အိန္ဒိယနိုင်ငံ အနောက်ပိုင်း ဂိုအာပြည်နယ်တွင် အများပြည်သူနေရာများ၌ အရက်သောက်ခွင့်ပိတ်ပင်မည်

နယူးဒေလီ၊ စက်တင်ဘာ ၁၈ ရက် (ဆင်ဟွာ)

အိန္ဒိယနိုင်ငံ အနောက်ပိုင်း ဂိုအာပြည်နယ် အစိုးရအဖွဲ့က အများပြည်သူဆိုင်ရာနေရာများ၌ အရက်သောက်သုံးခွင့်အား အောက်တိုဘာလတွင် စတင်ပိတ်ပင်သွားရန် ဆုံးဖြတ်ခဲ့ကြောင်း သိရသည်။

လှပသော ကမ်းခြေများကြောင့် ကမ္ဘာလှည့်ခရီးသွား အများအပြားလာရောက်လည်ပတ်သော ဂိုအားပြည်နယ်သည် အများပြည်သူဆိုင်ရာနေရာများတွင် အရက်သောက်သုံးခွင့်ပြုထားသော ပြည်နယ်အနည်းငယ်အနက် တစ်ခုအပါအဝင်ဖြစ်ကြောင်း သိရသည်။ပြည်နယ်အကြီးအကဲ Manohar Parrikar က အရက်သောက်သုံးသူများကြောင့် ဖြစ်ပေါ်လာသော အနှောင့်အယှက်ဖြစ်မှုများကို ထိန်းချုပ်ရန် အများပြည်သူဆိုင်ရာနေရာများ၌ အရက်သောက်သုံးခြင်းကို တားမြစ်သည့်ဥပဒေ ချမှတ်ခဲ့ခြင်းဖြစ်ကြောင်း စက်တင်ဘာ ၁၇ ရက်ကပြောကြားခဲ့သည်။

၎င်းက အရက်သောက်သုံးချင်ပါက အများပြည်သူဆိုင်ရာနေရာများတွင်သောက်သုံးခြင်းမပြုသင့်ဘဲ နေအိမ် (သို့) ဆိုင်အတွင်းသာ သောက်သုံးသင့်ကြောင်း ပြည်နယ်မြို့တော် Panajaiမြို့၌ပြောကြားခဲ့သည်။၎င်းက အများပြည်သူဆိုင်ရာနေရာများ တွင် အရက်သောက်သုံးခြင်းအား တားမြစ်မှုကို သတိပေးချက်နှိုးဆော်ချက် ထုတ်ပြန်ရန်လိုအပ်နေပြီး လက်ရှိ ဥပဒေကို ပြန်လည်ပြင်ဆင်ရန်အတွက် ယင်းသတိပေးနှိုးဆော်ချက် ကို အောက်တိုဘာလကုန်တွင် ထုတ်ပြန်သွားမည်ဖြစ်ကြောင်း ပြောကြားခဲ့သည်။ဂိုအာပြည်နယ်ရှိ ကမ်းခြေများအပါအဝင် အချို့သော အများပြည်သူဆိုင်ရာနေရာများတွင် အရက်သောက်သုံးခြင်းကို တားမြစ်ထားပြီးဖြစ်ကြောင်း သိရသည်။ (Xinhua)