တရုတ်နိုင်ငံမှ ကူညီပံ့ပိုးသော လာအိုနိုင်ငံ လွမ်ပရာဘန် ဆေးရုံအဆင့်မြှင့်တင်ရေးစီမံကိန်း တရားဝင်စတင် အသုံးပြုပြီဖြစ်ပြီး လာအိုနိုင်ငံသို့ လွှဲပြောင်းပေးအပ်ခဲ့

လွမ်ပရာဘန်၊ သြဂုတ် ၁၇ ရက် (ဆင်ဟွာ)

တရုတ်နိုင်ငံမှ ကူညီပံ့ပိုးသော လာအိုနိုင်ငံ လွမ်ပရာဘန် ဆေးရုံအဆင့်မြှင့်တင်ရေးစီမံကိန်းအား ဩဂုတ် ၁၆ ရက်တွင် အသုံးပြုပြီဖြစ်ပြီး လာအိုနိုင်ငံထံ လွှဲပြောင်းပေးအပ်ခဲ့သည်။ အဆိုပါလွှဲပြောင်းပေးအပ်ခြင်း အခမ်းအနားကို လာအိုကျန်းမာရေးဝန်ကြီးဌာန၊ လာအို-တရုတ် ပူးပေါင်းဆောင်ရွက်ရေးကော်မတီ၊ လာအိုနိုင်ငံဆိုင်ရာ တရုတ်သံရုံးနှင့် စီမံကိန်းတည်ဆောက်ရေးဌာနတို့မှ သက်ဆိုင်ရာ ပုဂ္ဂိုလ်များ တက်ရောက်ခဲ့ကြသည်။လာအိုနိုင်ငံ လွမ်ပရာဘန် ဆေးရုံကို တရုတ်နိုင်ငံ၏အကူအညီဖြင့် တည်ဆောက်ခဲ့ပြီး ယခုအကြိမ် အဆင့်မြှင့်၊ ပြုပြင်မွမ်းမံခြင်းဆိုင်ရာ စီမံကိန်းတွင် ခွဲစိတ်မှုနှင့် နှလုံးသွေးကြောဆိုင်ရာဌာန အဆောက်အအုံများ၊ တရုတ်ပညာရှင်များအတွက် တိုက်ခန်းများ၊ ရေဆိုးစီမံရေးစခန်းများ၊ မီးသတ်ရေကန်နှင့် ရေမော်တာခန်းများ အသစ်တည်ဆောက်ပေးခြင်း၊ ယခင်က ဆောက်လုပ်ထားသော အဆောက်အဦများကို ပြုပြင်ခြင်းနှင့် သက်ဆိုင်ရာ ပစ္စည်းကိရိယာများ ပံ့ပိုးပေးခြင်းတို့ ပါဝင်သည်။

စီမံကိန်းလွှဲပြောင်းပေးအပ်ပြီးနောက် တရုတ်နိုင်ငံသည် သုံးနှစ်ကြာ နည်းပညာအကူအညီများ ပေးအပ်သွားမည်ဖြစ်ကြောင်း၊ ဒေသတွင်း ဆေးဘက်ဆိုင်ရာ ကျန်းမာရေးအဆင့်နှင့် ဆေးဝါးကုသမှု စွမ်းရည်များကို ဆက်လက်မြှင့်တင်ပေးသွားမည် ဖြစ်ရာ လွမ်ပရာဘန်ဆေးရုံကို လာအိုနိုင်ငံ မြောက်ပိုင်းဒေသရှိ ဗဟိုဆေးရုံအဖြစ် တည်ဆောက်ကာ ဒေသခံပြည်သူများ၏ နေထိုင်မှုဘဝကောင်းမွန်ရေးကို လက်တွေ့ကျ ဆောင်ရွက်ပေးမည်ဖြစ်ကြောင်း သိရသည်။ (Xinhua)
…………………………………………………….
(Chinese Version)
中国援老挝琅勃拉邦医院升级改造项目正式启用并移交老方
琅勃拉邦（老挝），2024年8月17日
中国援老挝琅勃拉邦医院升级改造项目16日正式启用并移交老方。老挝卫生部、老中合作委员会以及中国驻老挝大使馆和项目建设单位等相关人员出席移交仪式。
老挝琅勃拉邦医院由中国援建，本次升级改造项目包括新建外科和心血管科楼、中国专家公寓、污水处理站、消防水池和水泵房，维修改善此前援建建筑并提供相关设备。项目移交后中方还将开展为期三年技术援助，继续提升当地医疗卫生水平和医疗救治能力，把琅勃拉邦医院打造成为老挝北部地区的中心医院，切实改善当地民生。
图说：这是8月16日拍摄的老挝琅勃拉邦医院（无人机照片）。新华社发（凯乔摄）