ဂျီနီဗာ ၊ နိုဝင်ဘာ ၂ ရက်(ဆင်ဟွာ) ၂ဝ၁၆ ခုနှစ်အတွင်း မြေထဲပင်လယ်ထဲ၌ သေဆုံးခဲ့ရသည့် ရွှေ့ပြောင်းနေထိုင်သူဦးရေမှာ ၃,၉၄ဝ ဦးထိ ရှိလာပြီဖြစ်ကြောင်း IOM ခေါ်နိုင်ငံတကာရွှေ့ပြောင်းလုပ်သားများအဖွဲ့က နိုဝင်ဘာလ ၁ ရက်တွင် အစီရင်ခံစာထုတ်ပြန်ခဲ့သည်။
အစ္စလာမ်မာဘတ်၊ နိုဝင်ဘာ ၂ရက် (ဆင်ဟွာ) ပါကစ္စတန်နိုင်ငံ အနောက်တောင်ဘက် Balochistan ပြည်နယ် ရှိ သင်္ဘောကျင်းတစ်ခု ၌ နိုဝင်ဘာ ၁ရက်က ပေါက်ကွဲမှုတစ်ခုဖြစ်ပွားခဲ့ရာ သင်္ဘောတစ်စီးအား ဖျက်စီးနေသည့် အလုပ်သမား ၁၄ဦးထက်မနည်း သေဆုံးခဲ့ပြီး ၅၉ဦး ဒဏ်ရာရရှိခဲ့ကြောင်း တာဝန်ရှိသူများကပြောကြားခဲ့သည်။
ပေကျင်း၊ နိုဝင်ဘာ ၂ ရက် (ဆင်ဟွာ) တရုတ်ဝန်ကြီးချုပ် လီခဲ့ချန်သည် အာရှဥရောပ လေးနိုင်ငံသို့ သွားရောက်၍ နိုင်ငံတကာ အစည်းအဝေးပွဲများ တက်ရောက်ရန် နိုဝင်ဘာ ၂ရက် နံနက်ပိုင်းတွင် ပေကျင်းမှ ထွက်ခွာလာခဲ့ကြောင်း သိရသည်။
ရန်ကုန်၊ နိုဝင်ဘာ ၂ ရက် (ဆင်ဟွာ) ၂၀၁၅-၁၆ ဘဏ္ဍာနှစ်ဧပြီလ ၁ ရက်မှ အောက်တိုဘာလ ၂၁ ရက် အထိ ပြည်ပနိုင်ငံများသို့ ဆန်တင်ပို့မှုမှာ တန်ချိန် ၅၃၀၀၉၃ ဒသမ ၂၃၃ တင်ပို့နိုင်ခဲ့ပြီးဖြစ်ကြောင်း စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနက သတင်းထုတ်ပြန်လိုက်သည်။
အန်ကာရာ ၊ နိုဝင်ဘာ ၂ ရက်(ဆင်ဟွာ) တူရကီနိုင်ငံစစ်တပ်သည် ၎င်းတို့၏ တင့်ကားများ နှင့် အခြား စစ်လက်နက်တင်ဆောင်ထားသည့်မော်တော်ယာဉ်များကို အီရတ်နိုင်ငံနှင့်နယ်နိမိတ်ချင်းထိစပ်နေသော တူရကီနိုင်ငံအရှေ့တောင်ပိုင်း Sirnak ပြည်နယ်သို့နိုဝင်ဘာလ ၁ ရက်က ပို့ဆောင်ခဲ့ကြောင်း နိုင်ငံပိုင် Anadolu သတင်းဌာနက သတင်း ဖော်ပြခဲ့သည်။
