တရုတ်နိုင်ငံ၏ အဓိကကျောက်မီးသွေးထုတ်လုပ်ရေးပြည်နယ်က ကမ္ဘာ့စွမ်းအင်အသွင်ကူးပြောင်းမှုအတွက် စိတ်ကူးလှုံ့ဆော်မှုပေး

ထိုက်ယွမ်၊ စက်တင်ဘာ ၁၉ ရက် (ဆင်ဟွာ)

တရုတ်နိုင်ငံ မြောက်ပိုင်း ဆန်းရှီးပြည်နယ် တာ့ထုန်မြို့ရှိ တစ်ချိန်က သတ္တုတွင်းလုပ်ငန်းများကြောင့် ထိတ်လန့်ခဲ့ရသော ကျောက်မီးသွေးတွင်းဧရိယာသည် ယခုအခါ ဆိုလာပြားများဖြင့် တဖျက်ဖျ‌က်လက်နေသောကွင်းပြင်ကျယ်အဖြစ် မြင်တွေ့ရသည်။
အဆိုပါ နေရောင်ခြည်စွမ်းအင်စခန်းနေရာသည် ဧရိယာ mu ၅၀,၀၀၀ နီးပါး (ဟက်တာ ၃,၃၃၃ ခန့်) ရှိပြီး ၂၀၁၆ ခုနှစ်မှစ၍ အစိမ်းရောင်စွမ်းအင် ကီလိုဝပ်နာရီ ၁၂ ဘီလီယံကျော် ထုတ်လုပ်လျက်ရှိသည်။

“ဒီနေရောင်ခြည်စွမ်းအင်စခန်းက နိုင်ငံရဲ့ စွမ်းအင်အသွင်ကူးပြောင်းမှုကို စံနမူနာဖြစ်စေတယ်။ လုပ်ငန်းလည်ပတ်မှု ၈ နှစ်ကျော်အတွင်း နေရောင်ခြည်စွမ်းအင်ထုတ်ကုန်တွေကလည်း ယုံကြည်စိတ်ချရမှုက သက်သေပဲ” ဟု ဆိုလာပြားများ ရောင်းချသည့် Yingli Solar ကုမ္ပဏီလီမိတက် ဥက္ကဋ္ဌ Yin Xulong က ပြောခဲ့သည်။
ဆန်းရှီးပြည်နယ် ထိုက်ယွမ်မြို့တွင် မကြာသေးမီက ကျင်းပခဲ့သော Taiyuan Energy Low Carbon Development ဖိုရမ်တွင် နိုင်ငံတကာ ပြန်လည်ပြည့်ဖြိုးမြဲစွမ်းအင်အေဂျင်စီ (International Renewable Energy Agency) ညွှန်ကြားရေးမှူးချုပ် Francesco La Camera က ကမ္ဘာလုံးဆိုင်ရာ ပြန်လည်ပြည့်ဖြိုးမြဲစွမ်းအင် တိုးချဲ့မှုတွင် တရုတ်နိုင်ငံ၏ အရေးပါသော ပံ့ပိုးကူညီမှုကို ဗီဒီယိုမိန့်ခွန်းမှတစ်ဆင့် မီးမောင်းထိုးပြခဲ့သည်။ ၂၀၂၃ ခုနှစ်တွင် တရုတ်နိုင်ငံသည် ကမ္ဘာ့ ပြန်လည်ပြည့်ဖြိုးမြဲစွမ်းအင်သစ် တပ်ဆင်စွမ်းအင်ပမာဏ၏ ၆၃ ရာခိုင်နှုန်း အထောက်အကူပြုထားကြောင်း သိရသည်။
ယခုနှစ် ဇူလိုင်လကုန်အထိ ပြန်လည်ပြည့်ဖြိုးမြဲစွမ်းအင် တပ်ဆင်စွမ်းအင်ပမာဏသည် ကီလိုဝပ်နာရီ ၁.၆၈ ဘီလီယံအထိ ရောက်ရှိလာခဲ့ရာ နိုင်ငံ၏ စုစုပေါင်း တပ်ဆင်စွမ်းအင်ပမာဏ၏ ၅၄ ရာခိုင်နှုန်းကျော် ရှိလာပြီဖြစ်သည်။
ဆန်းရှီးပြည်နယ်တွင် သစ်လွင်၍ သန့်ရှင်းသော စွမ်းအင်မှ တပ်ဆင်စွမ်းအင်ပမာဏအချိုးအစားသည် ၂၀၁၉ ခုနှစ်တွင် ၃၃.၉ ရာခိုင်နှုန်းရှိရာမှ ၂၀၂၄ ခုနှစ် ပထမနှစ်ဝက်၌ ၄၇.၂ ရာခိုင်နှုန်းအထိ ရောက်ရှိလာကြောင်း၊ ထိုအရင်းအမြစ်များမှ လျှပ်စစ်ဓာတ်အားထုတ်လုပ်မှုအနေဖြင့်လည်း အထက်ပါ အလားတူကာလများအတွင်း ၁၈.၁ ရာခိုင်နှုန်းမှ ၂၈.၂ ရာခိုင်နှုန်းအထိ အသီးသီးမြင့်တက်လာခဲ့ကြောင်း သိရသည်။

ထို့ပြင် ဆန်းရှီးပြည်နယ်သည် အစိမ်းရောင်စွမ်းအင်အရင်းအမြစ် ဖော်ထုတ်ရာတွင် တစ်မူထူးခြားသော အကျိုးကျေးဇူးရှိနေပေသည်။ ဥပမာအနေဖြင့် ကုတ်မီးသွေးထုတ်လုပ်မှု၏ ဘေးထွက်ပစ္စည်းတစ်ခုဖြစ်သော coke oven gas တွင် ဟိုက်ဒရိုဂျင် ၆၀ ရာခိုင်နှုန်းခန့်ပါဝင်ရာ ဆန်းရှီးပြည်နယ်တွင် ၎င်းဟိုက်ဒရိုဂျင်ကို ကုန်ကျစရိတ်သက်သက်သာသာဖြင့် ထုတ်လုပ်နိုင်သည်။
မကြာသေးမီနှစ်များက ပြည်နယ်အတွင်းရှိ Jinnan Steel Group ၊ Meijin Energy ၊ Pengfei Group စသည့် သံမဏိနှင့် ကုတ်မီးသွေးကုမ္ပဏီများက ဟိုက်ဒရိုဂျင်စွမ်းအင်ကဏ္ဍကို ဝင်ရောက်ရန် အပြိုင်အဆိုင်ကြိုးစားခဲ့ကြသည်။
ယခင်နှစ် နှစ်ကုန်ပိုင်းက ဆန်းရှီးပြည်နယ်၏ ကုတ်မီးသွေးဓာတ်ငွေ့ coke oven gas မှ သန့်စင်မှုမြင့်မားသော ဟိုက်ဒရိုဂျင်၊ chemical tail gas နှင့် electrolysis ထုတ်လုပ်မှုမှာ တစ်နှစ်လျှင် တန်ချိန် ၃၁,၀၀၀ အထိ ရောက်ရှိလာခဲ့ကြောင်း၊ လည်ပတ်လျက်ရှိသော ဟိုက်ဒရိုဂျင်လောင်စာဆဲလ် မော်တော်ယာဉ်အရေအတွက်မှာလည်း ၈၈၅ အထိ ရှိလာကြောင်း သိရသည်။
ယခုနှစ် ဇူလိုင်လတွင် အင်ဒိုနီးရှားနိုင်ငံမှ ကျောက်မီးသွေးထုတ်လုပ်သော ပြည်နယ်နှစ်ခုမှ ကိုယ်စားလှယ်များသည် ဆန်းရှီးပြည်နယ်သို့ လာရောက်လေ့လာခဲ့သည်။ Meijin Energy စသည့် စွမ်းအင်ကုမ္ပဏီများသို့ သွားရောက်ခဲ့သော လေ့လာသူများက ရှိရင်းစွဲစွမ်းအင်ကဏ္ဍ အသွင်ကူးပြောင်းရေးအတွက် တရုတ်နိုင်ငံ၏ အပြုသဘောဆောင်သော ကြိုးပမ်းအားထုတ်မှုများကို လေးစားအထင်ကြီးခဲ့ကြသည်ဟု ဆိုသည်။

ဆန်းရှီးပြည်နယ်၏ ရှိရင်းစွဲစက်မှုလုပ်ငန်းများက အစိမ်းရောင်အသွင်ကူးပြောင်းမှုအတွက် တိုးတက်မှုကို ကောင်းမွန်စွာအသုံးချလျက်ရှိကြောင်းနှင့် တရုတ်နိုင်ငံက ထိုအပြောင်းအလဲကို စိန်ခေါ်မှုအဖြစ်သာမက အရေးပါသောအခွင့်အလမ်းအဖြစ်လည်း မှတ်ယူကြောင်း Energy Shift Institute ၏ မန်နေဂျင်းဒါရိုက်တာ Putra Adhiguna က ပြောကြားခဲ့သည်။
မကြာမီက ကျင်းပခဲ့သော တရုတ်နိုင်ငံ (ထိုက်ယွမ်) နိုင်ငံတကာစွမ်းအင်လုပ်ငန်းပြပွဲတွင် ဉာဏ်ရည်ရှိ သတ္တုတွင်းနည်းပညာများနှင့် အာကာသအခန်းငယ်အား စိတ်ကူးရယူထားသည့် မြေပြင်ထိန်းချုပ်ရေးပလက်ဖောင်းများ အပါအဝင် တီထွင်ဆန်းသစ်မှုအခင်းအကျင်းများက ပြပွဲတက်ရောက်လာသူများကို ဆွဲဆောင်နိုင်ခဲ့သည်။
ယခုနှစ် မတ်လက ဆန်းရှီးပြည်နယ်ရှိ ကျောက်မီးသွေးတွင်း ၄၀၀ ကျော်ထံမှ အချက်အလက်အမြောက်အမြားကို သိုလှောင်ရန် ဉာဏ်ရည်ရှိ ပလက်ဖောင်းတစ်ခုကို စတင်ခဲ့သည်။ ယင်းပလက်ဖောင်းက စီးပွားရေးလုပ်ငန်းများကို နည်းပညာတိုးတက်မှုအတွက် အဟန့်အတားများလျှော့ချပေးရေးနှင့် ဉာဏ်ရည်ရှိထုတ်ကုန်များ ဆန်းသစ်တီထွင်မှု အရှိန်မြှင့်တင်ရန် လေ့ကျင့်မှုအများအပြားအား အကျိုးရှိရှိအသုံးချလျက်ရှိကြောင်း သိရသည်။

“တရုတ်နိုင်ငံရဲ့ ပြန်လည်ပြည့်ဖြိုးမြဲစွမ်းအင် စုပေါင်းတပ်ဆင်စွမ်းအင်ပမာဏဟာ အခုဆိုရင် ကမ္ဘာ့စုစုပေါင်းရဲ့ ၄၀ ရာခိုင်နှုန်းခန့် ရှိပါပြီ။ တရုတ်နိုင်ငံရဲ့ လေစွမ်းအင်နဲ့ ဆိုလာစွမ်းအင်ထုတ်ကုန်တွေ တင်ပို့မှုက အခြားနိုင်ငံတွေအတွက် ကာဗွန်ထုတ်လွှတ်မှုမှာ တန်ချိန် ၈၁၀ လျှော့ချပေးဖို့ အထောက်အကူပြုပေးနေပါတယ်” ဟု အမျိုးသားစွမ်းအင်ဦးစီးဌာန၊ စီးပွားရေးပညာရှင် အကြီးအကဲ Lu Junling က ပြောခဲ့သည်။
နိုင်ငံတကာပူးပေါင်းဆောင်ရွက်မှုအနေဖြင့် လေစွမ်းအင်၊ ဆိုလာ၊ ဟိုက်ဒရိုဂျင်၊ သိုလှောင်မှုူနှင့် စမတ် (smart) စွမ်းအင်နည်းပညာများ စသည့်စွမ်းအင်နယ်ပယ်များ၌ အားကောင်းလျက်ရှိကြောင်း Lu က ဖြည့်စွက်ပြောခဲ့သည်။ ဖွံ့ဖြိုးဆဲနိုင်ငံများ၏ အစိမ်းရောင်နှင့် ကာဗွန်လျော့နည်းစွမ်းအင်ထုတ်လုပ်မှုအတွက် ထောက်ခံအားပေးမှုသည် ပိုမိုအားကောင်းသင့်သလို စွမ်းအင်အမျိုးမျိုးမိတ်ဖက်ဆောင်ရွက်မှုများအတွက် အခွင့်အလမ်းသစ်များကိုလည်း တက်တက်ကြွကြွရှာဖွေဖော်ထုတ်သင့်ပေသည်။ (Xinhua)

……………………………………..
(English Version)
Economic Watch: China’s major coal producing province provides inspiration for global energy transition
TAIYUAN, Sept. 17 (Xinhua) — In the city of Datong in north China’s Shanxi Province, a coal mining subsidence area once scarred by mining activities is now adorned with a vast array of glinting solar panels.
The photovoltaic base covering an area of nearly 50,000 mu (about 3,333 hectares) has generated over 12 billion kilowatt-hours of green energy since 2016.
“This photovoltaic base has epitomized the country’s energy transition. Over eight years of operation, it has validated the reliability of photovoltaic products,” said Yin Xulong, chairman of Yingli Solar Co., Ltd., a supplier of solar panels.
At the recently held Taiyuan Energy Low Carbon Development Forum in Taiyuan, the capital of Shanxi, Francesco La Camera, director-general of the International Renewable Energy Agency, highlighted China’s significant contributions to global renewable energy expansion in a video speech. In 2023, China contributed 63 percent of the world’s new renewable energy installed capacity.
As of the end of July this year, the installed capacity of renewable energy reached 1.68 billion kilowatts, making up over 54 percent of the country’s total installed power capacity.
In Shanxi, the proportion of installed capacity from new and clean energy rose from 33.9 percent in 2019 to 47.2 percent in the first half of 2024, while the share of electricity generated from these sources increased from 18.1 percent to 28.2 percent during the same period.
Shanxi has a unique advantage in developing green energy sources. For example, coke oven gas, a byproduct of coke production, contains about 60 percent hydrogen, making it a cost-effective source for hydrogen production.
In recent years, steel and coke companies in the province, such as Jinnan Steel Group, Meijin Energy, and Pengfei Group, have raced to enter the hydrogen energy sector.
By the end of last year, Shanxi’s capacity for producing high-purity hydrogen from coke oven gas, chemical tail gas, and electrolysis reached 31,000 tonnes per year, and the number of hydrogen fuel cell vehicles in operation had increased to 885.
In July this year, delegations from two coal-producing provinces in Indonesia visited Shanxi. At energy companies such as Meijin Energy, visitors were impressed by China’s concrete efforts to transform its traditional energy sector.
Putra Adhiguna, managing director of Energy Shift Institute, said that Shanxi’s existing industries are being well-used as a stepping stone for a green transformation, and China sees this shift not only as a challenge but also as a significant opportunity.
At the recently held China (Taiyuan) International Energy Industry Expo, innovative displays, including intelligent mining technologies and space capsule-inspired ground control platforms, captivated attendees.
In March this year, an intelligent platform was launched to store vast amounts of data from over 400 coal mines in Shanxi. It utilizes large model training to help enterprises lower the barriers to technological development and accelerate the innovation of intelligent products.
“China’s cumulative installed capacity of renewable energy now accounts for about 40 percent of the global total, and China’s exports of wind and solar products have contributed to a reduction of 810 million tonnes in carbon emissions for other countries,” said Lu Junling, chief economist at the National Energy Administration.
Lu added that international cooperation should be strengthened in the energy fields such as wind, solar, hydrogen, storage, and smart energy technologies. Support for developing countries’ green and low-carbon energy development should be intensified, and new opportunities for diversified energy partnerships should be actively explored.
Photo: An aerial drone photo taken on May 30, 2024 shows the Datong Coal Mining Subsidence Area National Advanced Technology Photovoltaic Demonstration Base in Datong, north China’s Shanxi Province. (Xinhua/Liu Tianyu)