဍအသီးသီး ရှိ လူပုဂ္ဂိုလ် တို့ မှ တရုတ် နိုင်ငံ အပေါ် တက်ကြွစွာ ထောက်ခံအားပေး ခဲ့သည့် အတွက် ကျေးဇူးတင်ကြောင်း ပြောကြား ခဲ့သည်။  (Xinhua)