မြန်မာနိုင်ငံရှိ တရုတ်စာအုပ်အရောင်းဆိုင်များက တရုတ်ဘာသာစကားလေ့လာမှုကို အဆင်ပြေချောမွေ့စေ

ရန်ကုန်၊ ဧပြီ ၂၃ ရက် (ဆင်ဟွာ)

မြန်မာနိုင်ငံရှိ တရုတ်စာအုပ်အရောင်းဆိုင်များတွင် တရုတ်စာလေ့လာရေးအတွက် အမျိုးအစားစုံလင်စွာ လွယ်လင့်တကူရရှိနိုင်ပြီဖြစ်သဖြင့် တရုတ်ဘာသာစကားလေ့လာသူများအတွက် ဘာသာစကားလေ့လာရာ၌ ပိုမိုအဆင်ပြေချောမွေ့လာကြောင်း ရန်ကုန်မြို့ရှိ Great Future Chinese Bookstore ပိုင်ရှင် မဇင်ဝင်းမာက ဆင်ဟွာသို့ ပြောခဲ့သည်။

မြန်မာနိုင်ငံ ရန်ကုန်မြို့ရှိ စာအုပ်ဆိုင်တစ်ဆိုင်၏ စာအုပ်စင်များပေါ်၌ တရုတ်ဘာသာစကားဖြင့် ရေးသားထားသောစာအုပ်များ ခင်းကျင်းထားသည်ကို ၂၀၂၄ ခုနှစ် ဧပြီ ၁၈ ရက်က တွေ့ရစဉ် (ဆင်ဟွာ)

“အရင်ကတော့ တရုတ်စာအုပ်တွေက ဈေးကွက်ထဲမှာလွယ်လွယ်ကူကူလည်း ဝယ်လို့မရဘူး။ သံရုံးက ပံ့ပိုးပေးတာ ဒါမှမဟုတ် ဘုံကျောင်းမှာ သွားတက်တော့မှ မိတ္တူလေးတွေဆွဲပြီးသုံးကြရတာပါ။ အခုဆိုရင် တရုတ်စာအုပ်ရောင်းတဲ့ စာအုပ်ဆိုင်တွေရှိလာတော့ အမျိုးအစားလည်းစုံပြီး သင်ရိုးတွေကိုလည်းအမျိုးမျိုး ရွေးချယ်ပြီးသုံးလို့၊ လေ့လာလို့ရနေပြီ။ စာအုပ်တွေအများကြီးရှိလာတော့ လေ့လာရတာလည်း ပိုပြီးအဆင်ပြေလာကြတယ်” ဟု မဇင်ဝင်းမာက ဆိုသည်။

Great Future Chinese Bookstore တွင် စာအုပ်လာဝယ်သူတစ်ဦးဖြစ်သော မနန်းသစ္စာက “ညီမကတော့ သင်ရိုးအတွက် စာအုပ်တွေလိုအပ်တိုင်း ဒီဆိုင်ကိုပဲ အမြဲတမ်းလာနေကျပဲ” ဟု ပြောသည်။
“ညီမအိပ်မက်က တရုတ်စာသင်တဲ့ဆရာမဖြစ်ချင်တာဆိုတော့ ဒီဘာသာစကားဖိပြီးလေ့လာဖြစ်တာပါ။ ဒီလိုဆိုင်မျိုးတွေရှိတော့ သင်ထောက်ကူအတွက်လိုအပ်တဲ့စာအုပ်တွေလည်း အမြဲတမ်းရှိနေတော့ အရမ်းအဆင်ပြေပါတယ်” ဟု ၎င်းကဖြည့်စွက်ပြောခဲ့သည်။
Yangon Culture Book and Publishing အထွေထွေမန်နေဂျာ မနှင်းနှင်းဖြူက “ကျွန်မ ဒီဆိုင်ကို ၂၀၂၂ ခုနှစ်လောက်က စဖွင့်ခဲ့တာပါ။ ရန်ကုန်မှာက တရုတ်စာအုပ်ဆိုင်တွေမရှိဘူးလေ။ ပြီးတော့ ကျွန်မက တရုတ်စာဖတ်တာ ဝါသနာပါတာနဲ့ ဘာသာပြန်တာလည်းလုပ်နေတာဆိုတော့ လူငယ်တွေအတွက် တရုတ်စာအုပ်တွေ ပိုပြီးအဆင်ပြေပြေနဲ့ရစေချင်လို့ ဒီလိုစာအုပ်ဆိုင်ဖွင့်ဖြစ်တာပါ” ဟု ပြောသည်။

တရုတ်ဘာသာစကားလေ့လာသူ အသက် ၃၁ နှစ်အရွယ် မသဲဝါစိန်က “ကျွန်မက Yangon Culture Book and Publishing ကနေ တရုတ်စာအုပ်တွေကို အများဆုံးဝယ်ဖြစ်ပါတယ်။ အွန်လိုင်းကလည်း စာအုပ်တွေမှာလို့ရတယ်ဆိုတော့ ကိုယ်လိုချင်တဲ့စာအုပ်တွေပြောလိုက်ရင် ရှာပေးတယ်၊ အမြန်ဆုံးလည်း ပို့ပေးတယ်။ တရုတ်စာနဲ့ပတ်သက်တာတွေလည်း ဒီမှာအကုန်ရတယ်” ဟု ပြောသည်။

ထို့ပြင် နောက်ထပ် တရုတ်ဘာသာစကားလေ့လာသူ အသက် ၂၀ နှစ်အရွယ် ကိုလွင်မျိုးငြိမ်းက “ကျွန်တော်က စင်ကာပူကို အလုပ်သွားလုပ်ဖို့ အခုမှစပြီးတရုတ်စကားပြောပိုင်းလေ့လာဖို့လုပ်နေတာပါ။ ဒီစာအုပ်ဆိုင် (Yangon Culture Book and Publishing) က တရုတ်စာနဲ့ပတ်သက်တဲ့ စာအုပ်တွေအများကြီးရှိတော့ တရုတ်စာလေ့လာမယ့်သူတွေအတွက် အထောက်အကူဖြစ်ပါတယ်” ဟု ဆိုသည်။
မန္တလေးမြို့တွင် New Great Wall စာအုပ်ဆိုင်ဖွင့်ထားသော ဦးဝင်းမောင်က မြန်မာနိုင်ငံတွင် တရုတ်စာလေ့လာမှု မြင့်တက်လာသည့်အကြောင်းရင်းမှာ တရုတ်စာကို စိတ်ဝင်စားသူများပြားလာခြင်းနှင့် တရုတ်စကားပြောတတ်ပါက အခြားသူထက်လစာဝင်ငွေပိုကောင်းခြင်းကြောင့်ဖြစ်ကြောင်း ပြောကြားခဲ့သည်။

ကုမ္ပဏီများအနေဖြင့်လည်း တရုတ်ဘာသာစကားတတ်ကျွမ်းသူများကို လခကောင်းများဖြင့် အလုပ်ကမ်းလှမ်းလာခြင်းကလည်း တရုတ်စာလေ့လာသူများပြားလာစေသည့် အကြောင်းရင်းတစ်ရပ်ဖြစ်ကြောင်း ၎င်းက ဆိုသည်။
အလုပ်အကိုင်အခွင့်အလမ်း၊ နယ်စပ်ကုန်သွယ်မှု၊ ခရီးသွားလာမှု စသည်တို့၌ ပိုမိုအထောက်အကူပြုသည့်အတွက် တရုတ်ဘာသာစကားလေ့လာသူ များပြားလာရခြင်းဖြစ်သည်ဟု ဦးဝင်းမောင်က ဖြည့်စွက်ပြောကြားခဲ့သည်။ (Xinhua)
……………………………………………….
(English Version)

Myanmar’s Chinese bookstores offer easy access to Chinese language learning materials
YANGON, April 22 (Xinhua) — Chinese learners in Myanmar now have easy access to a wide variety of Chinese language learning materials at bookstores, making their learning journey more convenient, Zin Win Mar, owner of the Great Future Chinese Bookstore in Yangon, told Xinhua.
“In the past, getting Chinese books wasn’t easy, and we depended on books from embassy support or those provided by Chinese temples. But now, with the bookstores selling Chinese books around, it’s a breeze,” she said.
Nan Thitsar, a customer of the Great Future Chinese Bookstore, shared, “I always come here whenever I need books, especially for curriculum materials.”
“My dream is to become a Chinese teacher, so I’m dedicated to learning the language. Thankfully, I can easily find all the Chinese books I need right here,” she added.
Hnin Hnin Phyu, general manager of Yangon Culture Book and Publishing, said, “I opened my bookstore in 2022 because there weren’t many places selling Chinese books in Yangon. Plus, I enjoy reading and translating, and I wanted to make Chinese books more accessible for young people.”
Thae Wah Sein, 31, said, “I mostly buy Chinese books from the Yangon Culture Book and Publishing. Catering specifically to Chinese language learners, this bookstore offers a diverse array of Chinese literature, making it effortless to find desired titles.”
Lwin Myo Nyein, aged 20, said, “the discovery of this bookstore (Yangon Culture Book and Publishing) was a gateway to my aspiration of working in Singapore. This bookstore’s wide range of materials made for Chinese learners is helpful for people studying the language.”
U Win Maung, owner of the New Great Wall in Mandalay, said the reason for increase in Chinese language learning is that proficiency in Chinese is highly rated in Myanmar and people who speak Chinese can earn more money than others.
Companies offer more competitive wages to those who are fluent in Chinese, motivating more people to learn the language, he said.
Lots of people started learning Chinese because they saw how fluency could lead to big benefits, he added.
Photo 1: Locals visit a bookshop where books in Chinese are available in Yangon, Myanmar, April 18, 2024. (Photo by Myo Kyaw Soe/Xinhua)
Photo 2: Books in Chinese are displayed on the shelves of a bookshop in Yangon, Myanmar, April 18, 2024. (Photo by Myo Kyaw Soe/Xinhua)