ရန်ကုန် ၊ ဖေဖော်ဝါရီ ၂၉ ရက် (ဆင်ဟွာ)

ဆရာမကြီးဒေါ်ဇင်ခိုင် စတင်ပေးခဲ့ပြီး မြန်မာ-တရုတ် ချစ်ကြည်ရေးအသင်း (ဗဟို) မှ ဆက်လက် ကျင်းပ ပြုလုပ်သော သတ္တမအကြိမ်မြောက်ပညာသင် ထောက်ပံ့ကြေးပေးအပ်ပွဲအခမ်းအနား၌ မြန်မာ နိုင်ငံ တိုင်းဒေသကြီးနှင့် ပြည်နယ်အသီးသီးမှ ပညာရည်ထူးချွန်ပြီးထက်မြက်ပြီး ဆက်လက် ပညာသင်ကြားရန် အခက်အခဲရှိသည့် ကျောင်းသား၊ကျောင်းသူ ၁၀၆ ဦးအား ပညာသင်ထောက်ပံ့ကြေးများပေးအပ်ခဲ့ကြောင်းသိရသည်။ 

ရန်ကုန် ၊ ဖေဖော်ဝါရီ ၁၇ ရက်(ဆင်ဟွာ) 

တရုတ်နိုင်ငံ၌ ဆောင်ရွက်လျက် ရှိသော ကိုရိုနာဗိုင်းရပ်စ်(COVID-19) တိုက်ဖျက်ရေး နှင့် ပတ်သက်၍ မြန်မာနိုင်ငံဆိုင်ရာ တရုတ်ပြည်သူ့သမ္မတ နိုင်ငံ သံအမတ်ကြီး မစ္စတာ ချန်းဟိုင်က “ရောဂါခုခံတိုက်ဖျက်ရေးလုပ်ငန်း ဆောင်ရွက်ရင်း တရုတ်-မြန်မာဆွေမျိုးပေါက်ဖော်ချစ်ကြည်ရေး အဆက်မပြတ်ခိုင်မြဲတိုးတက်လာ” ဟူသည့် ခေါင်းစဉ်ဖြင့် မြန်မာနိုင်ငံပိုင် သတင်းစာများတွင် ဖေဖော်ဝါရီ ၁၇ ရက်က အင်္ဂလိပ် ၊ မြန်မာ နှစ်ဘာသာဖြင့် ဆောင်းပါး တစ်ပုဒ် ရေးသားဖော်ပြခဲ့ပါသည်။ အဆိုပါ ဆောင်းပါး၏ မြန်မာဘာသာ အပြည့်အစုံကို ဆင်ဟွာသတင်းဌာနမှ ထပ်ဆင့် ကူးယူ ဖော်ပြအပ်ပါသည်။

ရန်ကုန် ၊ ဖေဖော်ဝါရီ ၁၃ ရက်(ဆင်ဟွာ)

မြန်မာ-တရုတ် နှစ်နိုင်ငံအကြား အဏ္ဏဝါသိပ္ပံဆိုင်ရာ သုတေသန ဆောင်ရွက်ရန် တရုတ် သိပ္ပံ သုတေသနရေယာဉ် ရှန်ရန်ဟုန် - ၆(XIANG YANG HONG 06) သည် ရန်ကုန်မြို့ သီလဝါ ဆိပ်ကမ်းသို့ ရောက်ရှိလာခဲ့ရာ ကြိုဆိုသည့် အခမ်းအနားအား ဖေဖော်ဝါရီ ၁၃ ရက်တွင် ကျင်းပပြုလုပ်ခဲ့သည်။

ရန်ကုန် ၊ ဖေဖော်ဝါရီ ၁၁ ရက်(ဆင်ဟွာ)

တရုတ် နိုင်ငံ၏ ကိုရိုနာ ဗိုင်းရပ်စ် ရောဂါ ကာကွယ်ထိန်းချုပ်ရေးကို တစ်ဖက်တစ်လမ်းမှ ကူညီမှု အနေဖြင့် မြန်မာ ပြည်တွင်း ကုမ္ပဏီ နှစ်ခုသည် မြန်မာနိုင်ငံဆိုင်ရာ တရုတ် ပြည်သူ့သမ္မတ နိုင်ငံ သံရုံးသို့ ပါးစပ်နှင့်နှာခေါင်းစည်း(Mask)များအား ယနေ့ ဖေဖော်ဝါရီ ၁၁ ရက်တွင် လာရောက် ပေးအပ် လှူဒါန်းခဲ့ရာ သံရုံး ယာယီတာဝန်ခံ ဒေါ်နွဲ့ကလျာ (Ms.Li Xiaoyan)က လက်ခံခဲ့သည်။

ရန်ကုန် ၊ ဖေဖော်ဝါရီ ၆ ရက်(ဆင်ဟွာ)

တရုတ် နိုင်ငံ၌ လတ်တလော ဖြစ်ပွားလျက် ရှိသည့် နိုဗယ် ကိုရိုနာဗိုင်းရပ်စ် တိုက်ဖျက်ရေး ကြိုးပမ်း အားထုတ် မှုများ အပေါ် ကမ္ဘာ့နိုင်ငံ ခေါင်းဆောင်များ ၊ နိုင်ငံတကာအဖွဲ့အစည်းများမှ အကြီးအကဲများက ချီးကျူးစကား ပြောကြားခဲ့ပြီး မြန်မာနိုင်ငံ သမ္မတ ဦးဝင်းမြင့်က စာနာထောက်ထားကြောင်း သဝဏ်လွှာ ပေးပို့ ခဲ့မှုနှင့်အတူ  မြန်မာ ပြည်သူများကလည်း ဆုတောင်းအားပေးစကားများ ပြောကြားခဲ့ကြသည်။

ရန်ကုန် ၊ ဖေဖော်ဝါရီ ၄ ရက်(ဆင်ဟွာ)

တရုတ်နိုင်ငံ အစိုးရ သည် တရုတ်နိုင်ငံသို့ ရောက်ရှိနေသည့် မြန်မာလူမျိုးများအပါအဝင် နိုင်ငံခြားသားတိုင်း၏ အသက် လုံခြုံမှု နှင့် ကိုယ်ခန္ဓာ ကျန်းမာရေးကို များစွာအလေးထားပြီး သက်ဆိုင်ရာ အစီအမံများကို တက်တက်ကြွကြွ ဆောင်ရွက် ထားကြောင်း မြန်မာနိုင်ငံဆိုင်ရာ တရုတ်ပြည်သူ့သမ္မတနိုင်ငံ သံရုံးမှ ယာယီ တာဝန်ခံ ဒေါ်နွဲ့ကလျာ (Ms.Li Xiaoyan)က ယနေ့ ဖေဖော်ဝါရီ ၄ ရက်တွင် ရန်ကုန်မြို့၌ သတင်းမီဒီယာများနှင့် တွေ့ဆုံစဉ် ပြောကြားခဲ့သည်။ 

ရန်ကုန် ၊ ဖေဖော်ဝါရီ ၃ ရက် (ဆင်ဟွာ) 

ပြည်ထောင်စု သမ္မတ မြန်မာနိုင်ငံ နိုင်ငံတော်သမ္မတ ဦးဝင်းမြင့်ထံမှ တရုတ်ပြည်သူ့သမ္မတနိုင်ငံ သမ္မတ မစ္စတာ ရှီကျင့်ဖိန်ထံသို့ စာနာထောက်ထားကြောင်း သဝဏ်လွှာကို ယနေ့တွင် ပေးပို့ခဲ့ကြောင်း နိုင်ငံတော် သမ္မတရုံးမှ သတင်း ထုတ်ပြန်ခဲ့သည်။

ရန်ကုန် ၊ ဖေဖော်ဝါရီ ၂ ရက် (ဆင်ဟွာ)

မြန်မာ တစ်နိုင်ငံလုံးရှိ စက်မှုဇုန်များ နှင့် စီးပွားရေး လုပ်ငန်းရှင်များဖြင့် ဖွဲ့စည်းထားသည့် မြန်မာနိုင်ငံ စက်မှုဇုန် နှင့် စီးပွားရေး လုပ်ငန်းများ အသင်း (MIBA) စတင်ထူထောင်ခြင်း ဖွင့်ပွဲ အခမ်းအနား ကို ဖေဖော်ဝါရီ ၁ ရက် ညပိုင်း တွင် ရန်ကုန်မြို့ Sky Star ဟိုတယ် ၌ ကျင်းပ ပြုလုပ်ခဲ့ပြီး သက်ဆိုင်ရာ တာဝန်ရှိသူ အသီးသီး တို့ တက်ရောက် ခဲ့ကြသည်။

ရန်ကုန် ၊ ဇန်နဝါရီ ၃၀ ရက်(ဆင်ဟွာ)

ရန်ကုန်မြို့ ၊ လသာ မြို့နယ် စဉ့်အိုးတန်းလမ်း(အထက်)၌ ကျင်းပသည့် ၁၅ ကြိမ်မြောက် တရုတ် ရိုးရာ ခြင်္သေ့ ၊ နဂါး အက အလှ စွမ်းရည် ပြိုင်ပွဲတွင် နိုင်ငံတကာ ဖိတ်ခေါ် ပြိုင်ပွဲ အဖြစ် တရုတ်ရိုးရာ ခြင်္သေ့ စွမ်းရည် ပြိုင်ပွဲ ဗိုလ်လုပွဲ ပွဲစဉ်များကို ဇန်နဝါရီ ၂၉ ရက်က ကျင်းပ ပြုလုပ်ရာ L.D.C.R(C) အသင်းက ချန်ပီယံဆု ရရှိသွားခဲ့သည်။ 

 

ရန်ကုန် ၊ ဇန်နဝါရီ ၂၇ ရက်(ဆင်ဟွာ)

ရန်ကုန်မြို့ ၊ လသာ မြို့နယ် စဉ့်အိုးတန်းလမ်း(အထက်)၌ ၁၅ ကြိမ်မြောက် တရုတ် ရိုးရာ ခြင်္သေ့ ၊ နဂါး အက အလှ စွမ်းရည် ပြိုင်ပွဲကို ဇန်နဝါရီ ၂၆ ရက်တွင် ဖွင့်ပွဲ အခမ်းအနား နှင့် အတူ စတင် ဖွင့်လှစ် ကျင်းပခဲ့သည်။“ဒီနှစ်ကတော့ ထူးထူးခြားခြားအနေနဲ့ တရုတ်ပြည်က ပေ ၁၆၀ ရှိတဲ့ နဂါးအရှည် မှာယူပြီး ဒီနှစ်သစ်ကူး ပွဲတော် မှာ လာရောက် သရုပ်ပြမှာ ဖြစ်ပါတယ်။ ၁၅ ကြိမ်မြောက်မှာ ထူးထူးခြားခြား အနေနဲ့ တရုတ်နိုင်ငံက နှစ်သင်း ၊ ထိုင်းနိုင်ငံ နှစ်သင်း လာရောက်ယှဉ်ပြိုင်မှာ ဖြစ်ပါတယ်။ မြန်မာနိုင်ငံအနေက ခြင်္သေ့ပြိုင်ပွဲဝင် ၁၄သင်း ယှဉ်ပြိုင် မှာ ဖြစ်ပြီး နိုင်ငံခြားအသင်းအနေနဲ့ ၄ သင်း ဝင်ရောက် ယှဉ်ပြိုင်မှာ ဖြစ်ပါတယ်။ ပြည်တွင်း နဂါး အရှည် ပြိုင်ပွဲ အနေနဲ့ စုစုပေါင်း ၉သင်း ယှဉ်ပြိုင်မှာ ဖြစ်ပါတယ်။”ဟု မြန်မာနိုင်ငံ ခြင်္သေ့ ၊ နဂါး အဖွဲ့ချုပ် ဥက္ကဋ္ဌ ဦးကျော်ကျော်က ဆင်ဟွာသို့ ပြောကြားခဲ့သည်။