တရုတ်-စင်ကာပူ အပြန်အလှန်ချိတ်ဆက်မှုစီမံကိန်း ၁၀ နှစ်ကြာကာလတွင် စံပြနမူနာသစ်အဖြစ် “လမ်းကြောင်း ငါးသွယ်” ဖွင့်လှစ်နိုင်ခဲ့

ချုံချင့်၊ နိုဝင်ဘာ ၁၁ ရက် (ဆင်ဟွာ)
ဆယ်စုနှစ်တစ်ခုကြာကာလတွင် တရုတ်-စင်ကာပူ (ချုံချင့်) မဟာဗျူဟာမြောက် အပြန်အလှန်ချိတ်ဆက်မှု သရုပ်ပြစီမံကိန်း (CCI) သည် “လမ်းကြောင်း ငါးသွယ်” ကို အောင်မြင်စွာ ဖွင့်လှစ်ပြီး တရုတ်နိုင်ငံ အနောက်ပိုင်းနှင့် အရှေ့တောင်အာရှ အဆင့်မြင့် အပြန်အလှန်ချိတ်ဆက်မှုကို အားပေးဖော်ဆောင်ခဲ့ရာ နိုင်ငံတကာ ပူးပေါင်းဆောင်ရွက်မှု၏ “စံပြနမူနာသစ်” ဖြစ်လာပေသည်။
၂၀၁၅ ခုနှစ် နိုဝင်ဘာ ၇ ရက်တွင် တရုတ်-စင်ကာပူ (ချုံချင့်) မဟာဗျူဟာမြောက် အပြန်အလှန်ချိတ်ဆက်မှု သရုပ်ပြစီမံကိန်း တရားဝင်စတင်လိုက်ရာ ယင်းမှာ တရုတ်နိုင်ငံနှင့် စင်ကာပူနိုင်ငံအကြား စူးကျိုးစက်မှုဥယျာဉ်၊ ထျန်းကျင်းဂေဟမြို့ပြစီမံကိန်းများပြီးနောက် တတိယမြောက် အစိုးရချင်း ပူးပေါင်းဆောင်ရွက်သည့် စီမံကိန်း ဖြစ်လာသည်။

စီမံကိန်းသည် ကုန်းလမ်း-ပင်လယ်ရေကြောင်းလမ်း လမ်းကြောင်းသစ်၊ တရုတ်-စင်ကာပူ နယ်စပ်ဖြတ်ကျော် ဘဏ္ဍာရေးရင်းနှီးမြှုပ်နှံမှုလမ်းကြောင်း၊ တရုတ်-စင်ကာပူ (ချုံချင့်) နိုင်ငံတကာဒေတာကွန်ရက်အထူးလမ်းကြောင်း၊ ချုံချင့်-စင်ကာပူ “လေကြောင်းလမ်း” နှင့် လူမှုယဉ်ကျေးမှုဖလှယ်ရေးလမ်းကြောင်းများကို ဖွင့်လှစ်ပြီးဖြစ်ကြောင်း နိုဝင်ဘာ ၁၀ ရက် CCI အကောင်အထည်ဖော်ဆောင်ခြင်း ဆယ်နှစ်ပြည့်အောင်မြင်မှုရလဒ်များ သတင်းစာရှင်းလင်းပွဲမှ သိရှိရသည်။

ကုန်းလမ်း-ပင်လယ်ရေကြောင်းလမ်း လမ်းကြောင်းသစ်သည် “ရပ်ဝန်းနှင့် ပိုးလမ်းမ” ကုန်စည်သယ်ယူပို့ဆောင်ရေး အဆင်ပြေချောမွေ့မှုကို မြှင့်တင်ပေးလျက်ရှိသည်။ ၂၀၁၇ ခုနှစ်တွင် ချုံချင့် စသည့် တရုတ်နိုင်ငံ အနောက်ပိုင်း ပြည်နယ်၊ ဒေသ၊ မြို့များနှင့် စင်ကာပူ စသည့် အရှေ့တောင်အာရှနိုင်ငံများသည် စီမံကိန်းမူဘောင်အောက်တွင် ပူးပေါင်းဆောင်ရွက်ကာ ကုန်းလမ်း-ပင်လယ်ရေကြောင်းလမ်း လမ်းကြောင်းသစ်ကို တည်ဆောက်ခဲ့ကြသည်။
ယခုနှစ် အောက်တိုဘာလကုန်အထိတွင် အဆိုပါလမ်းကြောင်းသည် နိုင်ငံနှင့် ဒေသပေါင်း ၁၂၇ ခုရှိ ဆိပ်ကမ်းပေါင်း ၅၈၁ ခုကို ပေါက်ရောက်ပြီးဖြစ်ရာ အနောက်ပိုင်းဒေသများနှင့် အာဆီယံ၏ သွင်းကုန်ပို့ကုန်ပမာဏစုစုပေါင်း ယွမ် ၁ ထရီလီယံကျော်အောင် အားပေးဖော်ဆောင်နိုင်ခဲ့ရာ လမ်းကြောင်းစတင်သည့်ကနဦးကာလနှင့်နှိုင်းယှဉ်ပါက ၇၅.၃ ရာခိုင်နှုန်းတိုးတက်လာခဲ့သည်။

တရုတ်-စင်ကာပူ နယ်စပ်ဖြတ်ကျော် ဘဏ္ဍာရေးရင်းနှီးမြှုပ်နှံမှု လမ်းကြောင်းသည် “ရပ်ဝန်းနှင့် ပိုးလမ်းမ” ဘဏ္ဍာငွေကြေးချိတ်ဆက်ပေါင်းစည်းမှုကို မြှင့်တင်လျက်ရှိသည်။ ဆယ်နှစ်ကြာကာလတွင် စီမံကိန်း၏ စုစုပေါင်း နယ်စပ်ဖြတ်ကျော် ဘဏ္ဍာရေးရင်းနှီးမြှုပ်နှံမှုပမာဏသည် အမေရိကန်ဒေါ်လာ ၂၁.၇ ဘီလီယံအထိ ရှိခဲ့ရာ ချုံချင့် သာမက အနောက်ပိုင်း ပြည်နယ်၊ ဒေသ ၁၀ ခု၏ နယ်စပ်ဖြတ်ကျော်ဘဏ္ဍာရေးရင်းနှီးမြှုပ်နှံမှုကို အမေရိကန်ဒေါ်လာ ၆.၃ ဘီလီယံအထိ ဖော်ဆောင်ရာ၌ အားဖြည့်ပြီးဖြစ်သလို အနောက်ပိုင်းဒေသကုမ္ပဏီလုပ်ငန်းပေါင်း ၁၀၀ ကျော်ကို ဝန်ဆောင်မှုပေးခဲ့သည်။

တရုတ်-စင်ကာပူ (ချုံချင့်) နိုင်ငံတကာ ဒေတာကွန်ရက် အထူးလမ်းကြောင်းက တရုတ်နိုင်ငံ အနောက်ပိုင်းနှင့် အရှေ့တောင်အာရှ၏ ဒစ်ဂျစ်တယ် အပြန်အလှန်ချိတ်ဆက်မှုကို မြှင့်တင်လျက်ရှိသည်။ “ဒီ ‘ဒေတာအမြန်ရထားလမ်း’ က နယ်စပ်ဖြတ်ကျော် ဒေတာပို့ဆောင်ခြင်းရဲ့ ထိရောက်မှုနှုန်းကို သုံးဆကျော် မြှင့်တင်ခဲ့ရာ ချုံချင့် အဓိကလုပ်ငန်းကဏ္ဍ ၁၀ ခုကျော်၏ နိုင်ငံတကာပူးပေါင်းဆောင်ရွက်မှုကို စွမ်းအားတွေဖြည့်တင်းခဲ့ပြီးဖြစ်တဲ့အပြင် အနောက်ပိုင်း ပြည်နယ်၊ ဒေသတွေကို မျက်နှာမူတဲ့ အတူမျှဝေ၊ အတူအသုံးပြုတဲ့ လမ်းကြောင်း ဖြစ်တယ်” ဟု ချုံချင့်မြို့ Big Data အသုံးချမှု တိုးတက်ရေးစီမံခန့်ခွဲမှုဌာန ပထမအဆင့် စစ်ဆေးရေးမှူး ကျင်ကန်းယွမ်က ဆိုသည်။

ချုံချင့်-စင်ကာပူ “လေကြောင်းလမ်း” သည် တရုတ်နိုင်ငံ အနောက်ပိုင်းနှင့် အရှေ့တောင်အာရှ၏ လေကြောင်းအပြန်အလှန်ချိတ်ဆက်မှုကို မြှင့်တင်ပေးလျက်ရှိသည်။ “ချုံချင့်-စင်ကာပူ လေကြောင်းလမ်းတွေက ရက်သတ္တပတ် တစ်ပတ်ကို ၅ ကြိမ်ပြေးဆွဲရာကနေ အပတ်စဉ် ၂၄ ကြိမ်အထိ ထပ်တိုးပြေးဆွဲနေပြီဖြစ်တယ်” ဟု ချုံချင့်မြို့ ဖွံ့ဖြိုးတိုးတက်ရေးနှင့် ပြုပြင်ပြောင်းလဲရေးကော်မရှင် ဒုတိယ ညွှန်ကြားရေးမှူး ကျူးကန်းက ဆိုသည်။
၁၀ နှစ်တာကာလအတွင်း ချုံချင့်-စင်ကာပူ သွားလာသူများ၏ အကြိမ်ရေသည် ၅ ဆ တိုးတက်လာရာ စင်ကာပူမှ ချုံချင့်သို့ ပြည်ဝင်သည့် ညအိပ်ခရီးသွားဧည့်သည်အရေအတွက်သည် ၇ ဆ တိုးတက်လာကြောင်း ၎င်းက ပြောကြားခဲ့သည်။

ချုံချင့်-စင်ကာပူ လူမှုယဉ်ကျေးမှု ဖလှယ်ရေးလမ်းကြောင်းက တရုတ်-စင်ကာပူ နှစ်နိုင်ငံပြည်သူများ၏ စိတ်နှလုံးချင်းချိတ်ဆက်မှုကို မြှင့်တင်လျက်ရှိသည်။
“ချုံချင့်-စင်ကာပူ နှစ်ဖက် ဆရာဆရာမ၊ ကျောင်းသားကျောင်းသူတွေရဲ့ နှစ်စဉ်ဖလှယ်မှုမှာ လူဦးရေအားဖြင့် အကြိမ်ရေ ၅၀၀ ကျော်ရှိတယ်” ဟု ချုံချင့်မြို့ စီးပွားရေးနှင့် ကူးသန်းရောင်းဝယ်ရေး ဒုတိယ ညွှန်ကြားရေးမှူး၊ ချုံချင့်မြို့ တရုတ်-စင်ကာပူ စီမံကိန်း စီမံခန့်ခွဲမှုရေးရာဌာန ဒုတိယအကြီးအကဲ စွန်းရှီးရုန် က ဆိုသည်။
ချုံချင့်နှင့် စင်ကာပူသည် အပြန်အလှန်အားဖြင့် အဓိက ခရီးသွားအရင်းအမြစ်နေရာနှင့် ခရီးသွားလာရာနေရာ ဖြစ်ပြီး “စင်ကာပူ-ချုံချင့် ရက်သတ္တပတ်”၊ “ချုံချင့်-စင်ကာပူ အတွေ့အကြုံ ရက်သတ္တပတ်” စသည်တို့မှာ နှစ်နိုင်ငံ လူမှုယဉ်ကျေးမှုဖလှယ်ရေးနှင့် ပူးပေါင်းဆောင်ရွက်ရေး၏ နာမည်ကတ်သစ် ဖြစ်ပြီးနေကြောင်း ၎င်းက ပြောကြားခဲ့သည်။

“စူးကျိုး၊ ထျန်းကျင်းစီမံကိန်းနဲ့ မတူတာက တရုတ်-စင်ကာပူ အပြန်အလှန်ချိတ်ဆက်မှု စီမံကိန်းမှာ အပြန်အလှန်ချိတ်ဆက်မှု၊ အနောက်ပိုင်းဒေသကို အားဖြည့်မှု၊ စနစ်သစ်များ ဆန်းသစ်ဖန်တီးမှု ဆိုတဲ့ ထူးခြားချက်ကြီး သုံးခုရှိတယ်” ဟု စီးပွားရေးနှင့် ကူးသန်းရောင်းဝယ်ရေးဝန်ကြီးဌာန အာရှရေးရာဌာန ဒုတိယအကြီးအကဲ လီအန့်က ဆိုသည်။

ယင်းမှာ တရုတ်-စင်ကာပူ “ရပ်ဝန်းနှင့်ပိုးလမ်းမ” အတူတည်ဆောက်ရေး၏ အထင်ကရစီမံကိန်းသာမက တရုတ်နိုင်ငံ အနောက်ပိုင်း ကုန်းတွင်းပိုင်းဒေသ “ပြင်ပသို့ လျှောက်လှမ်းခြင်း” ၏ အရေးကြီးပလက်ဖောင်း ပို၍ပင် ဖြစ်ကြောင်း လီအန့်က ပြောကြားခဲ့သည်။ (Xinhua)

တရုတ်နိုင်ငံ ချုံချင့်မြို့ Raffles City ရှိ တရုတ်-စင်ကာပူ အပြန်အလှန်ချိတ်ဆက်မှု စီမံကိန်းပြခန်းအတွင်း ကြည့်ရှုနေသူများကို တွေ့ရစဉ် (ဆင်ဟွာ)

——————
(Chinese Version)
新范本！中新互联互通项目10年开辟“五条通道”
新华社重庆11月10日电（记者赵宇飞、伍鲲鹏）10年来，中新（重庆）战略性互联互通示范项目成功开辟“五条通道”，带动中国西部与东南亚高水平互联互通，成为国际合作“新范本”。
2015年11月7日，中新（重庆）战略性互联互通示范项目正式启动，成为中国和新加坡继苏州工业园、天津生态城之后的第三个政府间合作项目。
记者10日在中新（重庆）战略性互联互通示范项目实施十周年成效新闻发布会上获悉，项目已开辟陆海新通道、中新跨境融资通道、中新（重庆）国际互联网数据专用通道、渝新“空中通道”和人文交流通道。
陆海新通道，促进“一带一路”物流畅通。2017年，重庆等中国西部省区市与新加坡等东南亚国家，在项目框架下合作打造陆海新通道。数据显示，截至今年10月底，通道已通达127个国家和地区581个港口，带动西部地区对东盟进出口总额突破1万亿元，较通道启动之初增长75.3%。
中新跨境融资通道，促进“一带一路”资金融通。10年来，项目累计跨境融资金额达217亿美元，已助力除重庆之外的10个西部省区实现跨境融资63亿美元，服务西部企业100余家。
中新（重庆）国际互联网数据专用通道，促进中国西部与东南亚的数字互联互通。“这条‘数据高铁’将跨境数据传输效率提升3倍以上，已赋能重庆10余个重点行业开展国际合作，并面向西部省区共享共用通道。”重庆市大数据应用发展管理局一级巡视员景根元说。
渝新“空中通道”，促进中国西部与东南亚的空中互联互通。“渝新航线已从每周5班加密至每周24班。”重庆市发展改革委副主任朱江说，10年间，渝新往来人次增长5倍，新加坡来渝入境过夜游客数量增长7倍。
渝新人文交流通道，促进中新两国民心相通。“渝新两地师生每年交流规模500人次以上。”重庆市商务委副主任、市中新项目管理局副局长孙熙勇说，重庆与新加坡相互成为重要的游客来源地和出游目的地，“新加坡·重庆周”“重庆·新加坡体验周”等已成为两国人文交流合作新名片。
“不同于苏州、天津项目，中新互联互通项目呈现互联互通、带动西部、制度创新三大特点。”商务部亚洲司副司长李岸说，它不仅是中新共建“一带一路”的标志性项目，更成为中国西部内陆地区“走出去”的重要平台。
1. 陆海新通道跨境铁公联运班列（重庆—瑞丽—缅甸）首发班列在重庆江津小南垭铁路物流中心等候发车。新华社记者 唐奕 摄
2. 人们在位于重庆来福士的中新互联互通项目展厅内参观。新华社记者 王全超 摄