ရန်ကုန်၊ ဇူလိုင် ၂၇ ရက် (ဆင်ဟွာ) မန္တလေးတိုင်းဒေသကြီးရဲတပ်ဖွဲ့ကွပ်ကဲမှုဗဟိုဌာနသို့ ပြည်သူလူထုက အချိန်နှင့်တစ်ပြေးညီ သတင်းပေးပို့နိုင်သည့် မန္တလေးခရိုင်ပြင်ပမြို့နယ်များမှ ခေါ်ဆိုသည့်Hot Line (အရေးပေါ်) ဖုန်းနံပါတ်ကို ဝ၂-၄ဝ၂၇၁၉၉ သို့ စက်တင်ဘာ ၁ ရက်မှ စတင်ပြောင်းလဲအသုံးပြုမည်ဖြစ်ကြောင်း ပြန်ကြားရေးဝန်ကြီးဌာန ၏ သတင်းထုတ်ပြန်ချက်အရ သိရသည်။
လော့စ်အိန်ဂျလိစ်၊ ဇူလိုင် ၂၇ ရက် (ဆင်ဟွာ) အမေရိကန်နိုင်ငံ Utah ပြည်နယ်ရှိ အဝေးပြေးလမ်းမပေါ်သို့ ဇူလိုင်လ ၂၆ ရက်က လေယာဉ်ငယ် တစ်စင်း ပျက်ကျခဲ့ရာ လေယာဉ်ပေါ် လိုက်ပါလာသည့် လူ လေးဦး သေဆုံးခဲ့ကြောင်း ဒေသဆိုင်ရာ ရုပ်မြင်သံကြား သတင်း၌ ဖော်ပြထားသည်။
ရန်ကုန်၊ ဇူလိုင် ၂၇ ရက် (ဆင်ဟွာ) ရှမ်းပြည်နယ်(တောင်ပိုင်း)၊ ဟိုပုံးမြို့နယ် အတွင်း မိုင်းပျဉ်းကျေးရွာ၏အရှေ့မြောက်ဘက် မီတာ ၁၉၀၀ အကွာ၌ တရားမဝင်အင်သစ်လုံး ၂၄၀၀ လုံး(ခန့်မှန်း၄၈၀ တန်ခန့်)အား ပိုင်ရှင်မဲ့သိမ်းဆည်းရမိခဲ့ကြောင်း ပြန်ကြားရေးဝန်ကြီးဌာနက ထုတ်ပြန်သော သတင်းအရ သိရသည်။
ရန်ကုန် ၊ ဇူလိုင် ၂၇ ရက်(ဆင်ဟွာ) တာချီလိတ်မြို့နယ်၊ ဝမ်လုံးအုပ်စု၊ လွယ်စီတုန်ကျေးရွာအဝင် ပြည်သူ့စစ်ဂိတ်တွင် ငွေကျပ်သိန်းပေါင်း ၃၇၈၀ သိန်း တန်ဘိုးရှိ စိတ်ကြွရူးသွပ်ဆေးပြားများ ဖမ်းဆီး ရမိခဲ့ကြောင်း မြန်မာနိုင်ငံ ရဲတပ်ဖွဲ့၏ သတင်း ထုတ်ပြန်မှု အရ သိရသည်။
ရန်ကုန်၊ ဇူလိုင် ၂၇ ရက် (ဆင်ဟွာ) မန္တလေးတိုင်းဒေသကြီး မန္တလေး တောင်တော်အရှေ့ဘက်ရှိ ပုသိမ်ကြီးမြို့နယ် မဲကင်းကုန်းကျေးရွာအနီးတွင် အောင်မြေမန္တလာ နိုင်ငံဝန်ထမ်းအိမ်ရာနှင့် အငှားအိမ်ရာစီမံကိန်းကို တည်ဆောက်မည်ဖြစ်ကြောင်း ပြန်ကြားရေးဝန်ကြီးဌာနက ထုတ်ပြန်သော သတင်းအရ သိရသည်။
