ဖနွမ်းပင် ၊ စက်တင်ဘာ ၇ ရက်(ဆင်ဟွာ) ကမ္ဘောဒီးယားနိုင်ငံ အနောက်မြောက်ပိုင်း Siem Reap ပြည်နယ်ရှိ Siem Reap မြို့၌ သဘာဝပတ်ဝန်းကျင်ထိန်းသိမ်းရေး အစီအစဉ်တစ်ရပ်အနေဖြင့် ဆေးလိပ်မသောက်သုံးရေး လှုပ်ရှားမှု ကို စက်တင်ဘာလ ၆ ရက်ကပြုလုပ်ခဲ့ကြောင်း ကျန်းမာရေးဝန်ကြီးဌာန ထုတ်ပြန်ချက်အရ သိရသည်။
ရီယို ဒီ ဂျနေရို၊ စက်တင်ဘာ ၇ ရက် (ဆင်ဟွာ) ရီယို မသန်စွမ်းအိုလံပစ် အားကစားပွဲများအား အိုလံပစ်ပြိုင်ပွဲများကဲ့သို့ပင် စိတ်ဝင်စားမှု ရှိကြသည့်အတွက် လက်မှတ်ရောင်းချမှုသည် အစောင်ရေ ၁.၆သန်းအထိရှိလာပြီဖြစ်ကြောင်း ပွဲစီစဉ်သူများကပြောကြားခဲ့သည်။
ဂျာကာတာ၊ စက်တင်ဘာ ၇ ရက်(ဆင်ဟွာ) အင်ဒိုနီးရှားနိုင်ငံ အနောက်ပိုင်း ရှိ အနောက်ဂျာဗားပြည်နယ်တွင် စက်တင်ဘာ ၇ ရက်က မြေပြိုမှုဖြစ်ပွားခဲ့ရာ လူတစ်ဦးသေဆုံးပြီး အခြားသုံးဦး ဒဏ်ရာရရှိခဲ့ကြောင်း သဘာဝဘေးအန္တရာယ် အေဂျင်စီရုံး တာဝန်ရှိသူတစ်ဦးက ပြောကြားခဲ့သည်။
လန်ဒန် ၊ စက်တင်ဘာ ၇ ရက် (ဆင်ဟွာ) တရုတ်နိုင်ငံ၏ အဓိကဖွံ့ဖြိုးရေးကုမ္ပဏီတစ်ခုသည် အင်္ဂလန်နိုင်ငံ ဒုတိယအကြီးဆုံးမြို့ဖြစ်သော ဘာမင်ဟမ်မြို့တွင် အမေရိကန်ဒေါ်လာ ၂.၇ ဘီလီယံ တန်ဖိုး ရင်းနှီးမြှုပ်နှံမှုပြုလုပ်ရန် စက်တင်ဘာလ ၆ ရက်က သဘောတူလက်မှတ်ရေးထိုးခဲ့ကြောင်း သိရသည်။
ဗီယန်ကျင်း ၊ စက်တင်ဘာ ၇ ရက် (ဆင်ဟွာ) တရုတ်နိုင်ငံဝန်ကြီးချုပ် လီခဲ့ချန်သည် အရှေ့အာရှထိပ်သီးအစည်းအဝေး တက်ရောက်ရန် လာအိုနိုင်ငံ ဗီယန်ကျင်းမြို့သို့စက်တင်ဘာလ ၆ ရက်က ရောက်ရှိလာကြောင်း သိရသည်။
