ယူကရိန်းနိုင်ငံတွင် လူသားချင်းစာနာထောက်ထားမှုဆိုင်ရာ အကျပ်အတည်း ပြီးဆုံးရန်မှာ ပဋိပက္ခအား ဆောလျင်စွာအဆုံးသတ်ရေးပင်ဖြစ်ကြောင်း တရုတ်သံတမန်ပြော

ကုလသမဂ္ဂ၊ ဧပြီ ၂၀ ရက် (ဆင်ဟွာ)

ယူကရိန်နိုင်ငံရှိ လူသားချင်းစာနာထောက်ထားမှုဆိုင်ရာအကျပ်အတည်းကို ဖြေရှင်းရန် အခြေခံကျသောနည်းလမ်းမှာ ပဋိပက္ခကို ဆောလျင်စွာအဆုံးသတ်ရေးပင်ဖြစ်ကြောင်း ကုလသမဂ္ဂဆိုင်ရာ တရုတ်နိုင်ငံ အမြဲတမ်းကိုယ်စားလှယ် ကျန်းကျွင်းက ဧပြီ ၁၉ ရက်၌ ပြောကြားခဲ့သည်။
“ရုရှားနဲ့ ယူကရိန်းတို့ကို ဆွေးနွေးမှုနဲ့ ညှိနှိုင်းရေး၊ မတူညီမှုတွေကို စဉ်ဆက်မပြတ်ကျဉ်းမြောင်းစေရေးနဲ့ အပစ်အခတ်ရပ်စဲရေး အခြေအနေတွေ စုစည်းရေး စတဲ့ အထွေထွေလမ်းကြောင်းကို လိုက်နာဖို့ ကျွန်တော်တို့ ပြောနေပါတယ်” ဟု ကျန်းက ယူကရိန်းနိုင်ငံ၏ လူသားချင်းစာနာထောက်ထားမှုအရေးဆိုင်ရာ လုံခြုံရေးကောင်စီ အစည်းအဝေး၌ ပြောခဲ့သည်။

အရပ်သားများအား ကာကွယ်ရေးတွင်လည်း ပဋိပက္ခကြောင့် အရပ်သားများ ထိခိုက်နိုင်ခြေလျှော့ချရန် လုပ်ဆောင်နိုင်သမျှအရာတိုင်း ဆောင်ရွက်သွားရမည်ဟု ကျန်းက ဆိုသည်။

“တရုတ်နိုင်ငံက ပဋိပက္ခနှင့်ဆက်စပ်တဲ့နိုင်ငံတွေကို ထိန်းထိန်းသိမ်းသိမ်းဆောင်ရွက်ကြဖို့၊ နိုင်ငံတကာ လူသာချင်းစာနာထောက်ထားမှုဥပဒေကို တင်းကျပ်စွာလိုက်နာဖို့၊ အရပ်သားတွေနဲ့ အရပ်သားပိုင် အဆောက်အအုံတွေကို ကာကွယ်ဖို့၊ ဘေးလွတ်ရာရွှေ့ပြောင်းရေးနဲ့ လူသားချင်းစာနာထောက်ထားမှု အကူအညီ လည်ပတ်ရေးများ အဆင်ပြေချောမွေ့စေဖို့ ထပ်မံပြောကြားလိုက်ပါတယ်” ဟု အဆိုပါ သံတမန်က ပြောခဲ့သည်။

“နိုင်ငံတွေအနေနဲ့ လူသားချင်းစာနာထောက်ထားမှုကိစ္စရပ်များအပေါ် ဆက်သွယ်မှုအားကောင်းသင့်သလို လူသားချင်းစာနာထောက်ထားမှုစင်္ကြံများ ဖွင့်လှစ်ခြင်းနဲ့ တပ်ဖွဲ့ဝင်တွေ ဘေးကင်းစွာရွှေ့ပြောင်းဖို့ စုစည်းခြင်းစတဲ့ ကိစ္စရပ်တွေအပေါ် ညှိနှိုင်းတာနဲ့ ပူးပေါင်းဆောင်ရွက်တာတွေ ဆောင်ရွက်သင့်ပါတယ်” ဟု ၎င်းက ဖြည့်စွက်ပြောခဲ့သည်။

“ဘေးကင်းနဲ့ ခိုလှုံရာတွေနဲ့ လူသားချင်းစာနာထောက်ထားမှုအကူအညီတွေ ပံ့ပိုးပေးနေတဲ့ ယူကရိန်းနိုင်ငံရဲ့ အိမ်နီးချင်းနိုင်ငံတွေကို တရုတ်နိုင်ငံက ကျေးဇူးတင်ပါတယ်” ဟု ၎င်းက ပြောခဲ့သည်။
ဒဏ်ခတ်ပိတ်ဆို့မှုများနှင့် ပတ်သက်၍ ၎င်းသံတမန်က “ကျွန်တော်တို့အနေနဲ့ ဒဏ်ခတ်ပိတ်ဆို့မှုတွေရဲ့ မကောင်းတဲ့သက်ရောက်မှုကို အာရုံစိုက်ရမှာဖြစ်သလို လျှော့ချရမှာဖြစ်ပါတယ်” ဟု ပြောခဲ့သည်။

“ဖွံ့ဖြိုးဆဲနိုင်ငံများစွာဟာ ပဋိပက္ခအတွက် ကြီးမားစွာပေးဆပ်ရမယ့်နိုင်ငံတွေမဟုတ်ပါဘူး။ ဒါဟာ မျှတမှုမရှိသလို ကျိုးကြောင်းဆီလျော်မှုလည်းမရှိပါဘူး။ နိုင်ငံတကာအသိုင်းအဝိုင်းအနေနဲ့ အစားအစာနဲ့ စွမ်းအင် ပေးပို့မှု၊ ဈေးနှုန်းတည်ငြိမ်မှု ထိန်းသိမ်းရေးအားကောင်းဖို့နဲ့ မလိုအပ်တဲ့ ပို့ကုန်ကန့်သတ်ချက်တွေကို ရှောင်ရှားဖို့ လုပ်ဆောင်သင့်တယ်” ဟု ကျန်းက ဆိုသည်။

“အခြားနိုင်ငံရဲ့ နိုင်ငံခြားအရန်ငွေတွေကို စိတ်ကူးပေါက်ရာ ပိတ်ပင်ထားတာက အချုပ်အခြာအာဏာကို ချိုးဖောက်မှု လုပ်ဆောင်ခြင်းဖြစ်ပြီး ကျွန်းကိုင်မှီ ကိုင်းကျွန်းမှီ စီးပွားရေးအခြေအနေကို လက်နက်သဖွယ်အသုံးချခြင်း ဖြစ်ပါတယ်” ဟု ၎င်းက ထောက်ပြပြောကြားခဲ့သည်။

၎င်းတို့က ကမ္ဘာ့စီးပွားရေး တည်ငြိမ်မှုအခြေခံလျော့ပါးစေပြီး နိုင်ငံတကာဆက်ဆံရေးတွင် မတည်ငြိမ်မှုအသစ်များနှင့် အန္တရာယ်များ ဆောင်ကြဉ်းပေးနေခြင်းကြောင့် ယင်းသို့ ကျင့်သုံးခြင်းကို ဆောလျင်စွာအဆုံးသတ်ရန် ၎င်းက တိုက်တွန်းခဲ့သည်။ (Xinhua)

#China, #Ukraine, #HumantarianCrisis, #Xinhua, #Myanmar, #XinhuaMyanmar, #တရုတ်, #ယူကရိန်း, #လူသားချင်းစာနာထောက်ထားမှုဆိုင်ရာအကျပ်အတည်း, #ဆင်ဟွာ, #မြန်မာ, #ဆင်ဟွာမြန်မာ
——————————
(English Version)

Chinese envoy says early conflict resolution key to ending humanitarian crisis in Ukraine
2022-04-20 11:04:29 Category：Politics, Law
UNITED NATIONS, April 19 (Xinhua) — The fundamental way to resolve the humanitarian crisis in Ukraine is to put an early end to the conflict, China’s permanent representative to the United Nations Zhang Jun said on Tuesday.
“We call on Russia and Ukraine to adhere to the general direction of dialogue and negotiation, continuously narrow differences, and accumulate conditions for a ceasefire,” Zhang told the Security Council meeting on the humanitarian issue of Ukraine.
On the protection of civilians, Zhang said that every effort must be made to reduce the harm to civilians caused by conflict.
“China once again calls on all parties to the conflict to exercise maximum restraint, strictly abide by international humanitarian law, protect civilians and civilian facilities, and facilitate evacuation and humanitarian assistance operations,” said the envoy.
“The parties concerned should strengthen communication on humanitarian issues, and conduct coordination and cooperation on issues such as opening humanitarian corridors and organizing the safe evacuation of personnel,” he added.
China appreciates the fact that the neighboring countries of Ukraine have provided “safe havens and humanitarian assistance,” he said.
Speaking about sanctions, the envoy said, “We must pay attention to and eliminate the negative impact of sanctions.”
“The vast number of developing countries that are not parties to the conflict have paid a heavy price for it. This is neither fair nor reasonable. The international community should strengthen coordination to keep food and energy supplies and prices stable, and avoid unnecessary export restrictions,” Zhang said.
He pointed out that “arbitrary freeze of foreign exchange reserves of other countries also constitutes a violation of sovereignty, and is tantamount to weaponizing economic interdependence.”
He called for an early end to such practices as they “undermine the foundation of world economic stability and bring new uncertainties and risks to international relations.” Enditem
Photo : Zhang Jun, China’s permanent representative to the United Nations, speaks at a Security Council high-level open debate on climate and security at the UN headquarters in New York, Sept. 23, 2021. (Xinhua/Wang Ying)