ရန်ကုန်၊ ဧပြီ ၂၂ ရက် (ဆင်ဟွာ) ပဲခူးတိုင်းဒေသကြီး၊ ကျောက်တံခါးမြို့နယ်၊ ရန်ကုန်-မန္တလေးအမြန်လမ်းမကြီး၊ မိုင်တိုင်အမှတ်(၁၀၃/၅)နှင့် (၁၀၃/၆)အကြားတွင် ဧပြီ ၂၁ရက်နေ့က ယာဉ်တိမ်းမှောက်မှုကြောင့် ၂ဦးသေဆုံးပြီး ၇ ဦးဒဏ်ရာရရှိခဲ့ကြောင်း မြန်မာနိုင်ငံ မီးသတ်ဦးစီးဌာနက ထုတ်ပြန်သော သတင်းအရ သိရသည်။
ဆန်ဒီယာဂို ၊ ဧပြီ ၂၂ ရက်(ဆင်ဟွာ) ချီလီနိုင်ငံ အလယ်ပိုင်း Bio Bioဒေသ Concepcionမြို့ရှိ ဆေးရုံတစ်ခုတွင် ဧပြီလ ၂၁ ရက်က ဓာတ်ငွေ့ ယိုစိမ့်မှုကြောင့် ပေါက်ကွဲမှုတစ်ခုဖြစ်ပွားခဲ့ရာ လူ ၃ ဦး သေဆုံးပြီး ၄၆ ဦး ဒဏ်ရာရရှိခဲ့ကြောင်း သိရှိရသည်။
ရန်ကုန်၊ ဧပြီ ၂၂ ရက် (ဆင်ဟွာ) မြန်မာ- ဗီယက်နမ် နှစ်နိုင်ငံ၂ဝ၂ဝ ပြည့်နှစ်တွင် နှစ်ဖက်ကုန်သွယ်မှု ဒေါ်လာသန်း ၁ဝဝဝ ကျော်လွန် သည်အထိ တိုးမြှင့်သွားရန် သဘောတူခဲ့ကြောင်း နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ ဗီယက်နမ်ဆိုရှယ်လစ်သမ္မတနိုင်ငံသို့ သွားရောက် ခဲ့သည့် တရားဝင်ချစ်ကြည်ရေးခရီးစဉ်နှင့်ပတ်သက်သည့် သတင်း ထုတ်ပြန်ချက်တွင် ဖော်ပြထားသည်။
နယူးယောက်၊ ဧပြီ ၂၂ ရက် (ဆင်ဟွာ) အနောက် အိန္ဒိယ-အန္တာတိတ် စက်ဝန်းတွင် ရစ်ချ်တာစကေး ၅.၈ပမာဏရှိ ငလျင်တစ်ခု လှုပ်ခတ်သွားခဲ့ကြောင်း အမေရိကန် ဘူမိဗေဒတိုင်းတာရေး (USGS) က ဧပြီ ၂၁ ရက်တွင်ပြောကြားခဲ့သည်။
