မင့်စ်သဘောတူညီချက်၊ ဆီးရီးယားအရေးကိစ္စများ နှင့်ပတ်သက်၍ ဟော်လန်ဒီ၊ မာကယ် နှင့် ပူတင်တို့ ဖုန်းဖြင့်ဆွေးနွေး

ပါရီ၊ ဇန်နဝါရီ ၁၉ ရက် (ဆင်ဟွာ)

ပြင်သစ်နိုင်ငံ၊ ဂျာမနီနိုင်ငံ နှင့် ရုရှားနိုင်ငံ ခေါင်းဆောင်များသည် အက်စတာနာမြို့တွင် ပြုလုပ်မည့် ဆီးရီးယားနိုင်ငံတွင်းပဋိပက္ခဆွေးနွေးပွဲများ အကြောင်းများအပြင် ယူကရိန်းအရှေ့ပိုင်း အခြေအနေ၊ မင့်စ်သဘောတူညီချက် ပြီးမြောက်အောင်ဆောင်ရွက်ခြင်းအတွက် တယ်လီဖုန်းဖြင့် ဇန်နဝါရီ ၁၈ရက်က ပြောဆိုဆွေးနွေးခဲ့ကြောင်း ပြင်သစ်သမ္မတရုံးက ထုတ်ပြန်ခဲ့သည်။

ပြင်သစ်နိုင်ငံ သမ္မတ ဖရန်ဆွာ ဟော်လန်ဒီ က ယူကရိန်းပဋိပက္ခ ငြိမ်းချမ်းစွာ ပြီးဆုံးခြင်းအတွက် တစ်ခုသော နည်းလမ်းဖြစ်သည့် မင့်စ်သဘောတူညီချက်အား ပြီးမြောက်အောင်အကောင်အထည်ဖော်ရေး တောင်းဆိုခဲ့သည်။

ဟော်လန်ဒီက ရုရှားနိုင်ငံ နှင့် ယူကရိန်းနိုင်ငံတို့သည် အကျဉ်းသားများလွှတ်ပေးခြင်း နှင့် ရေထောက်ပံ့မှု ပြန်လည်လုပ်ဆောင်ခြင်းတို့အပါအဝင် လူသားချင်းစာနာထောက်ထားမှု လုပ်ဆောင်ချက်များနှင့် ကိုက်ညီစေမည့် လိုအပ်သော အားထုတ်မှုများ မဖြစ်မနေ ဆောင်ရွက်ရမည်ဖြစ်ကြောင်း တိုက်တွန်းပြောဆိုခဲ့သည်။

ဆီးရီးယားနိုင်ငံရေးရာ ငြိမ်းချမ်းရေး ဆွေးနွေးမှု၌ ဟော်လန်ဒီ က အတိုက်အခံများ၏ ကိုယ်စားပြုတင်ပြမှုတစ်ခု ပြုလုပ်ရန် တောင်းဆိုခဲ့ပြီး ၂၀၁၆ခုနှစ် ဒီဇင်ဘာလကုန်တွင် ပြုလုပ်ခဲ့သည့် အပစ်အခတ်ရပ်စဲရေး သဘောတူညီချက်အား လေးစားရန်လည်းပြောဆိုခဲ့သည်။ (Xinhua)