တောင်တရုတ်ပင်လယ် အပြုအမူဆိုင်ရာ သတ်မှတ်ချက် မူဘောင်အား အာဆီယံ နိုင်ငံခြားရေးဝန်ကြီးများ ထောက်ခံ

မနီလာ၊ သြဂုတ် ၅ ရက် (ဆင်ဟွာ)

အရှေ့တောင်အာရှနိုင်ငံများအသင်း (ASEAN) နိုင်ငံခြားရေးဝန်ကြီးများက သြဂုတ်လ ၆ ရက်နေ့ အာဆီယံ-တရုတ် အစည်းအဝေး ပိတ်ပွဲ၌ အတည်ပြုရန်အတွက် တောင်တရုတ်ပင်လယ် အပြုအမူဆိုင်ရာ သတ်မှတ်ချက် (Code of Conduct) မူဘောင်အား သြဂုတ်လ ၅ ရက်က ထောက်ခံခဲ့ကြကြောင်း ဖိလစ်ပိုင် အစိုးရ ပြောခွင့်ရပုဂ္ဂိုလ် နိုင်ငံခြားရေးရာဋ္ဌာန ယာယီပြောခွင့်ရပုဂ္ဂိုလ် Robespierre Bolivar က ပြောသည်။

အဆိုပါ မူဘောင်က ထိရောက်မှုရှိသော အပြုအမူဆိုင်ရာသတ်မှတ်ချက် တစ်ခုအဖြစ် တရုတ်နှင့် အာဆီယံအကြား ညှိနှိုင်းဆွေးနွေးရာတွင် အကူအညီဖြစ်စေမည် ဖြစ်ကြောင်း Bolivar က ဆိုသည်။

တောင်တရုတ်ပင်လယ် အပြုအမူဆိုင်ရာ သတ်မှတ်ချက် မူဘောင် ပေါ်ထွက်လာရေးသည် ရက်သတ္တပတ်ကြာ ပြုလုပ်ခဲ့သည့် အာဆီယံ ဝန်ကြီးအဆင့် အစည်းအဝေးများ၏ အဓိက ရလဒ်တစ်ခုအဖြစ် ပေါ်ထွက်လာစေမည် ဖြစ်ကြောင်း Bolivar က အစောပိုင်းတွင် ပြောကြားခဲ့သည်။

ယခုနှစ်အတွက် အာဆီယံ အလှည့်ကျ ဥက္ကဋ္ဌအဖြစ် ဖိလစ်ပိုင်နိုင်ငံက တာဝန်ယူနေခြင်း ဖြစ်သည်။

အာဆီယံအား ဘရူနိုင်း၊ ကမ္ဘောဒီးယား၊ အင်ဒိုနီးရှား၊ လာအို၊ မလေးရှား၊ မြန်မာ၊ ဖိလစ်ပိုင်၊ စင်ကာပူ၊ ထိုင်းနှင့် ဗီယက်နမ် စသည့် ၁၀ နိုင်ငံဖြင့် ဖွဲ့စည်းထားခဲ့သည်။ (Xinhua)