တရုတ်-အိန္ဒိယ နိုင်ငံခြားရေးဝန်ကြီးဌာန ဒုတိယဝန်ကြီး/ အတွင်းဝန် အဆင့် တွေ့ဆုံဆွေးနွေးပွဲ ပေကျင်းမြို့တွင် ကျင်းပ

ပေကျင်း၊ ဇန်နဝါရီ ၂၈ ရက် (ဆင်ဟွာ)

တရုတ်နိုင်ငံခြားရေးဝန်ကြီးဌာန ဒုတိယဝန်ကြီး စွန်းဝေ့တုန်းနှင့် အိန္ဒိယနိုင်ငံခြားရေးဝန်ကြီးဌာန အတွင်းဝန် Vikram Misri တို့သည် ဇန်နဝါရီ ၂၇ ရက်က ပေကျင်းမြို့တွင် တရုတ်-အိန္ဒိယ ဒုတိယဝန်ကြီး/ အတွင်းဝန် အဆင့် တွေ့ဆုံဆွေးနွေးပွဲ ကျင်းပခဲ့ရာ အဓိကအားဖြင့် တရုတ်-အိန္ဒိယ နှစ်နိုင်ငံခေါင်းဆောင်များ ကာဇန်တွေ့ဆုံဆွေးနွေးပွဲ အရေးကြီးသဘောတူညီချက်များ အကောင်အထည်ဖော်ဆောင်မှုကို တွန်းအားပေးခဲ့ကြသလို တရုတ်-အိန္ဒိယ ဆက်ဆံရေး ကောင်းမွန်စေရေး၊ တိုးတက်စေရေး အစီအမံများကို ဆွေးနွေးကြကြောင်း တရုတ်နိုင်ငံခြားရေးဝန်ကြီးဌာနဝက်ဘ်ဆိုက်သတင်းအရ သိရသည်။ ထိုသို့ ဆွေးနွေးရာတွင် အောက်ပါသဘောတူညီချက်များကို ရရှိခဲ့ပေသည်။

၁။ ရှန်ဟိုင်းပူးပေါင်းဆောင်ရွက်မှုအဖွဲ့ အလှည့်ကျဥက္ကဋ္ဌနိုင်ငံအဖြစ် တရုတ်နိုင်ငံ တာဝန်ယူဆောင်ရွက်သည့်အပေါ် အိန္ဒိယနိုင်ငံအနေဖြင့် အစွမ်းကုန် ထောက်ခံအားပေးသွားမည် ဖြစ်သလို ရှန်ဟိုင်းပူးပေါင်းဆောင်ရွက်မှုအဖွဲ့ မူဘောင်အောက်တွင် တရုတ်နိုင်ငံက ကြီးမှူးကျင်းပသည့် အစီအစဉ်များကို တက်ကြွစွာ ပါဝင်သွားမည် ဖြစ်သည်။
၂။ နှစ်ဖက်အနေဖြင့် နှစ်နိုင်ငံ၊ နိုင်ငံပေါင်းစုံ စသည့် ပလက်ဖောင်းများတွင် အလွှာအဆင့်ဆင့် တက်ကြွသော အပြန်အလှန်ဆက်ဆံမှုများ ဆောင်ရွက်သွားရန်၊ မဟာဗျူဟာညှိနှိုင်းမှုများ အားဖြည့်ရန်၊ နိုင်ငံရေး အပြန်အလှန်ယုံကြည်မှုအား တိုးမြှင့်ရန် သဘောတူညီကြသည်။

၃။ နှစ်ဖက်အနေဖြင့် ၂၀၂၅ ခုနှစ်တွင် တရုတ်-အိန္ဒိယ သံတမန်ဆက်ဆံရေးထူထောင်သည့် ၇၅ နှစ်ပြည့် အထိမ်းအမှတ် အတူတကွ ကျင်းပရန်၊ မီဒီယာနှင့် တတ်သိပညာရှင်များ ဖလှယ်မှု ဆောင်ရွက်ရန်၊ အရပ်ဘက်တွေ့ဆုံဆွေးနွေးမှုနှင့် အခြား လူမှုယဉ်ကျေးမှုဖလှယ်ရေး စသည့် အစီအစဉ်များ ဆောင်ရွက်သွားရန် သဘောတူညီကြသည်။

၄။ နှစ်ဖက်အနေဖြင့် တရုတ်နိုင်ငံ ပြည်မကြီးနှင့် အိန္ဒိယနိုင်ငံကို တိုက်ရိုက်လေကြောင်းလိုင်း ပြန်လည်ပြေးဆွဲရန်၊ နှစ်နိုင်ငံကြီးကြပ်ရေးဌာနများ ချိတ်ဆက်မှု တိုးတက်ရေး ပံ့ပိုးပေးရန်နှင့် အစီအမံများဆောင်ရွက်ရန်၊ နှစ်နိုင်ငံ လူပုဂ္ဂိုလ် ကူးလူးသွားလာမှုများနှင့် သတင်းထောက် အပြန်အလှန်စေလွှတ်မှုအတွက် အဆင်ပြေလွယ်ကူရေး ပံ့ပိုးပေးရန် သဘောတူညီကြသည်။

၅။ နှစ်ဖက်အနေဖြင့် ၂၀၂၅ ခုနှစ်တွင် တရုတ်နိုင်ငံ ရှီးဇန့်ဒေသ မြင့်မြတ်သောတောင်တန်းနှင့် ရေကန်များသို့ အိန္ဒိယ ဘုရားဖူးများ ပြန်လည်လာရောက်ရေး တွန်းအားပေးဆောင်ရွက်ရန် သဘောတူညီကြရာ သက်ဆိုင်ရာစီစဉ်မှုများအား အမြန်ဆုံး ညှိနှိုင်းဆွေးနွေးမည် ဖြစ်သည်။

၆။ နှစ်ဖက်အနေဖြင့် နယ်စပ်ဖြတ်ကျော် မြစ်ကြောင်းစီးဆင်းမှုကဏ္ဍ ပူးပေါင်းဆောင်ရွက်မှုများ ဆက်လက် ဆောင်ရွက်သွားရန် သဘောတူညီကြရာ နယ်စပ်ဖြတ်ကျော် မြစ်ကြောင်းစီးဆင်းမှုကဏ္ဍ ပညာရှင်အဆင့် ယန္တရားဆွေးနွေးပွဲအသစ်အား ဆောလျင်စွာ ကျင်းပကာ ဆွေးနွေးညှိနှိုင်းမှုများ ထားရှိမည် ဖြစ်သည်။

အဆိုပါတွေ့ဆုံဆွေးနွေးမှုတွင် တရုတ်နိုင်ငံက နှစ်ဖက်အနေဖြင့် တရုတ်-အိန္ဒိယ နှစ်နိုင်ငံနှင့် နှစ်နိုင်ငံပြည်သူများ၏ အခြေခံအကျိုးစီးပွားအတွက် ဆောင်ရွက်သင့်ရာ တရုတ်-အိန္ဒိယ ဆက်ဆံရေးကို မဟာဗျူဟာအဆင့်နှင့် ရေရှည်ရှုထောင့်မှ အခိုင်အမာ စီမံဆောင်ရွက်ရမည် ဖြစ်ကြောင်း၊ ရိုးသားပွင့်လင်းကာ အပြုသဘောဖြင့် နှစ်ဖက်ဖလှယ်ရေးနှင့် လက်တွေ့ပူးပေါင်းဆောင်ရွက်မှုများကို တက်ကြွစွာ မြှင့်တင်ရမည် ဖြစ်ကြောင်း၊ လူထုသဘောထားနှင့် ပြည်သူ့ဆန္ဒကို အပြုသဘောဆောင်စွာ လမ်းပြရမည် ဖြစ်ပြီး သံသယများကို ဖယ်ရှား၍ ယုံကြည်မှုကို တိုးမြှင့်ခြင်း၊ ကွဲလွဲမှုများအား သင့်လျော်ကောင်းမွန်အောင် စီမံခြင်းဖြင့် တရုတ်-အိန္ဒိယဆက်ဆံရေး ကောင်းမွန်တည်ငြိမ်သည့် လမ်းကြောင်းပေါ်တွင် ရှေ့သို့တိုးတက်ရေးကို တွန်းအားပေး ဆောင်ရွက်ရမည် ဖြစ်ကြောင်း အလေးထားပြောကြားခဲ့သည်။ တရုတ်-အိန္ဒိယ နှစ်ဖက်အနေဖြင့် မိမိတို့ ကိုယ်စီ ဂရုပြုကြသည့် ကိစ္စရပ်များအား ရိုးသားပွင့်လင်းစွာ ထဲထဲဝင်ဝင် အမြင်သဘောထားချင်းဖလှယ်ခဲ့ကြသည်။ (Xinhua)
………………………..
(Chinese Version)
中印副外长/外秘级对话在北京举行
外交部网站消息：1月27日，外交部副部长孙卫东同印度外秘唐勇胜在北京举行中印副外长/外秘级对话，重点推动落实中印两国领导人喀山会晤重要共识，研商中印关系改善发展举措。双方就以下具体举措达成共识：
一、印方愿全力支持中方担任上海合作组织轮值主席国工作，将积极参与中方在上海合作组织框架下主办的各项活动。
二、双方同意利用双多边等场合，开展各层级积极互动，加强战略沟通，增进政治互信。
三、双方同意共同纪念2025年中印建交75周年，开展媒体和智库交流、二轨对话及其他人文交流等活动。
四、双方同意恢复中国内地和印度间直航航班，支持两国主管部门对接推进，并采取措施，为两国人员往来和互派记者提供便利。
五、双方同意推动于2025年恢复印度香客赴中国西藏神山圣湖朝圣，将尽快协商有关安排。
六、双方同意继续开展跨境河流合作，就尽早举行新一轮跨境河流专家级机制会议保持沟通。
中方强调，双方应从中印两国和两国人民的根本利益出发，坚持从战略高度和长远角度看待和处理中印关系，以坦诚和建设性态度，积极促进对话交流和务实合作，正面引导舆论和民意，增信释疑，妥处分歧，推动中印关系沿着健康稳定轨道向前发展。中印双方并就各自关心的问题坦诚深入交换了意见。