တရုတ်နိုင်ငံ သမ္မတ ရှီကျင့်ဖိန်နှင့် ရုရှားနိုင်ငံ သမ္မတ ပူတင်တို့ လက်ဖက်ရည်စကားဝိုင်းဖြင့် စကားစမြည် ပြောဆိုဆွေးနွေး

မော်စကို၊ မေ ၉ ရက် (ဆင်ဟွာ)

တရုတ်နိုင်ငံ သမ္မတ ရှီကျင့်ဖိန်နှင့် ရုရှားနိုင်ငံ သမ္မတ ပူတင် တို့သည် ဒေသစံတော်ချိန် မေ ၈ ရက် ညနေပိုင်းတွင် ကရင်မလင်နန်းတော်ရှိ သမ္မတရုံး၌ လက်ဖက်ရည်စကားဝိုင်းဖြင့် စကားစမြည် ပြောဆိုဆွေးနွေးခဲ့သည်။

ထိုသို့ တွေ့ဆုံရာတွင် ရှီကျင့်ဖိန်က ကမ္ဘာသည် မတည်မငြိမ် ပြောင်းလဲနေသည့် ကာလသစ်သို့ ဝင်ရောက်လျက်ရှိကြောင်း ထောက်ပြပြောကြားခဲ့သည်။ တရုတ်-ရုရှား အနေဖြင့် မဟာဗျူဟာ သန္နိဋ္ဌာန်ထားရှိပြီး မဟာဗျူဟာ ညှိနှိုင်းပူးပေါင်းဆောင်ရွက်မှုများကို အခိုင်အမာ ဆောင်ရွက်မည်ဆိုလျှင် မည်သည့်အင်အားစုကမျှ နှစ်နိုင်ငံ ကိုယ်စီဖွံ့ဖြိုးတိုးတက်ရေး ဖော်ဆောင်ခြင်းကို တားဆီး၍မရသလို တရုတ်-ရုရှား ခေတ်အဆက်ဆက်ချစ်ကြည်ရေး၏ ပြည်သူ့ဆန္ဒ၊ ကမ္ဘာဗဟုဝင်ရိုးအသွင်ပြောင်းရေးနှင့် စီးပွားရေး ကမ္ဘာလုံးဆိုင်ရာအသွင်ပြောင်းရေး၏ ခေတ်ရေစီးကြောင်းကို တားဆီး၍ ရမည်မဟုတ်ကြောင်း၊ မိမိအနေဖြင့် သမ္မတပူတင်နှင့် နီးကပ်သည့်ဆက်သွယ်မှုများ ထိန်းသိမ်းထားရှိကာ တရုတ်-ရုရှား ဆက်ဆံရေးအတွက် လမ်းညွှန်ဦးဆောင်မှု၊ ကမ္ဘာလုံးဆိုင်ရာ စီမံခန့်ခွဲမှု တွန်းအားပေးရေးအတွက် အပြုသဘော အကျိုးဆောင် ပံ့ပိုးသွားလိုကြောင်း ၎င်းက ပြောကြားခဲ့သည်။

ပူတင်က ရုရှား-တရုတ်သည် အစဉ်အမြဲအားဖြင့် တစ်လှေတည်းစီး တစ်ခရီးတည်းသွား၍ အပြန်အလှန် အားပေးထောက်ခံကြရာ နှစ်နိုင်ငံ၏ ချစ်ကြည်ရေးမှာ မဖောက်ဖျက်နိုင်အောင် ခိုင်မာမြဲမြံကြောင်း ပြောကြားခဲ့သည်။ မိမိအနေဖြင့် သမ္မတ ရှီကျင့်ဖိန်နှင့်အတူ မဟာဗျူဟာ ညှိနှိုင်းဆွေးနွေးမှုများ အနီးကပ် ထိန်းသိမ်းထားလိုကြောင်း၊ နှစ်နိုင်ငံဆက်ဆံရေး တိုးတက်ရန်အတွက် မဟာဗျူဟာလမ်းညွှန်မှု ပံ့ပိုးကာ နိုင်ငံတကာရှုပ်ထွေးလှသည့်အခြေအနေများ၏ စိန်ခေါ်မှုကို အတူတကွ ရင်ဆိုင်ပြီး ဘက်စုံမဟာဗျူဟာ ညှိနှိုင်းပူးပေါင်းဆောင်ရွက်မှုကို နက်ရှိုင်းအောင် ဆောင်ရွက်သွားလိုကြောင်း၊ နှစ်နိုင်ငံဘုံအကျိုးစီးပွားကို ကာကွယ်ထိန်းသိမ်းကာ ကမ္ဘာကြီးကို တရားမျှတသော၊ ဒီမိုကရေစီဆန်သော၊ ဗဟုဝင်ရိုးအသွင်ဖြစ်သော ဦးတည်ချက်သို့ ဖွံ့ဖြိုးတိုးတက်အောင် တွန်းအားပေး ဆောင်ရွက်သွားလိုကြောင်း ၎င်းက ပြောကြားခဲ့သည်။

ထို့ပြင် နှစ်နိုင်ငံခေါင်းဆောင်များက ယူကရိန်းအကျပ်အတည်း စသည့် ကိစ္စရပ်များအပေါ် အမြင်ချင်းဖလှယ် ဆွေးနွေးခဲ့ကြသည်။ ယူကရိန်းအကျပ်အတည်းနှင့်စပ်လျဉ်း၍ ရှီကျင့်ဖိန်က တရုတ်နိုင်ငံသည် ဘုံဖြစ်သော၊ ဘက်စုံဖြစ်သော၊ ပူးပေါင်းဆောင်ရွက်သောနှင့် စဉ်ဆက်မပြတ်ဖြစ်သော ကမ္ဘာလုံးဆိုင်ရာ လုံခြုံရေးအမြင်ကို အဆိုပြု၍လက်ကိုင်ထားကြောင်း၊ နိုင်ငံအသီးသီး၏ လျော်ကန်မှုရှိသော လုံခြုံရေးကဏ္ဍ စိုးရိမ်မှုများကို အလေးထားကာ အန္တရာယ်ဖြစ်ပွားစေသည့် အရင်းအမြစ်ကို ဖယ်ရှားသင့်သည်ဟု ယူဆကြောင်း၊ တရုတ်နိုင်ငံဘက်က ငြိမ်းချမ်းရေးအတွက် အကျိုးရှိသည့် ကြိုးပမ်းမှုမှန်သမျှကို ကြိုဆိုကြောင်း၊ တွေ့ဆုံဆွေးနွေးမှုမှတစ်ဆင့် တရားမျှတမှု၊ ရေရှည်ဖြစ်မှု၊ စည်းနှောင်မှုရှိပြီး အချင်းဖြစ်ပွားသူဘက်ပေါင်းစုံက လက်ခံနိုင်သည့် ငြိမ်းချမ်းရေးသဘောတူညီချက်တစ်ခု ရရှိနိုင်ရန် မျှော်လင့်ကြောင်း ပြောကြားခဲ့သည်။

ပူတင်က နိုင်ငံရေးနည်းလမ်းဖြင့် ယူကရိန်းအကျပ်အတည်းအား ဖြေရှင်းရာတွင် တရုတ်နိုင်ငံ၏ ဓမ္မဓိဋ္ဌာန်ကျ၍ တရားမျှတသည့် ရပ်တည်ချက်ကို အထူးတန်ဖိုးထားချီးကျူးပါကြောင်း၊ ရုရှားအနေဖြင့် ကြိုတင်သတ်မှတ်ချက်များ မထားရှိဘဲ ငြိမ်းချမ်းရေးဆွေးနွေးမှုကို စတင်လိုရာ တရားမျှတ၍ ရေရှည်ဖြစ်သော ငြိမ်းချမ်းရေးသဘောတူညီချက် ရရှိမည်ဟု မျှော်လင့်ကြောင်း ပြောကြားခဲ့သည်။ (Xinhua)
——————–
(Chinese Version)
习近平同俄罗斯总统普京茶叙
新华社莫斯科5月8日电（记者杨依军　刘恺）当地时间5月8日下午，俄罗斯总统普京同中国国家主席习近平在克里姆林宫总统办公室进行茶叙。
习近平指出，世界进入新的动荡变革期。只要中俄保持战略定力，坚持战略协作，就任何力量也阻挡不了两国实现各自发展振兴，阻挡不了中俄世代友好的民心所向，阻挡不了世界多极化和经济全球化的时代潮流。我愿同普京总统保持紧密联系，为中俄关系定向领航，为推动全球治理作出积极贡献。
普京表示，俄中始终同舟共济、相互支持，两国友谊牢不可破。我愿同习近平主席保持密切战略沟通，为两国关系发展提供战略指引，共同应对国际复杂形势挑战，深化全面战略协作，维护两国共同利益，推动世界向公正、民主、多极化方向发展。
两国元首就乌克兰危机等问题交换意见。习近平指出，对乌克兰危机，中方倡导并坚持共同、综合、合作、可持续的全球安全观，认为应重视各国合理安全关切，消除产生危机的根源。中方欢迎一切有利于和平的努力，期待通过对话达成一个公平、持久、有约束力并被各当事方所接受的和平协议。
普京高度赞赏中方在政治解决乌克兰危机问题上的客观公正立场，表示俄方愿不设前提条件开启和谈，希望达成公正、持久的和平协议。（完）
1. 当地时间5月8日下午，俄罗斯总统普京同中国国家主席习近平在莫斯科克里姆林宫总统办公室进行茶叙。 新华社记者 谢环驰 摄