ယမန်နှစ်က တရုတ်နှင့် အာဆီယံ အပြန်အလှန်ဖလှယ်သည့်နိုင်ငံခြားပညာတော်သင် ဦးရေ ၁၇၅,၀၀၀ ကျော်ရှိ

ပေကျင်း၊ ဩဂုတ် ၂၁ ရက် (ဆင်ဟွာ)
ပြီးခဲ့သည့်နှစ်က တရုတ်နှင့် အာဆီယံ အပြန်အလှန်ဖလှယ်သည့်နိုင်ငံခြားပညာတော်သင်ဦးရေ ၁၇၅,၀၀၀ ကျော်ရှိပြီး နှစ်ဖက်လူငယ်မျိုးဆက်များအကြား အပြန်အလှန်သွားလာမှုများ ပိုမိုသွက်လက်လာခဲ့သည်။

၂၀၂၄ ခုနှစ် တရုတ်-အာဆီယံ ပညာရေးနှီးနှောဖလှယ်မှုရက်သတ္တပတ်ဖွင့်ပွဲ အခမ်းအနားမှ အထက်ပါ အခြေအနေကိုသြဂုတ် ၂၁ ရက်တွင် သိရှိရခြင်း ဖြစ်သည်။ ပညာရေးသည်တရုတ်နှင့် အာဆီယံအကြား လူမှုယဉ်ကျေးမှုဖလှယ်ရေး၏အရေးကြီးသော အစိတ်အပိုင်းဖြစ်ပြီး လူတော်လူကောင်းများသည် တရုတ်နှင့် အာဆီယံနိုင်ငံများ၏ ဖွံ့ဖြိုးတိုးတက်မှုအတွက်အရေးကြီးသော အထောက်အပံ့ဖြစ်ကြောင်း တရုတ်-အာဆီယံစင်တာ အထွေထွေအတွင်းရေးမှူးချုပ် စီကျုံးကျွင့်က ပြောကြားခဲ့သည်။ မကြာသေးမီနှစ်များအတွင်း အလွှာအသီးသီး၏ပညာရေးပူးပေါင်းဆောင်ရွက်မှုသည် စဉ်ဆက်မပြတ် နက်ရှိုင်းလာခဲ့ပြီး လူတော်လူကောင်းများပျိုးထောင်ခြင်းနှင့် သိပ္ပံနှင့်နည်းပညာဆိုင်ရာ ပူးပေါင်းဆောင်ရွက်မှုတို့သည် ရလဒ်ကောင်းများ ဝေဝေဆာဆာရရှိခဲ့သည်။

ယခုနှစ်သည် တရုတ်-အာဆီယံ လူမှုယဉ်ကျေးမှုဖလှယ်ရေးနှစ်ဖြစ်ပြီး တရုတ်-အာဆီယံ ပညာရေး နှီးနှောဖလှယ်မှုရက်သတ္တပတ် ဆက်တိုက် ကျင်းပလာသည့် ၁၇ ကြိမ်မြောက်နှစ်လည်းဖြစ်ကြောင်း သိရသည်။ ယင်းမတိုင်မီ နှီးနှောဖလှယ်မှုရက်သတ္တပတ် အခမ်းအနားများက ပါဝင်တက်ရောက်သူပေါင်း ၄၆,၀၀၀ ကျော်ကို ဆွဲဆောင်ခဲ့ပြီး အမျိုးမျိုးသော ပူးပေါင်းဆောင်ရွက်မှု သဘောတူညီချက်များနှင့် ပူးပေါင်းဆောင်ရွက်မှုစာချွန်လွှာ ၁,၉၀၀ ကျော်ကို လက်မှတ်ရေးထိုးခဲ့ကြောင်း သိရသည်။

ယခုနှစ် နှီးနှောဖလှယ်မှုရက်သတ္တပတ်ကို နိုင်ငံခြားရေးဝန်ကြီးဌာန၊ ပညာရေး ဝန်ကြီးဌာနနှင့် ကွေ့ကျိုးပြည်နယ် ပြည်သူ့ အစိုးရတို့က ပူးပေါင်း တာဝန်ယူကျင်းပကာ “ပညာရေးဆိုင်ရာ ပူးပေါင်းဆောင်ရွက်မှု နက်ရှိုင်းရေး၊ လူမှုယဉ်ကျေးမှုဖလှယ်မှုမြှင့်တင်ရေးနှင့် ပိုမိုကောင်းမွန်သော အနာဂတ်ကိုအတူတကွ လက်တွဲဖန်တီးရေး” ဟူသော ခေါင်းစဉ်ဖြင့်အခမ်းအနား အမျိုးအစား ၇၀ ကျော် ကျင်းပမည် ဖြစ်ကြောင်း၊ တရုတ်-အာဆီယံ ပညာရေးဖလှယ်မှုနှင့် ပူးပေါင်းဆောင်ရွက်မှု၏ ရလဒ်သစ်များကို အဓိကထား ပြသရန်၊ နှစ်ဖက်စလုံးက အဆင့်မြင့်ပညာရေး၊ သက်မွေးဝမ်းကျောင်းပညာရေး၊ အခြေခံပညာရေး၊ အထူးပညာရေး၊ တစ်သက်တာပညာရေးစသည်ဖြင့် နယ်ပယ်အသီးသီးမှ အတွေ့အကြုံများနှင့် အောင်မြင်မှုများကို နှီးနှောဖလှယ်မျှဝေရန်၊ နှီးနှောဖလှယ်မှုရက်သတ္တပတ်ကို ယဉ်ကျေးမှုဖလှယ်ရေး၊ ပညာရေး ပူးပေါင်းဆောင်ရွက်မှု နက်ရှိုင်းစွာ ဆောင်ရွက်ရေးနှင့် ဒေသတွင်းစီးပွားရေးနှင့် လူမှုရေး ဖွံ့ဖြိုးတိုးတက်မှုကို မြှင့်တင်ရေးတွင် ပိုမို ကောင်းမွန်သော အခန်းကဏ္ဍမှ ပါဝင်ရန်ဖြစ်ကြောင်း ပွဲဖြစ်မြောက်ရေး ကော်မတီ သက်ဆိုင်ရာ တာဝန်ခံပုဂ္ဂိုလ်က ပြောကြားခဲ့သည်။ (Xinhua)
………………………………….
(Chinese Version)
中国与东盟去年双向留学人数超过17.5万人
过去一年，中国与东盟双向留学人数超过17.5万人，双方年轻一代的往来更加活跃。
记者8月21日从2024中国—东盟教育交流周开幕式上获悉上述情况。中国—东盟中心秘书长史忠俊表示，教育是中国与东盟人文交流的重要组成部分，人才是中国和东盟国家发展的重要支撑。近年来，各级教育合作不断深化，人才培养和科技合作取得丰硕成果。
据了解，今年是中国—东盟人文交流年，也是中国—东盟教育交流周连续举办的第17年。此前交流周活动累计吸引参会嘉宾超4.6万人次，签订各类合作协议和合作备忘录1900余份。
据组委会相关负责人表示，今年交流周由外交部、教育部、贵州省人民政府共同主办，围绕“深化教育合作、促进人文交流、携手共创未来”主题，将举办各类活动70余项，集中展示中国—东盟教育交流合作新成效，交流分享双方在高等教育、职业教育、基础教育、特殊教育、终身教育等领域的经验和成果，更好发挥交流周服务人文交流、深化教育合作、促进区域经济社会发展的作用。
图说：8月29日拍摄的2023中国—东盟教育交流周开幕式现场。