ဂျီနီဗာ ၊ မေ ၁၂ ရက်(ဆင်ဟွာ)

ကမ္ဘာအနှံ့တွင် အများအပြားအသုံးပြုနေသော တရုတ်နိုင်ငံ၏ Sinopharm COVID-19 ကာကွယ်ဆေးအား ဘေးကင်းမှု နှင့် ထိရောက်မှု နှစ်ခုလုံးအား ထည့်သွင်းစဉ်းစားခဲ့ခြင်း ဖြစ်ကြောင်း ကမ္ဘာ့ကျန်းမာရေးအဖွဲ့(WHO)၏ ကျန်းမာရေးထုတ်ကုန်များ လက်လှမ်းမီရေးဆိုင်ရာ လက်ထောက်ညွှန်ကြားရေးမှူးချုပ် Mariangela Simao ထံမှ သိရသည်။

ပေကျင်း၊ မေ ၁၂ ရက်(ဆင်ဟွာ)

အိန္ဒိယနိုင်ငံ၏ ကပ်ရောဂါအခြေအနေဆိုးဝါးလာခြင်းသည် ၎င်းနိုင်ငံ၏စီးပွားရေးပြန်လည် နိုးထမှုကို နှောင့်နှေးစေရုံသာမက တစ်ကမ္ဘာလုံးရှိ လုပ်ငန်းစုံ၏ ထောက်ပို့ရေးကဏ္ဍကို သက်ရောက်မှုရှိစေမည်ဖြစ်သည်။

ဗီယင်ကျန်း ၊ မေ ၁၂ ရက် (ဆင်ဟွာ)

တရုတ်နိုင်ငံအစိုးရ က လာအိုနိုင်ငံ COVID-19 ကပ်ရောဂါတိုက်ဖျက်ရေးအတွက် အရေးပေါ်ထောက်ပံ့ရေးပစ္စည်းများကို မေ ၁၀ ရက်တွင် အထူးလေယာဉ်ဖြင့် လာအိုနိုင်ငံ ဗီယင်ကျန်းမြို့ရှိ Wattay အပြည်ပြည်ဆိုင်ရာလေဆိပ်သို့ ပို့ဆောင်ပေးခဲ့ပြီး လာအိုနိုင်ငံဆိုင်ရာ တရုတ်နိုင်ငံ သံအမတ်ကြီး ကျန်းကျိုက်တုန်း က လာအိုပြည်သူ့တော်လှန်ရေးပါတီ ဗဟိုနိုင်ငံရေးဗျူရို ကော်မတီဝင် ၊ နိုင်ငံတော် ဒုတိယဝန်ကြီးချုပ် ၊ COVID-19 ကပ်ရောဂါ ကာကွယ်ထိန်းချုပ်ရေးကော်မတီဥက္ကဋ္ဌ Kikeo Khaykhamphithoune ထံသို့ ကူညီထောက်ပံ့ရေးပစ္စည်းများအား လွှဲပြောင်းပေးအပ်ခဲ့သည်။

အစ္စလာမ်မာဘတ်၊ မေ ၁၁ ရက် (ဆင်ဟွာ)

ပါကစ္စတန်နိုင်ငံက AstraZeneca COVID-19 ကာကွယ်ဆေး၏ ပါဝင်ပစ္စည်းနှင့် ပြင်းထန်သော ဓာတ်မတည့်မှုဖြစ်ပွားကြောင်း ရာဇဝင်ရှိခဲ့သည့် အသက် ၄၀ နှစ်အောက် နိုင်ငံသားများကို ကာကွယ်ဆေးထိုးနှံခြင်းမှ တားမြစ်လိုက်ကြောင်း ကျန်းမာရေးဝန်ကြီးဌာနက မေ ၁၀ ရက်တွင်ထုတ်ပြန်ခဲ့သည်။

ကွာလာလမ်ပူ၊ မေ ၁၁ ရက်(ဆင်ဟွာ)

ကိုဗစ်ကပ်ရောဂါ ပျံ့နှံ့လာမှုကို တုန့်ပြန်ရန်အတွက် မလေးရှားနိုင်ငံတွင် မေ ၁၂ ရက်မှ ဇွန် ၇ ရက်အထိ တစ်နိုင်ငံလုံး အတိုင်းအတာဖြင့် အသွားအလာကန့်သတ်ခြင်းအပါအဝင် သက်ဆိုင်ရာရောဂါထိန်းချုပ်စီမံရေးနည်းလမ်းများကို ပြုလုပ်သွားရန် အစိုးရက ဆုံးဖြတ်လိုက်ကြောင်း မလေးရှားဝန်ကြီးချုပ် Muhyiddin Yassinက မေ ၁၀ ရက်တွင် ထုတ်ပြန်ပြောကြားခဲ့သည်။

ပေကျင်း၊ မေ ၅ ရက်(ဆင်ဟွာ)

တရုတ်နိုင်ငံ သိပ္ပံနှင့် နည်းပညာ တက္ကသိုလ်မှ သုတေသီများသည် နေ့စဉ်အိမ်မှုကိစ္စများကို ကူညီလုပ်ဆောင်နိုင်သည့် လက်တံပျော့ပျောင်းသော စက်ရုပ်လက်တံတစ်မျိုး တီထွင်ခဲ့သည်။ တံခါးဖွင့်ခြင်း၊ရေဗူးအဖုံးဖွင့်ခြင်း ၊ ပြတင်းပေါက်သန့်ရှင်း‌ရေးပြုလုပ်ခြင်း၊ ပေတံသုံးကာမျဉ်းကြောင်းဆွဲခြင်းတို့ကို အဆိုပါစက်ရုပ်လက်တံဖြင့် ပြုလုပ်နိုင်သည်။

တရုတ်နိုင်ငံ သိပ္ပံနှင့် နည်းပညာ တက္ကသိုလ် Robotics စမ်းသပ်ခန်းမှ ညွှန်ကြားရေးမှူး Chen Xiaoping က “များသောအားဖြင့် စက်ရုပ်လက်တံတွေဟာ ခပ်မာမာ တောင့်တောင့်ဖန်တီးကြတာများပါတယ်၊ အဲဒီလိုလက်တံတွေကျတော့ တိတိကျကျ လုပ်ကိုင်ရတာတွေမှာအဆင်ပြေပေမဲ့ ပတ်ဝန်းကျင်နဲ့ကျတော့ သိပ်ပြီး သဟဇာတမရှိလှပါဘူး၊ အဲဒီလိုလက်တံတွေကို ပတ်ဝန်းကျင်မှာသုံးမယ်ဆိုရင်ပြဿနာရှိလာမှာပါ၊ သမားရိုးကျစက်ရုပ်လက်တံတွေကို စက်ရုံတွေမှာကလွဲရင် ကျွန်တော်တို့နေ့စဉ် သုံးစွဲနေတဲ့ လူနေမှုဘဝထဲမှာတော့ ကျယ်ကျယ်ပြန့်ပြန့်မသုံးကြပါဘူး။ ဘာလို့လည်းဆိုတော့ လူတွေနဲ့ ထိတွေ့ဆက်ဆံရတဲ့အခါ ပြေပြစ်မှုမရှိလို့ပါပဲ။ ပျော့ပျောင်းတဲ့ စက်ရုပ်လက်တံကို ပျားလပို့ပုံအတိုင်း ပြုလုပ်ကာ တရုတ်နိုင်ငံ သိပ္ပံနှင့် နည်းပညာ တက္ကသိုလ်မှ သုတေသီများက ဖန်တီးထုတ်လုပ်ထားပါတယ်။ လက်တံထဲရှိအကန့်တိုင်းမှာ ကျုံ့နိုင်ဆန့်နိုင်တဲ့ Pneumatic ကွန်ရက်ကိုထည့်သွင်းထားပါတယ်။ အကန့်တိုင်းမှာ သေးငယ်တဲ့ ချိတ်ဆက်မှုပြုလုပ်ထားတာနဲ့တူပါတယ်။ စက်ရုပ်လက်တံတစ်ခုလုံးအစအဆုံးကို ချိတ်ဆက်မှုပြုလုပ်ထားတဲ့အတွက် ကျုံ့နိုင်ဆန့်နိုင်ပါတယ်။ စက်ရုပ်ဟာ လူမှုဘဝမှာ မခန့်မှန်းနိုင်တဲ့ ဗာဟီရများနဲ့ ကြုံတွေ့ပါကလည်းကိုင်တွယ်ဖြေရှင်းနိုင်ပါတယ်။ တံခါးဖွင့်စေလိုရင် လည်းဖွင့်ပေးနိုင်ပါတယ်။ ပျော့ပျောင်းတဲ့စက်ရုပ်လက်တံမှာအတိအကျထိန်းချုပ်ရန်မလိုဘဲ ထိခိုက်ပျက်စီးမှုရှိလာနိုင်တဲ့ အခြေအနေအားအလိုအလျောက်ရှောင်ရှားနိုင်ဖို့တီထွင်ထုတ်လုပ်ထားပါတယ်”ဟု ဖြေကြားခဲ့ကြောင်းသိရသည်။ (Xinhua)
)

ပေကျင်း ၊ မေ ၁၀ ရက်(ဆင်ဟွာ)

တရုတ်နိုင်ငံ ကြက်ခြေနီအသင်းက အိန္ဒိယနိုင်ငံ COVID-19 ရောဂါတိုက်ဖျက်ရေး ကူညီရန် ငွေသား အကူအညီ အမေရိကန်ဒေါ်လာ ၁ သန်းအား ပေးအပ်ခဲ့ကြောင်း တရုတ်ကြက်ခြေနီဖောင်ဒေးရှင်း(CRCF)က မေ ၉ ရက်တွင် ပြောကြားခဲ့သည်။

ဒါကာ၊ မေ ၉ ရက် (ဆင်ဟွာ)

တရုတ်ရိုးရာတိုင်းရင်းဆေးဖြင့်ကုသသည့် ဘင်္ဂလားဒေ့ရှ်နိုင်ငံရှိ ဆေးခန်းတစ်ခုတွင် လာရောက်ကုသသူများဖြင့် စည်ကားလျက်ရှိကြောင်း သိရသည်။


Suoxi Healthcare Limited ဆေးခန်းအား ဘင်္ဂလားဒေ့ရှ်နိုင်ငံ မြို့တော် ဒါကာ၌ ၂၀၁၉ ခုနှစ်က စတင်ဖွင့်လှစ်ခဲ့သည်။


ဆေးခန်းတွင် တရုတ်နိုင်ငံမှပြန်လာသည့် ကျွမ်းကျင်ပညာရှင်များအပါအဝင် လေ့ကျင့်သင်ကြားပေးထားသည့် ပြည်တွင်းမှ ဆေးဘက်ဆိုင်ရာဝန်ထမ်းများက တရုတ်ရိုးရာတိုင်းရင်းဆေးကုထုံးများဖြစ်သည့် အပ်စိုက်ကုသခြင်း၊ တရုတ်ရိုးရာ နှိပ်နယ်ခြင်းနည်းပညာများဖြင့် ကုသပေးလျက်ရှိသည်။

“ ကျွန်တော်က Ariful Islam ပါ၊ အသက်က ၃၈ နှစ်ရှိပါပြီ၊ ကျွန်တော်က အစိုးရဝန်ထမ်းတစ်ဦးပါ ၊ပြီးခဲ့တဲ့ တစ်နှစ်လောက်က ကျွန်တော် COVID-19 ကူးစက်ခံခဲ့ရပါတယ်၊ အဲဒီတုန်းက ကျွန်တော်အားလည်းအတော်နည်းနေခဲ့ပါတယ်။ ဒါနဲ့ ဒီကိုရောက်လာခဲ့တာပါ၊ ကျွန်တော်တရုတ်ရိုးရာတိုင်းရင်းဆေး ကုထုံးတွေဖြစ်တဲ့ အပ်စိုက် ကုထုံး ၇ မျိုးနဲ့ ကုသမှုခံယူခဲ့ပါတယ်။ အခုဆိုတော်တော်နေလို့ကောင်းလာပါပြီ၊” ဟုဆိုသည်။

အခြားကုသမှုခံယူသူတစ်ဦးက ”ကျွန်တော့်နာမည်က Kawsar Ali Sardar ပါ ၊ အသက်က ၄၈ နှစ်ပါ၊ ပြီးခဲ့တဲ့ ၁၀ လလောက်က ကျွန်တော် ကိုရိုနာဗိုင်းရပ်စ် ကူးစက်ခံခဲ့ရပါတယ်၊ ၂၅ ရက်ကြာကုသမှုခံယူပြီးတဲ့နောက်မှာတော့ ပြန်လည်စစ်ဆေးတဲ့အခါမှာ negative ရလဒ်ထွက်ခဲ့ပါတယ်၊ ဒါပေမဲ့ အဲဒီနောက်ပိုင်းမှာ ပြင်းပြင်းထန်ထန်ခေါင်းကိုက်လာတတ်ပြီးတော့ အိပ်ချိန်မမှန်တဲ့ပြဿနာဖြစ်လာခဲ့ပါတယ်။ ကျွန်တော်ဒီမှာကုသခံနေတာပါ၊ ကျွန်တော် ကုထုံး ၈ ခုနဲ့ ကုသခံရပါတယ်။ လောလောဆယ်တော့ ကုထုံး ၃ ခု ပြီးပါပြီ၊ တရုတ်ရိုးရာကုထုံးနဲ့ စပြီး ကုသကတည်းက နေရထိုင်ရတာပိုကောင်းမွန်လာပါတယ်၊ ခေါင်းကိုက်တာလည်းတဖြည်းဖြည်းသက်သာလာတယ် ပြီးတော့ ညဘက်တွေလည်းကောင်းကောင်းအိပ်ပျော်လာပါတယ်။


တရုတ်ရိုးရာတိုင်းရင်းဆေးကုထုံးကျွမ်းကျင် ဒေါက်တာ SM Shahidul Islam က “ကျွန်တော် တရုတ်နိုင်ငံ ဝူဟန့်မြို့က Tongji ဆေးတက္ကသိုလ်က ဘွဲ့ရခဲ့တာပါ၊ ကျွန်တော် MBBS ဘွဲ့လည်းရရော တရုတ်ရိုးရာတိုင်းရင်းဆေး ကို အပ်စိုက်ကုပညာအထူးပြုဒီဂရီတစ်ခုကိုပါ တက်ရောက်ခဲ့ပါတယ်၊ ဒီကနေ့မှာ Suoxi Healthcare Limited က အာဏာပိုင်တွေက မေ ၁ ရက်နေ့ နိုင်ငံတကာ အလုပ်သမားနေ့ ကို ဂုဏ်ပြုတဲ့အထိမ်းအမှတ်အဖြစ်အခမဲ့ ဆေးကုသရေးအစီအစဉ်ကိုဆောင်ရွက်နေတာပါ။ တရုတ်ရိုးရာတိုင်းရင်းဆေးဝါးအပ်စိုက်ကုထုံးကိုလည်း ကုသပေးဖို့ဖိတ်ခေါ်တာကြောင့်ကျွန်တော်ဒီကိုရောက်လာတာပါ ၊ ဒီမှာ အပ်စိုက်ကုသမှုလာရောက်ခံယူသူအားလုံးက သိပ်ကို ကျေနပ်အားရကြတယ်လို့ဆိုကြပါတယ်” ဟုဆိုသည်။ (Xinhua)

ပေကျင်း၊ မေ ၉ ရက်(ဆင်ဟွာ)


တရုတ်တစ်နိုင်ငံလုံးတွင် ကိုဗစ်ကာကွယ်ဆေး (၃၀၈.၂၂၆)သန်း ထိုးနှံပြီးဖြစ်ကြောင်း တရုတ်နိုင်ငံ အမျိုးသားကျန်းမာရေးကော်မရှင်က မေ ၈ ရက်တွင် ထုတ်ပြန်ခဲ့သည်။

ပေကျင်း၊မေ ၉ ရက်(ဆင်ဟွာ)

ကပ်ရောဂါတိုက်ဖျက်ရေးတွင် ကာကွယ်ဆေး၏ ကြီးမားသောအခန်းကဏ္ဍကို တွန်းအားပေးရန်အတွက် တရုတ်နိုင်ငံထုတ် COVID-19 ကာကွယ်ဆေးတစ်မျိုးကို အရေးပေါ်အသုံးပြုရန် ကမ္ဘာ့ကျန်းမာရေးအဖွဲ့(WHO) က မေ ၈ ရက်တွင် ထောက်ခံအတည်ပြုခဲ့ကြောင်း သိရသည်။