အာရှဒေသဆိုင်ရာ ဘိုးအောက်ဖိုရမ် – ကမ္ဘာလုံးဆိုင်ရာ စိန်ခေါ်မှုများကို စည်းလုံးညီညွတ်စွာ ရင်ဆိုင်ကိုင်တွယ်ရန် ပြည်ပနိုင်ငံခေါင်းဆောင်များနှင့် ကုန်သည်စက်မှုလုပ်ငန်းကိုယ်စားလှယ်များက ဖွင့်ပွဲအခမ်းအနား အမှာစကားတွင် တိုက်တွန်း

ဟိုင်နန်၊ဘိုးအောက်၊ မတ် ၂၈ ရက် (ဆင်ဟွာ)
အာရှဒေသဆိုင်ရာ ဘိုးအောက်ဖိုရမ် ၂၀၂၅ ခုနှစ် နှစ်ပတ်လည် အစည်းအဝေး ဖွင့်ပွဲအခမ်းအနားကို မတ် ၂၇ ရက်က ဟိုင်နန်ပြည်နယ် ဘိုးအောက်မြို့နယ်တွင် ကျင်းပခဲ့သည်။ အစည်းအဝေးသို့ တက်ရောက်ကြသော ပြည်ပနိုင်ငံခေါင်းဆောင်များနှင့် ကုန်သည်စက်မှုကိုယ်စားလှယ်များက ဖွင့်ပွဲအမှာစကား ပြောကြားရာတွင် တရုတ်နိုင်ငံမှ အရေးကြီး အတွေးအခေါ်နှင့် အဆိုပြုချက်များစွာကို အဆိုပြုခဲ့ရာ ကမ္ဘာကြီးအတွက် တည်ငြိမ်မှုနှင့် သေချာရေရာမှုများကို ဖြည့်တင်းခဲ့ကြောင်း ပြောကြားခဲ့သည်။ ကမ္ဘာလုံးဆိုင်ရာ စိန်ခေါ်မှုများကို ရင်ဆိုင်ကိုင်တွယ်ရာတွင် နိုင်ငံအသီးသီးက စည်းလုံးညီညွတ်စွာ ပူးပေါင်းဆောင်ရွက်မှုများကို ပိုမိုအားဖြည့်၍ အာရှနှင့် ကမ္ဘာကြီး၏ သာယာလှပသောအနာဂတ်ကို အတူတကွတည်ဆောက်ရေးအတွက် အကျိုးဆောင်သင့်ကြောင်း ၎င်းတို့က ပြောကြားခဲ့သည်။

လာအိုနိုင်ငံ ဝန်ကြီးချုပ် Sonexay Siphandone က အမှာစကားပြောကြားရာတွင် လက်ရှိ ကမ္ဘာသည် ဘက်ပေါင်းစုံ စိန်ခေါ်မှုများနှင့် ရင်ဆိုင်နေရရာ အာရှနိုင်ငံအသီးသီးက ဒေသတွင်းနှင့် ကမ္ဘာလုံးဆိုင်ရာ အပြန်အလှန်ချိတ်ဆက်မှုများကို ဆက်လက် ပိုမိုမြှင့်တင်ရမည် ဖြစ်ကြောင်း၊ မူဝါဒညှိနှိုင်းမှုများကို ပိုမိုအားဖြည့်ကာ လူမှုယဉ်ကျေးမှု ကူးလူးဖလှယ်ရေးမှတစ်ဆင့် နားလည်မှုနှင့် အပြန်အလှန်ယုံကြည်မှုကို နက်ရှိုင်းအောင် ဆောင်ရွက်ရမည် ဖြစ်ကြောင်း ပြောကြားခဲ့သည်။ တရုတ်နိုင်ငံသည် အာရှသာမက ကမ္ဘာ့နိုင်ငံအသီးသီးနှင့် ပူးပေါင်းဆောင်ရွက်မှု တွန်းအားပေးသည့် ဖြစ်စဉ်အတွင်း အောင်မြင်သည့်အတွေ့အကြုံများစွာ ရရှိခဲ့ရာ ဦးဆောင်သည့်အခန်းကဏ္ဍမှ ပါဝင်ကြောင်း Sonexay Siphandone က ပြောကြားခဲ့သည်။

ဘင်္ဂလားဒေ့ရှ်နိုင်ငံ ယာယီအစိုးရ အကြံပေး အကြီးအကဲ Muhammad Yunus က အာရှနိုင်ငံများ၏ ကံကြမ္မာမှာ အတူ ရောယှက်လျက်ရှိရာ နိုင်ငံအသီးသီးအနေဖြင့် ဘဏ္ဍာရေး၊ ကုန်သွယ်ရေး၊ စိုက်ပျိုးရေးနှင့် လူရည်ချွန်ဖလှယ်ရေး စသည့်ကဏ္ဍများတွင် ပူးပေါင်းဆောင်ရွက်မှုများကို တစ်ဆင့်တိုးအားဖြည့် ဆောင်ရွက်ကာ ဘုံသာယာဝပြောသော၊ မျှဝေသောအနာအဂတ်ရှိသည့် တိကျရှင်းလင်းသော လမ်းပြမြေပုံကို အတူတကွ ရေးဆွဲသင့်ကြောင်း အမှာစကားတွင် ထည့်သွင်းပြောကြားခဲ့သည်။

Saudi Basic Industries Corporation ၏ အမှုဆောင်အရာရှိချုပ် Abdulrahman Al-Fageeh က ဆော်ဒီအာရေဗျ၏ “၂၀၃၀ ပြည့်နှစ် မျှော်မှန်းချက်” နှင့် “ရပ်ဝန်းနှင့် ပိုးလမ်းမ” အတူတကွ တည်ဆောက်ရေး အဆိုပြုချက်သည် နီးကပ်သော ချိတ်ဆက်မှုများရှိကြောင်း၊ နိုင်ငံဖြတ်ကျော် ရင်းနှီးမြှုပ်နှံမှုများနှင့် နည်းပညာဖလှယ်ရေးအတွက် အခွင့်အလမ်းများစွာ ဖန်တီးပေးကာ စီးပွားရေးတိုးတက်ရေးကို တွန်းအား ဖြစ်စေကြောင်း အမှာစကားတွင် ပြောကြားခဲ့သည်။ နိုင်ငံအသီးသီးအနေဖြင့် ညှိနှိုင်းပူးပေါင်းဆောင်ရွက်မှုများ တစ်ဆင့်တိုးအားဖြည့်ရန်၊ လုပ်ငန်းကဏ္ဍဖြတ်ကျော်၊ ဒေသဖြတ်ကျော်သည့် နီးကပ်သောဆက်သွယ်မှုများ တည်ထောင်ရန်၊ နည်းပညာ၊ ကုန်စည်ပစ္စည်းနှင့် အရင်းအနှီးများ လွတ်လပ်စွာ စီးဆင်းမှုကို နက်ရှိုင်းအောင် ဆောင်ရွက်ရန် ၎င်းက တိုက်တွန်းပြောကြားခဲ့သည်။
အာရှဒေသဆိုင်ရာ ဘိုးအောက်ဖိုရမ် (BFA) ၂၀၂၅ ခုနှစ် နှစ်ပတ်လည်အစည်းအဝေးကို “ကမ္ဘာ့ အခင်းအကျင်း အပြောင်းအလဲများကြား အာရှအနာဂတ်ကို အတူတကွဖန်တီးမည်” ဟူသော ခေါင်းစဉ်ဖြင့် မတ် ၂၅ ရက်မှ မတ် ၂၈ ရက်အထိ ဟိုင်နန်ပြည်နယ် ဘိုးအောက်မြို့နယ်တွင် ကျင်းပခြင်း ဖြစ်သည်။ (Xinhua)

—————–
(Chinese Version)
博鳌亚洲论坛｜外方领导人和工商界代表开幕式致辞呼吁团结应对全球性挑战
新华社海南博鳌3月27日电（记者宿亮　王沛）博鳌亚洲论坛2025年年会开幕式27日在海南博鳌举行。与会外方领导人和工商界代表在开幕式致辞中表示，中方提出的一系列重大理念和倡议为世界注入了稳定性和确定性。面对全球性挑战，各国应加强团结协作，为共建亚洲和世界美好未来作出贡献。
老挝总理宋赛在致辞中表示，当前世界面临多方面挑战，亚洲各国必须继续加强地区和全球互联互通，加强政策协调，通过人文交往加深理解与互信。宋赛说，中国在推动亚洲乃至世界各国合作的过程中积累了成功经验，发挥了引领作用。
孟加拉国临时政府首席顾问尤努斯在致辞中说，亚洲国家的命运交织在一起，各国应在财金、贸易、农业和人才交流等方面进一步强化合作，规划共同繁荣、共享未来的明确路线图。
沙特基础工业公司首席执行官阿卜杜拉哈曼·阿尔-法季在致辞中表示，沙特“2030愿景”与共建“一带一路”倡议紧密对接，为跨国投资和技术交流创造大量机遇，推动经济发展。他呼吁，各国进一步加强协作，建立跨行业、跨地区的紧密联系，深化技术、商品和资本的自由流动。
博鳌亚洲论坛2025年年会3月25日至28日在海南博鳌举行，主题为“在世界变局中共创亚洲未来”。（完）
1. 3月27日，博鳌亚洲论坛2025年年会开幕式在海南博鳌举行。 新华社记者 杜潇逸 摄