အမေရိကန်၌ နှစ်သစ်ကူးညတွင် ဆယ်ကျော်သက်တစ်ဦးက တစ်မိသားစုလုံးကို သေနတ်ဖြင့်ပစ်သတ်

ဝါရှင်တန်၊ ဇန်နဝါရီ ၂ရက် (ဆင်ဟွာ)

အမေရိကန်နိုင်ငံ အရှေ့မြောက်ပိုင်း နယူးဂျာစီပြည်နယ် ရှိ နေအိမ်တစ်လုံး၌် ၂၀၁၈ခုနှစ်သို့ ရောက်ရှိရန် ၁၅မိနစ်အလို နှစ်ကူးညတွင် သေနတ်ပစ်ခတ်မှုဖြစ်ပွားခဲ့ပြီး လူ၄ဦးသေဆုံးကာ ၁၆နှစ်အရွယ် ယောကျ်ားလေးတစ်ဦးကို ဖမ်းဆီးထားခဲ့ကြောင်း သိရသည်။

သေဆုံးသူများတွင် သေနတ်ပစ်ခတ်သူ ဆယ်ကျော်သက်၏ မိဘနှစ်ဦး နှင့် ၁၈နှစ်အရွယ် အမတစ်ဦး ပါဝင်ကြောင်း မန်းမောက်စီရင်စု ရှေ့နေရုံး က ဇန်နဝါရီ ၁ရက်တွင် သတင်းထုတ်ပြန်ခဲ့သည်။

လေးဦးမြောက်သေဆုံးသူသည် အဆိုပါမိသားစု နှင့်အတူနေထိုင်သည့် အသက် ၇၀နှစ်အရွယ် အဘိုးအိုတစ်ဦးဖြစ်ကြောင်း သိရသည်။

ပစ်ခတ်မှုဖြစ်ပွားချိန်တွင် ယင်းအိမ်အတွင်း၌ တစ်ဦးတစ်ယောက် ရှိ၊မရှိ ကို ရှင်းလင်းစွာ သိရှိခြင်းမရှိသေးပဲ အဆိုပါဖြစ်စဉ်ကို စုံစမ်းစစ်ဆေးလျက်ရှိကြောင်း သိရသည်။ (Xinhua)