တရုတ်-အမေရိကန် ကုန်သွယ်စီးပွားရေး အဆင့်မြင့်အလွှာ တွေ့ဆုံဆွေးနွေးမှုနှင့် စပ်လျဉ်း၍ တရုတ်နိုင်ငံ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ပြောခွင့်ရပုဂ္ဂိုလ်က သတင်းထောက် မေးမြန်းမှုကို ဖြေကြား

ပေကျင်း၊ မေ ၇ ရက် (ဆင်ဟွာ)

အမေရိကန်အစိုးရသစ် အာဏာရချိန်မှစ၍ စည်းမျဉ်းချိုးဖောက်သော၊ တရားနည်းလမ်းမကျသော တစ်ဖက်သတ် စည်းကြပ်ခွန်အစီအမံများစွာ ကျင့်သုံးခဲ့ရာ တရုတ်-အမေရိကန် စီးပွားရေးနှင့် ကုန်သွယ်ရေး ဆက်ဆံမှုကို ပြင်းထန်စွာ ထိုးနှက်မှုဖြစ်စေပြီး နိုင်ငံတကာ ကုန်သွယ်စီးပွား စည်းနစ်ကိုလည်း ဆိုးရွားသော အနှောင့်အယှက်ဖြစ်စေကာ ကမ္ဘာ့စီးပွားရေး ပြန်လည်နာလန်ထူရေး တိုးတက်မှုအတွက်လည်း ပြင်းထန်သော စိန်ခါ်မှုများ သယ်ဆောင်လာကြောင်း တရုတ်နိုင်ငံ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ပြောခွင့်ရပုဂ္ဂိုလ်က မေ ၇ ရက်တွင် ပြောကြားခဲ့သည်။

တရုတ်နိုင်ငံအနေဖြင့် မိမိ၏တရားဝင် အခွင့်အရေးနှင့် အကျိုးစီးပွားကို ကာကွယ်ရန်အတွက် ပြတ်သား၍ အားကောင်းသော တန်ပြန်လုပ်ဆောင်ချက်များ လုပ်ဆောင်ခဲ့ကြောင်း၊ လတ်တလောတွင် အမေရိကန် အဆင့်မြင့်အလွှာက စည်းကြပ်ခွန်အစီအမံအား ပြင်ဆင်ရန်အတွက် အဆက်မပြတ် သတင်းလွှင့်ခဲ့ကြောင်း၊ ထို့ပြင် စည်းကြပ်ခွန်အရေးကိစ္စနှင့်စပ်လျဉ်း၍ တရုတ်နိုင်ငံနှင့် ဆွေးနွေးရန် မျှော်လင့်မှုကို နည်းလမ်းမျိုးစုံဖြင့် တရုတ်နိုင်ငံထံ သတင်းစကားပေးလာခဲ့ကြောင်း ၎င်းက ပြောကြားခဲ့သည်။

တရုတ်နိုင်ငံအနေဖြင့် အမေရိကန်၏ သတင်းအချက်အလက်များအား သေချာစွာအကဲဖြတ်မှု လုပ်ဆောင်ခဲ့ကြောင်း၊ တစ်ကမ္ဘာလုံး၏မျှော်လင့်ချက်၊ တရုတ်နိုင်ငံ၏ အကျိုးစီးပွား၊ အမေရိကန် လုပ်ငန်းလောကနှင့် စားသုံးသူများ၏ တိုက်တွန်းတောင်းဆိုချက်အား အပြည့်အဝ ထည့်သွင်းစဉ်းစားမှုကို အခြေခံ၍ တရုတ်နိုင်ငံဘက်က အမေရိကန်နှင့် ထိတွေ့ဆက်ဆံမှုလုပ်ဆောင်ရန် သဘောတူ ဆုံးဖြတ်ခဲ့ကြောင်း၊ တရုတ်နိုင်ငံ နိုင်ငံတော်ကောင်စီ ဒုတိယဝန်ကြီးချုပ် ဟယ်လိဖုန်းသည် တရုတ်-အမေရိကန် ကုန်သွယ်စီးပွားရေးတွင် တရုတ်နိုင်ငံဘက်မှဦးဆောင်သူအနေဖြင့် ဆွစ်ဇာလန်နိုင်ငံသို့ ခရီးစဉ်သွားရောက်သည့်ကာလအတွင်း အမေရိကန်ဘက်မှ ဦးဆောင်သူ အမေရိကန် ဘဏ္ဍာရေးဝန်ကြီး စကော့ဘတ်စ်စန့်နှင့် တွေ့ဆုံဆွေးနွေးသွားမည်ဖြစ်ကြောင်း ၎င်းက ပြောကြားခဲ့သည်။

တရုတ်နိုင်ငံ နိုင်ငံတော်ကောင်စီ ဒုတိယဝန်ကြီးချုပ် ဟယ်လိဖုန်းသည် မေ ၉ ရက်မှ ၁၂ ရက်အထိ ဆွစ်ဇာလန်နိုင်ငံသို့ ခရီးစဉ်သွားရောက်၍ ထိုခရီးစဉ်အတွင်း အမေရိကန်နှင့် တွေ့ဆုံဆွေးနွေးမှု လုပ်ဆောင်မည်ဟု တရုတ်နိုင်ငံ နိုင်ငံခြားရေးဝန်ကြီးဌာနက မေ ၇ ရက် အစောပိုင်းတွင် သတင်းထုတ်ပြန်ခဲ့ကြောင်း၊ စီးပွားရေးနှင့် ကူးသန်းရောင်းဝယ်ရေးဝန်ကြီးဌာနက ယခုအကြိမ် တွေ့ဆုံဆွေးနွေးမှု၏ နောက်ခံအကြောင်းအရာနှင့် သက်ဆိုင်ရာ ထည့်သွင်းစဉ်းစားမှုများကို မိတ်ဆက်ပေးနိုင်မည်လောဟု သတင်းထောက်က မေးမြန်းခဲ့ရာ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ပြောခွင့်ရပုဂ္ဂိုလ်က အထက်ပါအတိုင်း တုံ့ပြန်ခဲ့ခြင်းဖြစ်သည်။

တရုတ်နိုင်ငံ၏ ရပ်တည်ချက်သည် ပြောင်းလဲမှုမရှိကြောင်း၊ စစ်ပွဲဆင်နွှဲသည်ဖြစ်စေ တွေ့ဆုံဆွေးနွေးသည်ဖြစ်စေ တရုတ်နိုင်ငံက မိမိ၏ ဖွံ့ဖြိုးတိုးတက်မှု အကျိုးစီးပွားအား ထိန်းသိမ်းကာကွယ်သည့် ဆုံးဖြတ်ချက်သည် ပြောင်းလဲမည်မဟုတ်ကြောင်း၊ နိုင်ငံတကာ တရားမျှတမှုနှင့် နိုင်ငံတကာ ကုန်သွယ်စီးပွား စည်းစနစ်အား ကာကွယ်ထိန်းသိမ်းသည့် ရပ်တည်ချက်နှင့် ရည်မှန်းချက်သည် ပြောင်းလဲမည်မဟုတ်ကြောင်း၊ စစ်ပွဲဆင်နွှဲလိုပါက အဆုံးတိုင် ဆင်နွှဲသွားမည်ဖြစ်သလို ဆွေးနွေးလိုပါကလည်း တံခါးဖွင့်ထားကြောင်း၊ တွေ့ဆုံဆွေးနွေးညှိနှိုင်းမှုများသည် အပြန်အလှန်လေးစားမှုရှိသော၊ တန်းတူညီမျှဖြစ်၍ ညှိနှိုင်းမှုရှိသော၊ အပြန်အလှန် အကျိုးဖြစ်ထွန်းသော အခြေအနေတွင် ဖော်ဆောင်ရမည်ဖြစ်ကြောင်း ပြောခွင့်ရပုဂ္ဂိုလ်က ပြောကြားခဲ့သည်။

တရုတ်နိုင်ငံတွင် “လူတစ်ဦး၏ အကျင့်စာရိတ္တကို သိရှိလိုပါက ၎င်းပြောကြားသည့်စကားကို နားဆင်ရမည့်အပြင် ၎င်း၏လုပ်ဆောင်ချက်များကိုလည်း လေ့လာရမည်” ဟူသော ရှေးဆိုရိုးစကား တစ်ခွန်းရှိကြောင်း၊ အမေရိကန်က ဆွေးနွေးညှိနှိုင်းမှုဖြင့် ပြဿနာကို ဖြေရှင်းလိုပါက တစ်ဖက်သတ်စည်းကြပ်ခွန် အစီအမံကြောင့် မိမိကိုယ်တိုင်နှင့် ကမ္ဘာကြီးအပေါ် သယ်ဆောင်လာသော ဆိုးရွားသည့် အနုတ်လက္ခဏာ သက်ရောက်မှုများကို မှန်ကန်စွာရှုမြင်ရမည်ဖြစ်ကြောင်း၊ နိုင်ငံတကာ ကုန်သွယ်စီးပွား စည်းမျဉ်းစည်းကမ်း၊ တရားမျှတ၊ သမာသမတ်ကျမှုနှင့် နယ်ပယ်အသီးသီးက ဓမ္မဓိဋ္ဌာန်ကျသော အသံများကို မှန်ကန်စွာ ရှုမြင်ရမည်ဖြစ်ကြောင်း၊ ဆွေးနွေးညှိနှိုင်းလိုသည့် စေတနာအမှန်ဖြင့် မှားယွင်းသောလုပ်ရပ်ကို ပြင်ဆင်ပြီး တရုတ်နိုင်ငံနှင့် စိတ်တူကိုယ်တူလုပ်ဆောင်၍ တန်းတူညီမျှစွာ ဆွေးနွေးညှိနှိုင်းခြင်းဖြင့် နှစ်ဖက် ဂရုပြုမှုများကို ဖြေရှင်းရမည်ဖြစ်ကြောင်း ၎င်းက ပြောကြားခဲ့သည်။
အပြောတစ်မျိုး အလုပ်တစ်မျိုးဖြစ်သည့်အပြင် တွေ့ဆုံဆွေးနွေးမည်ဟု အကြောင်းပြ၍ ခြိမ်းခြောက် အကျပ်ကိုင်မှုများ ဆက်လက်လုပ်ဆောင်နေမည်ဆိုပါက တရုတ်နိုင်ငံဘက်က လုံးဝသဘောတူမည် မဟုတ်သလို သဘောတူညီချက်ရရှိရန်အတွက် အခြေခံမူနှင့် ရပ်တည်ချက်၊ နိုင်ငံတကာ တရားမျှတမှုတို့ကို စတေးခံသွားမည်လည်း မဟုတ်ကြောင်း ၎င်းက ပြောကြားခဲ့သည်။

အချို့သော စီးပွားရေးအစုအဖွဲ့များကလည်း အမေရိကန်နှင့် ဆွေးနွေးညှိနှိုင်းမှု လုပ်ဆောင်နေသည်ကို တရုတ်နိုင်ငံက သတိထားမိကြောင်း၊ အရှုံးပေးနှစ်သိမ့်ခြင်းသည် ငြိမ်းချမ်းရေးကို မရရှိနိုင်သလို အလျှော့ပေး သဘောတူခြင်းကလည်း လေးစားမှုကို ရရှိနိုင်မည်မဟုတ်သည်ကို အလေးထား ပြောကြားလိုကြောင်း၊ အခြေခံမူရပ်တည်ချက်နှင့် တရားမျှတမှုကို ကိုင်စွဲထားခြင်းကသာလျှင် မိမိကိုယ်ပိုင် အကျိုးစီးပွားကို ကာကွယ်ထိန်းသိမ်းသည့် မှန်ကန်သောလမ်းကြောင်းဖြစ်ကြောင်း ပြောခွင့်ရပုဂ္ဂိုလ်က ပြောကြားခဲ့သည်။

နိုင်ငံတကာအခြေအနေ မည်သို့ပင် ပြောင်းလဲစေကာမူ တရုတ်နိုင်ငံအနေဖြင့် အမြဲတစေ တံခါးဖွင့်လှစ်မှု တိုးချဲ့ခြင်းအား မမှိတ်မသုန် ဖော်ဆောင်၍ ကမ္ဘာ့ကုန်သွယ်ရေးအဖွဲ့ (WTO) အား ဗဟိုပြုသည့် နိုင်ငံစုံ ကုန်သွယ်ရေးယန္တရားကို ခိုင်မာစွာ ကာကွယ်ထိန်းသိမ်းကာ ကမ္ဘာ့နိုင်ငံအသီးသီးအတူ ဖွံ့ဖြိုးတိုးတက်မှု အခွင့်အလမ်းများအား မယိမ်းမယိုင် အတူမျှဝေသွားမည်ဖြစ်ကြောင်း၊ တရုတ်နိုင်ငံသည် ဘက်အသီးသီးနှင့်အတူ အပြန်အလှန်အကျိုးဖြစ်ထွန်းသော ပူးပေါင်းဆောင်ရွက်မှုကို အဆက်မပြတ် နက်ရှိုင်းအောင် ဖော်ဆောင်၍ ညှိနှိုင်းဆွေးနွေးမှုကို မြှင့်တင်ကာ တစ်ဖက်သတ် ကိုယ်ကျိုးစီးပွားကာကွယ်ရေးဝါဒနှင့် ဗိုလ်ကျအနိုင်ကျင့်မှု လုပ်ရပ်များကို အတူတကွဆန့်ကျင်ပြီး လွတ်လပ်စွာကုန်သွယ်ရေးနှင့် နိုင်ငံစုံ ပူးပေါင်းဆောင်ရွက်ရေးဝါဒကို အတူတကွ ကာကွယ်ထိန်းသိမ်းခြင်းဖြင့် အများအကျိုးဖြစ်ထွန်း၍ အားလုံးပါဝင်သော စီးပွားရေး ဂလိုဘယ်လိုက်ဇေးရှင်း တည်ဆောက်မှုအား တွန်းအားပေးသွားရန် ဆန္ဒရှိကြောင်း ၎င်းက ပြောကြားခဲ့သည်။ (Xinhua)

——————–
(Chinese Version)
商务部新闻发言人就中美经贸高层会谈答记者问
新华社北京5月7日电 商务部新闻发言人7日表示，美国新政府上任以来，采取了一系列违规、无理的单边关税措施，严重冲击中美经贸关系，严重扰乱国际经贸秩序，也给世界经济复苏增长带来严峻挑战。中方为捍卫自身正当权益，采取了坚决有力反制。近期，美方高层不断就调整关税措施放风，并通过多种渠道主动向中方传递信息，希望就关税等问题与中方谈起来。中方对美方信息进行了认真评估。在充分考虑全球期待、中方利益、美国业界和消费者呼吁的基础上，中方决定同意与美方进行接触。国务院副总理何立峰作为中美经贸中方牵头人，将在访问瑞士期间，与美方牵头人美国财长贝森特举行会谈。
有记者问：5月7日早，外交部发布消息，何立峰副总理将于5月9日-12日访问瑞士，期间与美方举行会谈。请问商务部能否介绍一下此次会谈的背景和相关考虑？商务部新闻发言人作出上述回应。
发言人表示，中方的立场是一贯的，无论是打还是谈，中方维护自身发展利益的决心不会改变，捍卫国际公平正义、维护国际经贸秩序的立场和目标不会改变。打，奉陪到底；谈，大门敞开。任何对话谈判必须在相互尊重、平等协商、互惠互利的前提下开展。中国有句古话，“听其言而观其行”。美方想要通过谈判解决问题，就要正视单边关税措施给自身和世界带来的严重负面影响，正视国际经贸规则、公平正义和各界理性声音，拿出谈的诚意，纠正错误做法，与中方相向而行，通过平等协商解决双方关切。如果说一套、做一套，甚至企图以谈为幌子，继续搞胁迫讹诈，中方绝不会答应，更不会牺牲原则立场、牺牲国际公平正义去寻求达成任何协议。
发言人说，中方注意到，一些经济体也正在与美方进行谈判。需要强调的是，绥靖换不来和平，妥协得不到尊重，坚持原则立场、坚持公平正义，才是维护自身利益的正确之道。无论国际风云如何变幻，中方将始终坚定不移扩大开放，坚定不移维护以世贸组织为核心的多边贸易体制，坚定不移与世界各国共享发展机遇。中方愿与各方一道，不断深化互利合作，加强沟通协调，共同抵制单边保护主义和霸权霸凌行径，共同维护自由贸易和多边主义，推动建设普惠包容的经济全球化。（完）