ရီယိုအိုလံပစ်ဥယျာဉ်အတွင်းရိုက်ကူးရေး ကင်မရာပြုတ်ကျ၍ လူ ၇ ဦး ထိခိုက်ဒါဏ်ရာရ

ရီယိုဒီဂျနေးရိုး၊ သြဂုတ် ၁၆ ရက် (ဆင်ဟွာ)
ဘရာဇီးနိုင်ငံ ရီယိုဒီဂျနေးရိုးတွင် ကျင်းပလျက်ရှိသည့် အိုလံပစ်ပွဲတော်တွင် သြဂုတ်လ ၁၅ ရက်နေ့က မြေပြင်အထက်၌ ကြိုးဖြင့် ချိတ်ဆွဲထားသည့် ရိုက်ကူးရေးကင်မရာတစ်လုံး သည် ဘတ်စကတ်ဘော ကစားကွင်း အနီးမြေပြင်သို့ပြုတ်ကျခဲ့သည်။ အိုလံပစ် ဥယျာဉ်တွင်း လေပြင်းများအဆက်မပြတ် တိုက်ခတ်ပြီးနောက် ထိုသို့ပြုတ်ကျ ခဲ့ခြင်း ဖြစ်ပြီး ကလေး ၂ ဦးအပါအဝင် အနီးရှိ လူ (၇) ဦး ထိခိုက်ဒါဏ်ရာရခဲ့သည်။ ထို မတော်တဆမှုနှင့်ပါတ်သက်၍အသေးစိတ် စုံစမ်းမှုများ ဆက်လက်ပြုလုပ် လျက်ရှိသည်။ အဆိုပါ ကင်မရာမှာ အဖုံးများဖြင့် အခိုင်အခန့်ဖုံးအုပ်ကာရံထားသည့် လေးလံသည့် aerial camera ကင်မရာတစ်လုံးဖြစ်ပြီး အိုလံပစ်အားကစားပွဲများ အား တရားဝင်ရိုက်ကူးထုတ်လွှင့်သည့် Olympics broadcast unit ပိုင်ကင်မရာဖြစ်သည်။ (Xinhua)